༢. པ་ཋ་མ་ཨི་སི་ད་ཏྟ་སུ་ཏྟཾ

༣༤༤. ཨེ་ཀཾ ས་མ་ཡཾ ས་མྦ་ཧུ་ལཱ ཐེ་རཱ བྷི་ཀྑཱུ མ་ཙྪི་ཀཱ་ས་ཎྜེ ཝི་ཧ་ར་ནྟི ཨ་མྦཱ་ཊ་ཀ་ཝ་ནེ. ཨ་ཐ ཁོ ཙི་ཏྟོ ག་ཧ་པ་ཏི ཡེ་ན ཐེ་རཱ བྷི་ཀྑཱུ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཐེ་རེ བྷི་ཀྑཱུ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཙི་ཏྟོ ག་ཧ་པ་ཏི ཐེ་རེ བྷི་ཀྑཱུ ཨེ་ཏ་ད་ཝོ་ཙ – ‘‘ཨ་དྷི་ཝཱ་སེ་ནྟུ མེ, བྷ་ནྟེ, ཐེ་རཱ སྭཱ་ཏ་ནཱ་ཡ བྷ་ཏྟ’’ནྟི. ཨ་དྷི་ཝཱ་སེ་སུཾ ཁོ ཐེ་རཱ བྷི་ཀྑཱུ ཏུ་ཎྷཱི་བྷཱ་ཝེ་ན. ཨ་ཐ ཁོ ཙི་ཏྟོ ག་ཧ་པ་ཏི ཐེ་རཱ་ནཾ བྷི་ཀྑཱུ་ནཾ ཨ་དྷི་ཝཱ་ས་ནཾ ཝི་དི་ཏྭཱ ཨུ་ཊྛཱ་ཡཱ་ས་ནཱ ཐེ་རེ བྷི་ཀྑཱུ ཨ་བྷི་ཝཱ་དེ་ཏྭཱ པ་ད་ཀྑི་ཎཾ ཀ་ཏྭཱ པ་ཀྐཱ་མི. ཨ་ཐ ཁོ ཐེ་རཱ བྷི་ཀྑཱུ ཏ་སྶཱ ར་ཏྟི་ཡཱ ཨ་ཙྩ་ཡེ་ན པུ་བྦ་ཎྷ་ས་མ་ཡཾ ནི་ཝཱ་སེ་ཏྭཱ པ་ཏྟ་ཙཱི་ཝ་ར་མཱ་དཱ་ཡ ཡེ་ན ཙི་ཏྟ་སྶ ག་ཧ་པ་ཏི་སྶ ནི་ཝེ་ས་ནཾ ཏེ་ནུ་པ་ས་ངྐ་མིཾ་སུ; ཨུ་པ་ས་ངྐ་མི་ཏྭཱ པ་ཉྙ་ཏྟེ ཨཱ་ས་ནེ ནི་སཱི་དིཾ་སུ.

ཨ་ཐ ཁོ ཙི་ཏྟོ ག་ཧ་པ་ཏི ཡེ་ན ཐེ་རཱ བྷི་ཀྑཱུ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཐེ་རེ བྷི་ཀྑཱུ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཙི་ཏྟོ ག་ཧ་པ་ཏི ཨཱ་ཡ་སྨ་ནྟཾ ཐེ་རཾ ཨེ་ཏ་ད་ཝོ་ཙ – ‘‘‘དྷཱ་ཏུ་ནཱ་ན་ཏྟཾ, དྷཱ་ཏུ་ནཱ་ན་ཏྟ’ནྟི, བྷ་ནྟེ ཐེ་ར, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, དྷཱ་ཏུ་ནཱ་ན་ཏྟཾ ཝུ་ཏྟཾ བྷ་ག་ཝ་ཏཱ’’ཏི? ཨེ་ཝཾ ཝུ་ཏྟེ ཨཱ་ཡ་སྨཱ ཐེ་རོ ཏུ་ཎྷཱི ཨ་ཧོ་སི. དུ་ཏི་ཡ་མྤི ཁོ ཙི་ཏྟོ ག་ཧ་པ་ཏི ཨཱ་ཡ་སྨ་ནྟཾ ཐེ་རཾ ཨེ་ཏ་ད་ཝོ་ཙ – ‘‘‘དྷཱ་ཏུ་ནཱ་ན་ཏྟཾ, དྷཱ་ཏུ་ནཱ་ན་ཏྟ’ནྟི, བྷ་ནྟེ ཐེ་ར, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, དྷཱ་ཏུ་ནཱ་ན་ཏྟཾ ཝུ་ཏྟཾ བྷ་ག་ཝ་ཏཱ’’ཏི? དུ་ཏི་ཡ་མྤི ཁོ ཨཱ་ཡ་སྨཱ ཐེ་རོ ཏུ་ཎྷཱི ཨ་ཧོ་སི. ཏ་ཏི་ཡ་མྤི ཁོ ཙི་ཏྟོ ག་ཧ་པ་ཏི ཨཱ་ཡ་སྨ་ནྟཾ ཐེ་རཾ ཨེ་ཏ་ད་ཝོ་ཙ – ‘‘‘དྷཱ་ཏུ་ནཱ་ན་ཏྟཾ, དྷཱ་ཏུ་ནཱ་ན་ཏྟ’ནྟི, བྷ་ནྟེ ཐེ་ར, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, དྷཱ་ཏུ་ནཱ་ན་ཏྟཾ ཝུ་ཏྟཾ བྷ་ག་ཝ་ཏཱ’’ཏི? ཏ་ཏི་ཡ་མྤི ཁོ ཨཱ་ཡ་སྨཱ ཐེ་རོ ཏུ་ཎྷཱི ཨ་ཧོ་སི.

ཏེ་ན ཁོ པ་ན ས་མ་ཡེ་ན ཨཱ་ཡ་སྨཱ ཨི་སི་ད་ཏྟོ ཏ་སྨིཾ བྷི་ཀྑུ་ས་ངྒྷེ ས་བྦ་ན་ཝ་ཀོ ཧོ་ཏི. ཨ་ཐ ཁོ ཨཱ་ཡ་སྨཱ ཨི་སི་ད་ཏྟོ ཨཱ་ཡ་སྨ་ནྟཾ ཐེ་རཾ ཨེ་ཏ་ད་ཝོ་ཙ – ‘‘བྱཱ་ཀ་རོ་མ་ཧཾ, བྷ་ནྟེ ཐེ་ར, ཙི་ཏྟ་སྶ ག་ཧ་པ་ཏི་ནོ ཨེ་ཏཾ པ་ཉྷ’’ནྟི? ‘‘བྱཱ་ཀ་རོ་ཧི ཏྭཾ, ཨཱ་ཝུ་སོ ཨི་སི་ད་ཏྟ, ཙི་ཏྟ་སྶ ག་ཧ་པ་ཏི་ནོ ཨེ་ཏཾ པ་ཉྷ’’ནྟི. ‘‘ཨེ་ཝ་ཉྷི ཏྭཾ, ག་ཧ་པ་ཏི, པུ་ཙྪ་སི – ‘དྷཱ་ཏུ་ནཱ་ན་ཏྟཾ, དྷཱ་ཏུ་ནཱ་ན་ཏྟ་ནྟི, བྷ་ནྟེ ཐེ་ར, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, བྷ་ནྟེ, དྷཱ་ཏུ་ནཱ་ན་ཏྟཾ, ཝུ་ཏྟཾ བྷ་ག་ཝ་ཏཱ’’’ཏི? ‘‘ཨེ་ཝཾ, བྷ་ནྟེ’’. ‘‘ཨི་དཾ ཁོ, ག་ཧ་པ་ཏི, དྷཱ་ཏུ་ནཱ་ན་ཏྟཾ ཝུ་ཏྟཾ བྷ་ག་ཝ་ཏཱ – ཙ་ཀྑུ་དྷཱ་ཏུ, རཱུ་པ་དྷཱ་ཏུ, ཙ་ཀྑུ་ཝི་ཉྙཱ་ཎ་དྷཱ་ཏུ…པེ… མ་ནོ་དྷཱ་ཏུ, དྷ་མྨ་དྷཱ་ཏུ, མ་ནོ་ཝི་ཉྙཱ་ཎ་དྷཱ་ཏུ. ཨེ་ཏྟཱ་ཝ་ཏཱ ཁོ, ག་ཧ་པ་ཏི, དྷཱ་ཏུ་ནཱ་ན་ཏྟཾ ཝུ་ཏྟཾ བྷ་ག་ཝ་ཏཱ’’ཏི.

ཨ་ཐ ཁོ ཙི་ཏྟོ ག་ཧ་པ་ཏི ཨཱ་ཡ་སྨ་ཏོ ཨི་སི་ད་ཏྟ་སྶ བྷཱ་སི་ཏཾ ཨ་བྷི་ན་ནྡི་ཏྭཱ ཨ་ནུ་མོ་དི་ཏྭཱ ཐེ་རེ བྷི་ཀྑཱུ པ་ཎཱི་ཏེ་ན ཁཱ་ད་ནཱི་ཡེ་ན བྷོ་ཛ་ནཱི་ཡེ་ན ས་ཧ་ཏྠཱ ས་ནྟ་པྤེ་སི ས་མྤ་ཝཱ་རེ་སི. ཨ་ཐ ཁོ ཐེ་རཱ བྷི་ཀྑཱུ བྷུ་ཏྟཱ་ཝི་ནོ ཨོ་ནཱི་ཏ་པ་ཏྟ་པཱ་ཎི་ནོ ཨུ་ཊྛཱ་ཡཱ་ས་ནཱ པ་ཀྐ་མིཾ་སུ. ཨ་ཐ ཁོ ཨཱ་ཡ་སྨཱ ཐེ་རོ ཨཱ་ཡ་སྨ་ནྟཾ ཨི་སི་ད་ཏྟཾ ཨེ་ཏ་ད་ཝོ་ཙ – ‘‘སཱ་དྷུ ཁོ ཏཾ, ཨཱ་ཝུ་སོ ཨི་སི་ད་ཏྟ, ཨེ་སོ པ་ཉྷོ པ་ཊི་བྷཱ་སི, ནེ་སོ པ་ཉྷོ མཾ པ་ཊི་བྷཱ་སི. ཏེ་ན་ཧཱ་ཝུ་སོ ཨི་སི་ད་ཏྟ, ཡ་དཱ ཨ་ཉྙ་ཐཱ་པི [ཡ་དཱ ཨ་ཉྙ་དཱ་པི (སཱི. པཱི.) ཨ་ཉྙ་དཱ་པི (?)] ཨེ་ཝ་རཱུ་པོ པ་ཉྷོ ཨཱ་ག་ཙྪེ་ཡྻ, ཏ་ཉྙེ་ཝེ་ཏྠ པ་ཊི་བྷཱ་སེ་ཡྻཱ’’ཏི. དུ་ཏི་ཡཾ.