༤. ཨ་གཱ་ར་སུ་ཏྟཾ

༢༦༢. ‘‘སེ་ཡྻ་ཐཱ་པི, བྷི་ཀྑ་ཝེ, ཨཱ་ག་ནྟུ་ཀཱ་གཱ་རཾ. ཏ་ཏྠ པུ་ར་ཏྠི་མཱ་ཡ་པི དི་སཱ་ཡ ཨཱ་ག་ནྟྭཱ ཝཱ་སཾ ཀ་པྤེ་ནྟི, པ་ཙྪི་མཱ་ཡ་པི དི་སཱ་ཡ ཨཱ་ག་ནྟྭཱ ཝཱ་སཾ ཀ་པྤེ་ནྟི, ཨུ་ཏྟ་རཱ་ཡ་པི དི་སཱ་ཡ ཨཱ་ག་ནྟྭཱ ཝཱ་སཾ ཀ་པྤེ་ནྟི, ད་ཀྑི་ཎཱ་ཡ་པི དི་སཱ་ཡ ཨཱ་ག་ནྟྭཱ ཝཱ་སཾ ཀ་པྤེ་ནྟི. ཁ་ཏྟི་ཡཱ་པི ཨཱ་ག་ནྟྭཱ ཝཱ་སཾ ཀ་པྤེ་ནྟི, བྲཱ་ཧྨ་ཎཱ་པི ཨཱ་ག་ནྟྭཱ ཝཱ་སཾ ཀ་པྤེ་ནྟི, ཝེ་སྶཱ་པི ཨཱ་ག་ནྟྭཱ ཝཱ་སཾ ཀ་པྤེ་ནྟི, སུ་དྡཱ་པི ཨཱ་ག་ནྟྭཱ ཝཱ་སཾ ཀ་པྤེ་ནྟི. ཨེ་ཝ་མེ་ཝ ཁོ, བྷི་ཀྑ་ཝེ, ཨི་མ་སྨིཾ ཀཱ་ཡ་སྨིཾ ཝི་ཝི་དྷཱ ཝེ་ད་ནཱ ཨུ་པྤ་ཛྫ་ནྟི. སུ་ཁཱ་པི ཝེ་ད་ནཱ ཨུ་པྤ་ཛྫ་ཏི, དུ་ཀྑཱ་པི ཝེ་ད་ནཱ ཨུ་པྤ་ཛྫ་ཏི, ཨ་དུ་ཀྑ་མ་སུ་ཁཱ་པི ཝེ་ད་ནཱ ཨུ་པྤ་ཛྫ་ཏི. སཱ་མི་སཱ་པི སུ་ཁཱ ཝེ་ད་ནཱ ཨུ་པྤ་ཛྫ་ཏི, སཱ་མི་སཱ་པི དུ་ཀྑཱ ཝེ་ད་ནཱ ཨུ་པྤ་ཛྫ་ཏི, སཱ་མི་སཱ་པི ཨ་དུ་ཀྑ་མ་སུ་ཁཱ ཝེ་ད་ནཱ ཨུ་པྤ་ཛྫ་ཏི. ནི་རཱ་མི་སཱ་པི སུ་ཁཱ ཝེ་ད་ནཱ ཨུ་པྤ་ཛྫ་ཏི, ནི་རཱ་མི་སཱ་པི དུ་ཀྑཱ ཝེ་ད་ནཱ ཨུ་པྤ་ཛྫ་ཏི, ནི་རཱ་མི་སཱ་པི ཨ་དུ་ཀྑ་མ་སུ་ཁཱ ཝེ་ད་ནཱ ཨུ་པྤ་ཛྫ་ཏཱི’’ཏི. ཙ་ཏུ་ཏྠཾ.