༩. ཨ་ཝི་ཛྫཱ་པ་ཉྷཱ་སུ་ཏྟཾ

༣༢༢. ‘‘‘ཨ་ཝི་ཛྫཱ, ཨ་ཝི་ཛྫཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཨ་ཝི་ཛྫཱ’’ཏི? ‘‘ཡཾ ཁོ, ཨཱ་ཝུ་སོ, དུ་ཀྑེ ཨ་ཉྙཱ་ཎཾ, དུ་ཀྑ་ས་མུ་ད་ཡེ ཨ་ཉྙཱ་ཎཾ, དུ་ཀྑ་ནི་རོ་དྷེ ཨ་ཉྙཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་ཉྙཱ་ཎཾ – ཨ་ཡཾ ཝུ་ཙྩ་ཏཱ་ཝུ་སོ, ཨ་ཝི་ཛྫཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ན་ཝ་མཾ.