༤. ཛ་མྦུ་ཁཱ་ད་ཀ་སཾ་ཡུ་ཏྟཾ
༡. ནི་བྦཱ་ན་པ་ཉྷཱ་སུ་ཏྟཾ
༣༡༤. ཨེ་ཀཾ ས་མ་ཡཾ ཨཱ་ཡ་སྨཱ སཱ་རི་པུ་ཏྟོ མ་ག་དྷེ་སུ ཝི་ཧ་ར་ཏི ནཱ་ལ་ཀ་གཱ་མ་ཀེ. ཨ་ཐ ཁོ ཛ་མྦུ་ཁཱ་ད་ཀོ པ་རི་བྦཱ་ཛ་ཀོ ཡེ་ནཱ་ཡ་སྨཱ སཱ་རི་པུ་ཏྟོ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཨཱ་ཡ་སྨ་ཏཱ སཱ་རི་པུ་ཏྟེ་ན ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཛ་མྦུ་ཁཱ་ད་ཀོ པ་རི་བྦཱ་ཛ་ཀོ ཨཱ་ཡ་སྨ་ནྟཾ སཱ་རི་པུ་ཏྟཾ ཨེ་ཏ་ད་ཝོ་ཙ –
‘‘‘ནི་བྦཱ་ནཾ, ནི་བྦཱ་ན’ནྟི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཾ ནུ ཁོ, ཨཱ་ཝུ་སོ, ནི་བྦཱ་ན’’ནྟི? ‘‘ཡོ ཁོ, ཨཱ་ཝུ་སོ, རཱ་ག་ཀྑ་ཡོ དོ་ས་ཀྑ་ཡོ མོ་ཧ་ཀྑ་ཡོ – ཨི་དཾ ཝུ་ཙྩ་ཏི ནི་བྦཱ་ན’’ནྟི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ ཨེ་ཏ་སྶ ནི་བྦཱ་ན་སྶ ས་ཙྪི་ཀི་རི་ཡཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ ཨེ་ཏ་སྶ ནི་བྦཱ་ན་སྶ ས་ཙྪི་ཀི་རི་ཡཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ ཨེ་ཏ་སྶ ནི་བྦཱ་ན་སྶ ས་ཙྪི་ཀི་རི་ཡཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ ཨེ་ཏ་སྶ ནི་བྦཱ་ན་སྶ ས་ཙྪི་ཀི་རི་ཡཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ ཨེ་ཏ་སྶ ནི་བྦཱ་ན་སྶ ས་ཙྪི་ཀི་རི་ཡཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ ཨེ་ཏ་སྶ ནི་བྦཱ་ན་སྶ ས་ཙྪི་ཀི་རི་ཡཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. པ་ཋ་མཾ.
༢. ཨ་ར་ཧ་ཏྟ་པ་ཉྷཱ་སུ་ཏྟཾ
༣༡༥. ‘‘‘ཨ་ར་ཧ་ཏྟཾ, ཨ་ར་ཧ་ཏྟ’ནྟི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཾ ནུ ཁོ, ཨཱ་ཝུ་སོ, ཨ་ར་ཧ་ཏྟ’’ནྟི? ‘‘ཡོ ཁོ, ཨཱ་ཝུ་སོ, རཱ་ག་ཀྑ་ཡོ དོ་ས་ཀྑ་ཡོ མོ་ཧ་ཀྑ་ཡོ – ཨི་དཾ ཝུ་ཙྩ་ཏི ཨ་ར་ཧ་ཏྟ’’ནྟི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ ཨེ་ཏ་སྶ ཨ་ར་ཧ་ཏྟ་སྶ ས་ཙྪི་ཀི་རི་ཡཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ ཨེ་ཏ་སྶ ཨ་ར་ཧ་ཏྟ་སྶ ས་ཙྪི་ཀི་རི་ཡཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ ཨེ་ཏ་སྶ ཨ་ར་ཧ་ཏྟ་སྶ ས་ཙྪི་ཀི་རི་ཡཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ ཨེ་ཏ་སྶ ཨ་ར་ཧ་ཏྟ་སྶ ས་ཙྪི་ཀི་རི་ཡཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ ཨཱ་ཝུ་སོ, མ་གྒོ, ཨ་ཡཾ པ་ཊི་པ་དཱ ཨེ་ཏ་སྶ ཨ་ར་ཧ་ཏྟ་སྶ ས་ཙྪི་ཀི་རི་ཡཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ ཨེ་ཏ་སྶ ཨ་ར་ཧ་ཏྟ་སྶ ས་ཙྪི་ཀི་རི་ཡཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. དུ་ཏི་ཡཾ.
༣. དྷ་མྨ་ཝཱ་དཱི་པ་ཉྷཱ་སུ་ཏྟཾ
༣༡༦. ‘‘ཀེ ནུ ཁོ, ཨཱ་ཝུ་སོ སཱ་རི་པུ་ཏྟ, ལོ་ཀེ དྷ་མྨ་ཝཱ་དི་ནོ, ཀེ ལོ་ཀེ སུ་པྤ་ཊི་པ་ནྣཱ, ཀེ ལོ་ཀེ སུ་ག་ཏཱ’’ཏི? ‘‘ཡེ ཁོ, ཨཱ་ཝུ་སོ, རཱ་ག་པྤ་ཧཱ་ནཱ་ཡ དྷ་མྨཾ དེ་སེ་ནྟི, དོ་ས་པྤ་ཧཱ་ནཱ་ཡ དྷ་མྨཾ དེ་སེ་ནྟི, མོ་ཧ་པྤ་ཧཱ་ནཱ་ཡ དྷ་མྨཾ དེ་སེ་ནྟི, ཏེ ལོ་ཀེ དྷ་མྨ་ཝཱ་དི་ནོ. ཡེ ཁོ, ཨཱ་ཝུ་སོ, རཱ་ག་སྶ པ་ཧཱ་ནཱ་ཡ པ་ཊི་པ་ནྣཱ, དོ་ས་སྶ པ་ཧཱ་ནཱ་ཡ པ་ཊི་པ་ནྣཱ, མོ་ཧ་སྶ པ་ཧཱ་ནཱ་ཡ པ་ཊི་པ་ནྣཱ, ཏེ ལོ་ཀེ སུ་པྤ་ཊི་པ་ནྣཱ. ཡེ་སཾ ཁོ, ཨཱ་ཝུ་སོ, རཱ་གོ པ་ཧཱི་ནོ ཨུ་ཙྪི་ནྣ་མཱུ་ལོ ཏཱ་ལཱ་ཝ་ཏྠུ་ཀ་ཏོ ཨ་ན་བྷཱ་ཝ་ངྐ་ཏོ ཨཱ་ཡ་ཏིཾ ཨ་ནུ་པྤཱ་ད་དྷ་མྨོ, དོ་སོ པ་ཧཱི་ནོ ཨུ་ཙྪི་ནྣ་མཱུ་ལོ ཏཱ་ལཱ་ཝ་ཏྠུ་ཀ་ཏོ ཨ་ན་བྷཱ་ཝ་ངྐ་ཏོ ཨཱ་ཡ་ཏིཾ ཨ་ནུ་པྤཱ་ད་དྷ་མྨོ, མོ་ཧོ པ་ཧཱི་ནོ ཨུ་ཙྪི་ནྣ་མཱུ་ལོ ཏཱ་ལཱ་ཝ་ཏྠུ་ཀ་ཏོ ཨ་ན་བྷཱ་ཝ་ངྐ་ཏོ ཨཱ་ཡ་ཏིཾ ཨ་ནུ་པྤཱ་ད་དྷ་མྨོ, ཏེ ལོ་ཀེ སུ་ག་ཏཱ’’ཏི.
‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ ཨེ་ཏ་སྶ རཱ་ག་སྶ དོ་ས་སྶ མོ་ཧ་སྶ པ་ཧཱ་ནཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ ཨེ་ཏ་སྶ རཱ་ག་སྶ དོ་ས་སྶ མོ་ཧ་སྶ པ་ཧཱ་ནཱ་ཡཱ’’ཏི. ‘‘ཀ་ཏ་མོ, པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ ཨེ་ཏ་སྶ རཱ་ག་སྶ དོ་ས་སྶ མོ་ཧ་སྶ པ་ཧཱ་ནཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ ཨེ་ཏ་སྶ རཱ་ག་སྶ དོ་ས་སྶ མོ་ཧ་སྶ པ་ཧཱ་ནཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ ཨེ་ཏ་སྶ རཱ་ག་སྶ དོ་ས་སྶ མོ་ཧ་སྶ པ་ཧཱ་ནཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏ་སྶ རཱ་ག་སྶ དོ་ས་སྶ མོ་ཧ་སྶ པ་ཧཱ་ནཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ཏ་ཏི་ཡཾ.
༤. ཀི་མ་ཏྠི་ཡ་སུ་ཏྟཾ
༣༡༧. ‘‘ཀི་མ་ཏྠི་ཡཾ, ཨཱ་ཝུ་སོ སཱ་རི་པུ་ཏྟ, ས་མ་ཎེ གོ་ཏ་མེ བྲ་ཧྨ་ཙ་རི་ཡཾ ཝུ་སྶ་ཏཱི’’ཏི? ‘‘དུ་ཀྑ་སྶ ཁོ, ཨཱ་ཝུ་སོ, པ་རི་ཉྙ་ཏྠཾ བྷ་ག་ཝ་ཏི བྲ་ཧྨ་ཙ་རི་ཡཾ ཝུ་སྶ་ཏཱི’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ ཨེ་ཏ་སྶ དུ་ཀྑ་སྶ པ་རི་ཉྙཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏ་སྶ དུ་ཀྑ་སྶ པ་རི་ཉྙཱ་ཡཱ’’ཏི? ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏ་སྶ དུ་ཀྑ་སྶ པ་རི་ཉྙཱ་ཡཱ’’ཏི?
‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏ་སྶ དུ་ཀྑ་སྶ པ་རི་ཉྙཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ ཨེ་ཏ་སྶ དུ་ཀྑ་སྶ པ་རི་ཉྙཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏ་སྶ དུ་ཀྑ་སྶ པ་རི་ཉྙཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ཙ་ཏུ་ཏྠཾ.
༥. ཨ་སྶཱ་ས་པྤ་ཏྟ་སུ་ཏྟཾ
༣༡༨. ‘‘‘ཨ་སྶཱ་ས་པྤ་ཏྟོ, ཨ་སྶཱ་ས་པྤ་ཏྟོ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, ཨཱ་ཝུ་སོ, ཨ་སྶཱ་ས་པྤ་ཏྟོ ཧོ་ཏཱི’’ཏི? ‘‘ཡ་ཏོ ཁོ, ཨཱ་ཝུ་སོ, བྷི་ཀྑུ ཚ་ནྣཾ ཕ་སྶཱ་ཡ་ཏ་ནཱ་ནཾ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ པ་ཛཱ་ནཱ་ཏི, ཨེ་ཏྟཱ་ཝ་ཏཱ ཁོ, ཨཱ་ཝུ་སོ, ཨ་སྶཱ་ས་པྤ་ཏྟོ ཧོ་ཏཱི’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏ་སྶ ཨ་སྶཱ་ས་སྶ ས་ཙྪི་ཀི་རི་ཡཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏ་སྶ ཨ་སྶཱ་ས་སྶ ས་ཙྪི་ཀི་རི་ཡཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏ་སྶ ཨ་སྶཱ་ས་སྶ ས་ཙྪི་ཀི་རི་ཡཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ ཨེ་ཏ་སྶ ཨ་སྶཱ་ས་སྶ ས་ཙྪི་ཀི་རི་ཡཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏ་སྶ ཨ་སྶཱ་ས་སྶ ས་ཙྪི་ཀི་རི་ཡཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏ་སྶ ཨ་སྶཱ་ས་སྶ ས་ཙྪི་ཀི་རི་ཡཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. པ་ཉྩ་མཾ.
༦. པ་ར་མ་སྶཱ་ས་པྤ་ཏྟ་སུ་ཏྟཾ
༣༡༩. ‘‘‘པ་ར་མ་སྶཱ་ས་པྤ་ཏྟོ, པ་ར་མ་སྶཱ་ས་པྤ་ཏྟོ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀི་ཏྟཱ་ཝ་ཏཱ ནུ ཁོ, ཨཱ་ཝུ་སོ, པ་ར་མ་སྶཱ་ས་པྤ་ཏྟོ ཧོ་ཏཱི’’ཏི? ‘‘ཡ་ཏོ ཁོ, ཨཱ་ཝུ་སོ, བྷི་ཀྑུ ཚ་ནྣཾ ཕ་སྶཱ་ཡ་ཏ་ནཱ་ནཾ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ཝི་དི་ཏྭཱ ཨ་ནུ་པཱ་དཱ་ཝི་མུ་ཏྟོ ཧོ་ཏི, ཨེ་ཏྟཱ་ཝ་ཏཱ ཁོ, ཨཱ་ཝུ་སོ, པ་ར་མ་སྶཱ་ས་པྤ་ཏྟོ ཧོ་ཏཱི’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏ་སྶ པ་ར་མ་སྶཱ་ས་སྶ ས་ཙྪི་ཀི་རི་ཡཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏ་སྶ པ་ར་མ་སྶཱ་ས་སྶ ས་ཙྪི་ཀི་རི་ཡཱ་ཡཱ’’ཏི. ‘‘ཀ་ཏ་མོ པ་ན, ཨཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏ་སྶ པ་ར་མ་སྶཱ་ས་སྶ ས་ཙྪི་ཀི་རི་ཡཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ ཨེ་ཏ་སྶ པ་ར་མ་སྶཱ་ས་སྶ ས་ཙྪི་ཀི་རི་ཡཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏ་སྶ པ་ར་མ་སྶཱ་ས་སྶ ས་ཙྪི་ཀི་རི་ཡཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏ་སྶ པ་ར་མ་སྶཱ་ས་སྶ ས་ཙྪི་ཀི་རི་ཡཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ཚ་ཊྛཾ.
༧. ཝེ་ད་ནཱ་པ་ཉྷཱ་སུ་ཏྟཾ
༣༢༠. ‘‘‘ཝེ་ད་ནཱ, ཝེ་ད་ནཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཝེ་ད་ནཱ’’ཏི? ‘‘ཏི་སྶོ ཨི་མཱ་ཝུ་སོ, ཝེ་ད་ནཱ. ཀ་ཏ་མཱ ཏི་སྶོ? སུ་ཁཱ ཝེ་ད་ནཱ, དུ་ཀྑཱ ཝེ་ད་ནཱ, ཨ་དུ་ཀྑ་མ་སུ་ཁཱ ཝེ་ད་ནཱ – ཨི་མཱ ཁོ, ཨཱ་ཝུ་སོ, ཏི་སྶོ ཝེ་ད་ནཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏཱ་སཾ ཏི་སྶ་ནྣཾ ཝེ་ད་ནཱ་ནཾ པ་རི་ཉྙཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ས་ཏྟ་མཾ.
༨. ཨཱ་ས་ཝ་པ་ཉྷཱ་སུ་ཏྟཾ
༣༢༡. ‘‘‘ཨཱ་ས་ཝོ, ཨཱ་ས་ཝོ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མོ ནུ ཁོ, ཨཱ་ཝུ་སོ, ཨཱ་ས་ཝོ’’ཏི? ‘‘ཏ་ཡོ མེ, ཨཱ་ཝུ་སོ, ཨཱ་ས་ཝཱ. ཀཱ་མཱ་ས་ཝོ, བྷ་ཝཱ་ས་ཝོ, ཨ་ཝི་ཛྫཱ་ས་ཝོ – ཨི་མེ ཁོ, ཨཱ་ཝུ་སོ, ཏ་ཡོ ཨཱ་ས་ཝཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ ཨེ་ཏེ་སཾ ཨཱ་ས་ཝཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ ཨེ་ཏེ་སཾ ཨཱ་ས་ཝཱ་ནཾ པ་ཧཱ་ནཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ ཨེ་ཏེ་སཾ ཨཱ་ས་ཝཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ ཨེ་ཏེ་སཾ ཨཱ་ས་ཝཱ་ནཾ པ་ཧཱ་ནཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏེ་སཾ ཨཱ་ས་ཝཱ་ནཾ པ་ཧཱ་ནཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏེ་སཾ ཨཱ་ས་ཝཱ་ནཾ པ་ཧཱ་ནཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ཨ་ཊྛ་མཾ.
༩. ཨ་ཝི་ཛྫཱ་པ་ཉྷཱ་སུ་ཏྟཾ
༣༢༢. ‘‘‘ཨ་ཝི་ཛྫཱ, ཨ་ཝི་ཛྫཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཨ་ཝི་ཛྫཱ’’ཏི? ‘‘ཡཾ ཁོ, ཨཱ་ཝུ་སོ, དུ་ཀྑེ ཨ་ཉྙཱ་ཎཾ, དུ་ཀྑ་ས་མུ་ད་ཡེ ཨ་ཉྙཱ་ཎཾ, དུ་ཀྑ་ནི་རོ་དྷེ ཨ་ཉྙཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་ཉྙཱ་ཎཾ – ཨ་ཡཾ ཝུ་ཙྩ་ཏཱ་ཝུ་སོ, ཨ་ཝི་ཛྫཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏི་སྶཱ ཨ་ཝི་ཛྫཱ་ཡ པ་ཧཱ་ནཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ན་ཝ་མཾ.
༡༠. ཏ་ཎྷཱ་པ་ཉྷཱ་སུ་ཏྟཾ
༣༢༣. ‘‘‘ཏ་ཎྷཱ, ཏ་ཎྷཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཏ་ཎྷཱ’’ཏི? ‘‘ཏི་སྶོ ཨི་མཱ, ཨཱ་ཝུ་སོ, ཏ་ཎྷཱ. ཀཱ་མ་ཏ་ཎྷཱ, བྷ་ཝ་ཏ་ཎྷཱ, ཝི་བྷ་ཝ་ཏ་ཎྷཱ – ཨི་མཱ ཁོ, ཨཱ་ཝུ་སོ, ཏི་སྶོ ཏ་ཎྷཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ད་ས་མཾ.
༡༡. ཨོ་གྷ་པ་ཉྷཱ་སུ་ཏྟཾ
༣༢༤. ‘‘‘ཨོ་གྷོ, ཨོ་གྷོ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མོ ནུ ཁོ, ཨཱ་ཝུ་སོ, ཨོ་གྷོ’’ཏི? ‘‘ཙ་ཏྟཱ་རོ་མེ, ཨཱ་ཝུ་སོ, ཨོ་གྷཱ. ཀཱ་མོ་གྷོ, བྷ་ཝོ་གྷོ, དི་ཊྛོ་གྷོ, ཨ་ཝི་ཛྫོ་གྷོ – ཨི་མེ ཁོ, ཨཱ་ཝུ་སོ, ཙ་ཏྟཱ་རོ ཨོ་གྷཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏེ་སཾ ཨོ་གྷཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏེ་སཾ ཨོ་གྷཱ་ནཾ པ་ཧཱ་ནཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏེ་སཾ ཨོ་གྷཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏེ་སཾ ཨོ་གྷཱ་ནཾ པ་ཧཱ་ནཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏེ་སཾ ཨོ་གྷཱ་ནཾ པ་ཧཱ་ནཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏེ་སཾ ཨོ་གྷཱ་ནཾ པ་ཧཱ་ནཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ཨེ་ཀཱ་ད་ས་མཾ.
༡༢. ཨུ་པཱ་དཱ་ན་པ་ཉྷཱ་སུ་ཏྟཾ
༣༢༥. ‘‘‘ཨུ་པཱ་དཱ་ནཾ, ཨུ་པཱ་དཱ་ན’ནྟི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཾ ནུ ཁོ, ཨཱ་ཝུ་སོ, ཨུ་པཱ་དཱ་ན’’ནྟི? ‘‘ཙ་ཏྟཱ་རི་མཱ་ནི, ཨཱ་ཝུ་སོ, ཨུ་པཱ་དཱ་ནཱ་ནི. ཀཱ་མུ་པཱ་དཱ་ནཾ, དི་ཊྛུ་པཱ་དཱ་ནཾ སཱི་ལ་བྦ་ཏུ་པཱ་དཱ་ནཾ, ཨ་ཏྟ་ཝཱ་དུ་པཱ་དཱ་ནཾ – ཨི་མཱ་ནི ཁོ, ཨཱ་ཝུ་སོ, ཙ་ཏྟཱ་རི ཨུ་པཱ་དཱ་ནཱ་ནཱི’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏེ་སཾ ཨུ་པཱ་དཱ་ནཱ་ནཾ པ་ཧཱ་ནཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. དྭཱ་ད་ས་མཾ.
༡༣. བྷ་ཝ་པ་ཉྷཱ་སུ་ཏྟཾ
༣༢༦. ‘‘‘བྷ་ཝོ, བྷ་ཝོ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མོ ནུ ཁོ, ཨཱ་ཝུ་སོ, བྷ་ཝོ’’ཏི? ‘‘ཏ་ཡོ མེ, ཨཱ་ཝུ་སོ, བྷ་ཝཱ. ཀཱ་མ་བྷ་ཝོ, རཱུ་པ་བྷ་ཝོ, ཨ་རཱུ་པ་བྷ་ཝོ – ཨི་མེ ཁོ, ཨཱ་ཝུ་སོ, ཏ་ཡོ བྷ་ཝཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏེ་སཾ བྷ་ཝཱ་ནཾ པ་རི་ཉྙཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏེ་སཾ བྷ་ཝཱ་ནཾ པ་རི་ཉྙཱ་ཡཱ’’ཏི. ‘‘ཀ་ཏ་མོ, པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏེ་སཾ བྷ་ཝཱ་ནཾ པ་རི་ཉྙཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏེ་སཾ བྷ་ཝཱ་ནཾ པ་རི་ཉྙཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏེ་སཾ བྷ་ཝཱ་ནཾ པ་རི་ཉྙཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏེ་སཾ བྷ་ཝཱ་ནཾ པ་རི་ཉྙཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ཏེ་ར་ས་མཾ.
༡༤. དུ་ཀྑ་པ་ཉྷཱ་སུ་ཏྟཾ
༣༢༧. ‘‘‘དུ་ཀྑཾ, དུ་ཀྑ’ནྟི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཾ ནུ ཁོ, ཨཱ་ཝུ་སོ, དུ་ཀྑ’’ནྟི? ‘‘ཏི་སྶོ ཨི་མཱ, ཨཱ་ཝུ་སོ, དུ་ཀྑ་ཏཱ. དུ་ཀྑ་དུ་ཀྑ་ཏཱ, ས་ངྑཱ་ར་དུ་ཀྑ་ཏཱ, ཝི་པ་རི་ཎཱ་མ་དུ་ཀྑ་ཏཱ – ཨི་མཱ ཁོ, ཨཱ་ཝུ་སོ, ཏི་སྶོ དུ་ཀྑ་ཏཱ’’ཏི. ‘‘ཨ་ཏྠི པ་ནཱ་ཝུ་སོ མ་གྒོ ཨ་ཏྠི པ་ཊི་པ་དཱ, ཨེ་ཏཱ་སཾ དུ་ཀྑ་ཏཱ་ནཾ པ་རི་ཉྙཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏཱ་སཾ དུ་ཀྑ་ཏཱ་ནཾ པ་རི་ཉྙཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏཱ་སཾ དུ་ཀྑ་ཏཱ་ནཾ པ་རི་ཉྙཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏཱ་སཾ དུ་ཀྑ་ཏཱ་ནཾ པ་རི་ཉྙཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏཱ་སཾ དུ་ཀྑ་ཏཱ་ནཾ པ་རི་ཉྙཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏཱ་སཾ དུ་ཀྑ་ཏཱ་ནཾ པ་རི་ཉྙཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ཙུ་དྡ་ས་མཾ.
༡༥. ས་ཀྐཱ་ཡ་པ་ཉྷཱ་སུ་ཏྟཾ
༣༢༨. ‘‘‘ས་ཀྐཱ་ཡོ, ས་ཀྐཱ་ཡོ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མོ ནུ ཁོ, ཨཱ་ཝུ་སོ, ས་ཀྐཱ་ཡོ’’ཏི? ‘‘པ་ཉྩི་མེ, ཨཱ་ཝུ་སོ, ཨུ་པཱ་དཱ་ན་ཀྑ་ནྡྷཱ ས་ཀྐཱ་ཡོ ཝུ་ཏྟོ བྷ་ག་ཝ་ཏཱ, སེ་ཡྻ་ཐི་དཾ – རཱུ་པུ་པཱ་དཱ་ན་ཀྑ་ནྡྷོ, ཝེ་ད་ནུ་པཱ་དཱ་ན་ཀྑ་ནྡྷོ, ས་ཉྙུ་པཱ་དཱ་ན་ཀྑ་ནྡྷོ, ས་ངྑཱ་རུ་པཱ་དཱ་ན་ཀྑ་ནྡྷོ, ཝི་ཉྙཱ་ཎུ་པཱ་དཱ་ན་ཀྑ་ནྡྷོ. ཨི་མེ ཁོ, ཨཱ་ཝུ་སོ, པ་ཉྩུ་པཱ་དཱ་ན་ཀྑ་ནྡྷཱ ས་ཀྐཱ་ཡོ ཝུ་ཏྟོ བྷ་ག་ཝ་ཏཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏ་སྶ ས་ཀྐཱ་ཡ་སྶ པ་རི་ཉྙཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. པ་ནྣ་ར་ས་མཾ.
༡༦. དུ་ཀྐ་ར་པ་ཉྷཱ་སུ་ཏྟཾ
༣༢༩. ‘‘ཀིཾ ནུ ཁོ, ཨཱ་ཝུ་སོ སཱ་རི་པུ་ཏྟ, ཨི་མ་སྨིཾ དྷ་མྨ་ཝི་ན་ཡེ དུ་ཀྐ་ར’’ནྟི? ‘‘པ་བྦ་ཛྫཱ ཁོ, ཨཱ་ཝུ་སོ, ཨི་མ་སྨིཾ དྷ་མྨ་ཝི་ན་ཡེ དུ་ཀྐ་རཱ’’ཏི. ‘‘པ་བྦ་ཛི་ཏེ་ན པ་ནཱ་ཝུ་སོ, ཀིཾ དུ་ཀྐ་ར’’ནྟི? ‘‘པ་བྦ་ཛི་ཏེ་ན ཁོ, ཨཱ་ཝུ་སོ, ཨ་བྷི་ར་ཏི དུ་ཀྐ་རཱ’’ཏི. ‘‘ཨ་བྷི་ར་ཏེ་ན པ་ནཱ་ཝུ་སོ, ཀིཾ དུ་ཀྐ་ར’’ནྟི? ‘‘ཨ་བྷི་ར་ཏེ་ན ཁོ, ཨཱ་ཝུ་སོ, དྷ་མྨཱ་ནུ་དྷ་མྨ་པྤ་ཊི་པ་ཏྟི དུ་ཀྐ་རཱ’’ཏི. ‘‘ཀཱི་ཝ་ཙི་རཾ པ་ནཱ་ཝུ་སོ, དྷ་མྨཱ་ནུ་དྷ་མྨ་པྤ་ཊི་པ་ནྣོ བྷི་ཀྑུ ཨ་ར་ཧཾ ཨ་སྶཱ’’ཏི? ‘‘ན་ཙི་རཾ, ཨཱ་ཝུ་སོ’’ཏི. སོ་ལ༹་ས་མཾ.
ཛ་མྦུ་ཁཱ་ད་ཀ་སཾ་ཡུ་ཏྟཾ ས་མ་ཏྟཾ.