༡༠. ཏ་ཎྷཱ་པ་ཉྷཱ་སུ་ཏྟཾ

༣༢༣. ‘‘‘ཏ་ཎྷཱ, ཏ་ཎྷཱ’ཏི, ཨཱ་ཝུ་སོ སཱ་རི་པུ་ཏྟ, ཝུ་ཙྩ་ཏི. ཀ་ཏ་མཱ ནུ ཁོ, ཨཱ་ཝུ་སོ, ཏ་ཎྷཱ’’ཏི? ‘‘ཏི་སྶོ ཨི་མཱ, ཨཱ་ཝུ་སོ, ཏ་ཎྷཱ. ཀཱ་མ་ཏ་ཎྷཱ, བྷ་ཝ་ཏ་ཎྷཱ, ཝི་བྷ་ཝ་ཏ་ཎྷཱ – ཨི་མཱ ཁོ, ཨཱ་ཝུ་སོ, ཏི་སྶོ ཏ་ཎྷཱ’’ཏི. ‘‘ཨ་ཏྠི པ་ནཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཏྠི ཁོ, ཨཱ་ཝུ་སོ, མ་གྒོ ཨ་ཏྠི པ་ཊི་པ་དཱ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡཱ’’ཏི. ‘‘ཀ་ཏ་མོ པ་ནཱ་ཝུ་སོ, མ་གྒོ ཀ་ཏ་མཱ པ་ཊི་པ་དཱ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡཱ’’ཏི? ‘‘ཨ་ཡ་མེ་ཝ ཁོ, ཨཱ་ཝུ་སོ, ཨ་རི་ཡོ ཨ་ཊྛ་ངྒི་ཀོ མ་གྒོ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡ, སེ་ཡྻ་ཐི་དཾ – ས་མྨཱ་དི་ཊྛི ས་མྨཱ་ས་ངྐ་པྤོ ས་མྨཱ་ཝཱ་ཙཱ ས་མྨཱ་ཀ་མྨ་ནྟོ ས་མྨཱ་ཨཱ་ཛཱི་ཝོ ས་མྨཱ་ཝཱ་ཡཱ་མོ ས་མྨཱ་ས་ཏི ས་མྨཱ་ས་མཱ་དྷི. ཨ་ཡཾ ཁོ, ཨཱ་ཝུ་སོ, མ་གྒོ ཨ་ཡཾ པ་ཊི་པ་དཱ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡཱ’’ཏི. ‘‘བྷ་དྡ་ཀོ, ཨཱ་ཝུ་སོ, མ་གྒོ བྷ་དྡི་ཀཱ པ་ཊི་པ་དཱ, ཨེ་ཏཱ་སཾ ཏ་ཎྷཱ་ནཾ པ་ཧཱ་ནཱ་ཡ. ཨ་ལ་ཉྩ པ་ནཱ་ཝུ་སོ སཱ་རི་པུ་ཏྟ, ཨ་པྤ་མཱ་དཱ་ཡཱ’’ཏི. ད་ས་མཾ.