༨. ནི་ག་ཎྛ་ནཱ་ཊ་པུ་ཏྟ་སུ་ཏྟཾ
༣༥༠. ཏེ་ན ཁོ པ་ན ས་མ་ཡེ་ན ནི་ག་ཎྛོ ནཱ་ཊ་པུ་ཏྟོ [ནཱ་ཏ་པུ་ཏྟོ (སཱི.)] མ་ཙྪི་ཀཱ་ས་ཎྜཾ ཨ་ནུ་པྤ་ཏྟོ ཧོ་ཏི མ་ཧ་ཏི་ཡཱ ནི་ག་ཎྛ་པ་རི་སཱ་ཡ ས་དྡྷིཾ. ཨ་སྶོ་སི ཁོ ཙི་ཏྟོ ག་ཧ་པ་ཏི – ‘‘ནི་ག་ཎྛོ ཀི་ར ནཱ་ཊ་པུ་ཏྟོ མ་ཙྪི་ཀཱ་ས་ཎྜཾ ཨ་ནུ་པྤ་ཏྟོ མ་ཧ་ཏི་ཡཱ ནི་ག་ཎྛ་པ་རི་སཱ་ཡ ས་དྡྷི’’ནྟི. ཨ་ཐ ཁོ ཙི་ཏྟོ ག་ཧ་པ་ཏི ས་མྦ་ཧུ་ལེ་ཧི ཨུ་པཱ་ས་ཀེ་ཧི ས་དྡྷིཾ ཡེ་ན ནི་ག་ཎྛོ ནཱ་ཊ་པུ་ཏྟོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ནི་ག་ཎྛེ་ན ནཱ་ཊ་པུ་ཏྟེ་ན ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣཾ ཁོ ཙི་ཏྟཾ ག་ཧ་པ་ཏིཾ ནི་ག་ཎྛོ ནཱ་ཊ་པུ་ཏྟོ ཨེ་ཏ་ད་ཝོ་ཙ – ‘‘ས་དྡ་ཧ་སི ཏྭཾ, ག་ཧ་པ་ཏི, ས་མ་ཎ་སྶ གོ་ཏ་མ་སྶ – ཨ་ཏྠི ཨ་ཝི་ཏ་ཀྐོ ཨ་ཝི་ཙཱ་རོ ས་མཱ་དྷི, ཨ་ཏྠི ཝི་ཏ་ཀྐ་ཝི་ཙཱ་རཱ་ནཾ ནི་རོ་དྷོ’’ཏི?
‘‘ན ཁྭཱ་ཧཾ ཨེ་ཏྠ, བྷ་ནྟེ, བྷ་ག་ཝ་ཏོ ས་དྡྷཱ་ཡ ག་ཙྪཱ་མི. ཨ་ཏྠི ཨ་ཝི་ཏ་ཀྐོ ཨ་ཝི་ཙཱ་རོ ས་མཱ་དྷི, ཨ་ཏྠི ཝི་ཏ་ཀྐ་ཝི་ཙཱ་རཱ་ནཾ ནི་རོ་དྷོ’’ཏི. ཨེ་ཝཾ ཝུ་ཏྟེ, ནི་ག་ཎྛོ ནཱ་ཊ་པུ་ཏྟོ ཨུ་ལློ་ཀེ་ཏྭཱ [ས་ཀཾ པ་རི་སཾ ཨ་པ་ལོ་ཀེ་ཏྭཱ (སཱི. སྱཱ. ཀཾ.), ཨོ་ལོ་ཀེ་ཏྭཱ (སཱི. ཨ་ཊྛ. སྱཱ. ཨ་ཊྛ.)] ཨེ་ཏ་ད་ཝོ་ཙ – ‘‘ཨི་དཾ བྷ་ཝ་ནྟོ པ་སྶ་ནྟུ, ཡཱ་ཝ ཨུ་ཛུ་ཀོ ཙཱ་ཡཾ ཙི་ཏྟོ ག་ཧ་པ་ཏི, ཡཱ་ཝ ཨ་ས་ཋོ ཙཱ་ཡཾ ཙི་ཏྟོ ག་ཧ་པ་ཏི, ཡཱ་ཝ ཨ་མཱ་ཡཱ་ཝཱི ཙཱ་ཡཾ ཙི་ཏྟོ ག་ཧ་པ་ཏི, ཝཱ་ཏཾ ཝཱ སོ ཛཱ་ལེ་ན བཱ་དྷེ་ཏ་བྦཾ མ་ཉྙེ་ཡྻ, ཡོ ཝི་ཏ་ཀྐ་ཝི་ཙཱ་རེ ནི་རོ་དྷེ་ཏ་བྦཾ མ་ཉྙེ་ཡྻ, ས་ཀ་མུ་ཊྛི་ནཱ ཝཱ སོ ག་ངྒཱ་ཡ སོ་ཏཾ ཨཱ་ཝཱ་རེ་ཏ་བྦཾ མ་ཉྙེ་ཡྻ, ཡོ ཝི་ཏ་ཀྐ་ཝི་ཙཱ་རེ ནི་རོ་དྷེ་ཏ་བྦཾ མ་ཉྙེ་ཡྻཱ’’ཏི.
‘‘ཏཾ ཀིཾ མ་ཉྙ་སི, བྷ་ནྟེ, ཀ་ཏ་མཾ ནུ ཁོ པ་ཎཱི་ཏ་ཏ་རཾ – ཉཱ་ཎཾ ཝཱ ས་དྡྷཱ ཝཱ’’ཏི? ‘‘ས་དྡྷཱ་ཡ ཁོ, ག་ཧ་པ་ཏི, ཉཱ་ཎཾ་ཡེ་ཝ པ་ཎཱི་ཏ་ཏ་ར’’ནྟི. ‘‘ཨ་ཧཾ ཁོ, བྷ་ནྟེ, ཡཱ་ཝ་དེ་ཝ ཨཱ་ཀ་ངྑཱ་མི, ཝི་ཝི་ཙྩེ་ཝ ཀཱ་མེ་ཧི ཝི་ཝི་ཙྩ ཨ་ཀུ་ས་ལེ་ཧི དྷ་མྨེ་ཧི ས་ཝི་ཏ་ཀྐཾ ས་ཝི་ཙཱ་རཾ ཝི་ཝེ་ཀ་ཛཾ པཱི་ཏི་སུ་ཁཾ པ་ཋ་མཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཨ་ཧཾ ཁོ, བྷ་ནྟེ, ཡཱ་ཝ་དེ་ཝ ཨཱ་ཀ་ངྑཱ་མི, ཝི་ཏ་ཀྐ་ཝི་ཙཱ་རཱ་ནཾ ཝཱུ་པ་ས་མཱ…པེ… དུ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཨ་ཧཾ ཁོ, བྷ་ནྟེ, ཡཱ་ཝ་དེ་ཝ ཨཱ་ཀ་ངྑཱ་མི, པཱི་ཏི་ཡཱ ཙ ཝི་རཱ་གཱ…པེ… ཏ་ཏི་ཡཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ཨ་ཧཾ ཁོ, བྷ་ནྟེ, ཡཱ་ཝ་དེ་ཝ ཨཱ་ཀ་ངྑཱ་མི, སུ་ཁ་སྶ ཙ པ་ཧཱ་ནཱ…པེ… ཙ་ཏུ་ཏྠཾ ཛྷཱ་ནཾ ཨུ་པ་ས་མྤ་ཛྫ ཝི་ཧ་རཱ་མི. ན སོ ཁྭཱ་ཧཾ, བྷ་ནྟེ, ཨེ་ཝཾ ཛཱ་ན་ནྟོ ཨེ་ཝཾ པ་སྶ་ནྟོ ཀ་སྶ ཨ་ཉྙ་སྶ ས་མ་ཎ་སྶ ཝཱ བྲཱ་ཧྨ་ཎ་སྶ ཝཱ ས་དྡྷཱ་ཡ ག་མི་སྶཱ་མི? ཨ་ཏྠི ཨ་ཝི་ཏ་ཀྐོ ཨ་ཝི་ཙཱ་རོ ས་མཱ་དྷི, ཨ་ཏྠི ཝི་ཏ་ཀྐ་ཝི་ཙཱ་རཱ་ནཾ ནི་རོ་དྷོ’’ཏི.
ཨེ་ཝཾ ཝུ་ཏྟེ, ནི་ག་ཎྛོ ནཱ་ཊ་པུ་ཏྟོ ས་ཀཾ པ་རི་སཾ ཨ་པ་ལོ་ཀེ་ཏྭཱ ཨེ་ཏ་ད་ཝོ་ཙ – ‘‘ཨི་དཾ བྷ་ཝ་ནྟོ པ་སྶ་ནྟུ, ཡཱ་ཝ ཨ་ནུ་ཛུ་ཀོ ཙཱ་ཡཾ ཙི་ཏྟོ ག་ཧ་པ་ཏི, ཡཱ་ཝ ས་ཋོ ཙཱ་ཡཾ ཙི་ཏྟོ ག་ཧ་པ་ཏི, ཡཱ་ཝ མཱ་ཡཱ་ཝཱི ཙཱ་ཡཾ ཙི་ཏྟོ ག་ཧ་པ་ཏཱི’’ཏི.
‘‘ཨི་དཱ་ནེ་ཝ ཁོ ཏེ [ཨི་དཱ་ནེ་ཝ ཙ པ་ན (སྱཱ. ཀཾ. ཀ.)] མ་ཡཾ, བྷ་ནྟེ, བྷཱ་སི་ཏཾ – ‘ཨེ་ཝཾ ཨཱ་ཛཱ་ནཱ་མ ཨི་དཾ བྷ་ཝ་ནྟོ པ་སྶ་ནྟུ, ཡཱ་ཝ ཨུ་ཛུ་ཀོ ཙཱ་ཡཾ ཙི་ཏྟོ ག་ཧ་པ་ཏི, ཡཱ་ཝ ཨ་ས་ཋོ ཙཱ་ཡཾ ཙི་ཏྟོ ག་ཧ་པ་ཏི, ཡཱ་ཝ ཨ་མཱ་ཡཱ་ཝཱི ཙཱ་ཡཾ ཙི་ཏྟོ ག་ཧ་པ་ཏཱི’ཏི. ཨི་དཱ་ནེ་ཝ ཙ པ་ན མ་ཡཾ, བྷ་ནྟེ, བྷཱ་སི་ཏཾ – ‘ཨེ་ཝཾ ཨཱ་ཛཱ་ནཱ་མ ཨི་དཾ བྷ་ཝ་ནྟོ པ་སྶ་ནྟུ, ཡཱ་ཝ ཨ་ནུ་ཛུ་ཀོ ཙཱ་ཡཾ ཙི་ཏྟོ ག་ཧ་པ་ཏི, ཡཱ་ཝ ས་ཋོ ཙཱ་ཡཾ ཙི་ཏྟོ ག་ཧ་པ་ཏི, ཡཱ་ཝ མཱ་ཡཱ་ཝཱི ཙཱ་ཡཾ ཙི་ཏྟོ ག་ཧ་པ་ཏཱི’ཏི. ས་ཙེ ཏེ, བྷ་ནྟེ, པུ་རི་མཾ ས་ཙྩཾ, པ་ཙྪི་མཾ ཏེ མི་ཙྪཱ. ས་ཙེ པ་ན ཏེ, བྷ་ནྟེ, པུ་རི་མཾ མི་ཙྪཱ, པ་ཙྪི་མཾ ཏེ ས་ཙྩཾ. ཨི་མེ ཁོ པ་ན, བྷ་ནྟེ, ད་ས ས་ཧ་དྷ་མྨི་ཀཱ པ་ཉྷཱ ཨཱ་ག་ཙྪ་ནྟི. ཡ་དཱ ནེ་སཾ ཨ་ཏྠཾ ཨཱ་ཛཱ་ནེ་ཡྻཱ་སི, ཨ་ཐ མཾ པ་ཊི་ཧ་རེ་ཡྻཱ་སི ས་དྡྷིཾ ནི་ག་ཎྛ་པ་རི་སཱ་ཡ. ཨེ་ཀོ པ་ཉྷོ, ཨེ་ཀོ ཨུ་དྡེ་སོ, ཨེ་ཀཾ ཝེ་ཡྻཱ་ཀ་ར་ཎཾ. དྭེ པ་ཉྷཱ, དྭེ ཨུ་དྡེ་སཱ, དྭེ ཝེ་ཡྻཱ་ཀ་ར་ཎཱ་ནི. ཏ་ཡོ པ་ཉྷཱ, ཏ་ཡོ ཨུ་དྡེ་སཱ, ཏཱི་ཎི ཝེ་ཡྻཱ་ཀ་ར་ཎཱ་ནི. ཙ་ཏྟཱ་རོ པ་ཉྷཱ, ཙ་ཏྟཱ་རོ ཨུ་དྡེ་སཱ, ཙ་ཏྟཱ་རི ཝེ་ཡྻཱ་ཀ་ར་ཎཱ་ནི. པ་ཉྩ པ་ཉྷཱ, པ་ཉྩ ཨུ་དྡེ་སཱ, པ་ཉྩ ཝེ་ཡྻཱ་ཀ་ར་ཎཱ་ནི. ཚ པ་ཉྷཱ, ཚ ཨུ་དྡེ་སཱ, ཚ ཝེ་ཡྻཱ་ཀ་ར་ཎཱ་ནི. ས་ཏྟ པ་ཉྷཱ, ས་ཏྟ ཨུ་དྡེ་སཱ, ས་ཏྟ ཝེ་ཡྻཱ་ཀ་ར་ཎཱ་ནི. ཨ་ཊྛ པ་ཉྷཱ, ཨ་ཊྛ ཨུ་དྡེ་སཱ, ཨ་ཊྛ ཝེ་ཡྻཱ་ཀ་ར་ཎཱ་ནི. ན་ཝ པ་ཉྷཱ, ན་ཝ ཨུ་དྡེ་སཱ, ན་ཝ ཝེ་ཡྻཱ་ཀ་ར་ཎཱ་ནི. ད་ས པ་ཉྷཱ, ད་ས ཨུ་དྡེ་སཱ, ད་ས ཝེ་ཡྻཱ་ཀ་ར་ཎཱ་ནཱི’’ཏི. ཨ་ཐ ཁོ ཙི་ཏྟོ ག་ཧ་པ་ཏི ནི་ག་ཎྛཾ ནཱ་ཊ་པུ་ཏྟཾ ཨི་མེ ད་ས ས་ཧ་དྷ་མྨི་ཀེ པ་ཉྷེ ཨཱ་པུ་ཙྪི་ཏྭཱ ཨུ་ཊྛཱ་ཡཱ་ས་ནཱ པ་ཀྐཱ་མཱི་ཏི. ཨ་ཊྛ་མཾ.