༡༠. ཕ་གྒུ་ན་པ་ཉྷཱ་སུ་ཏྟཾ

༨༣. ཨ་ཐ ཁོ ཨཱ་ཡ་སྨཱ ཕ་གྒུ་ནོ…པེ… ཨེ་ཀ་མ་ནྟཾ ནི་སི་ནྣོ ཁོ ཨཱ་ཡ་སྨཱ ཕ་གྒུ་ནོ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘ཨ་ཏྠི ནུ ཁོ, བྷ་ནྟེ, ཏཾ ཙ་ཀྑུ, ཡེ་ན ཙ་ཀྑུ་ནཱ ཨ་ཏཱི་ཏེ བུ་དྡྷེ པ་རི་ནི་བྦུ་ཏེ ཚི་ནྣ་པ་པ་ཉྩེ ཚི་ནྣ་ཝ་ཊུ་མེ པ་རི་ཡཱ་དི་ནྣ་ཝ་ཊྚེ ས་བྦ་དུ་ཀྑ་ཝཱི་ཏི་ཝ་ཊྚེ པ་ཉྙཱ་པ་ཡ་མཱ་ནོ པ་ཉྙཱ་པེ་ཡྻ…པེ… ཨ་ཏྠི ནུ ཁོ, བྷ་ནྟེ, སཱ ཛི་ཝ྄ཧཱ, ཡཱ་ཡ ཛི་ཝ྄ཧཱ་ཡ ཨ་ཏཱི་ཏེ བུ་དྡྷེ པ་རི་ནི་བྦུ་ཏེ ཚི་ནྣ་པ་པ་ཉྩེ ཚི་ནྣ་ཝ་ཊུ་མེ པ་རི་ཡཱ་དི་ནྣ་ཝ་ཊྚེ ས་བྦ་དུ་ཀྑ་ཝཱི་ཏི་ཝ་ཊྚེ པ་ཉྙཱ་པ་ཡ་མཱ་ནོ པ་ཉྙཱ་པེ་ཡྻ…པེ… ཨ་ཏྠི ནུ ཁོ སོ, བྷ་ནྟེ, མ་ནོ, ཡེ་ན མ་ནེ་ན ཨ་ཏཱི་ཏེ བུ་དྡྷེ པ་རི་ནི་བྦུ་ཏེ ཚི་ནྣ་པ་པ་ཉྩེ ཚི་ནྣ་ཝ་ཊུ་མེ པ་རི་ཡཱ་དི་ནྣ་ཝ་ཊྚེ ས་བྦ་དུ་ཀྑ་ཝཱི་ཏི་ཝ་ཊྚེ པ་ཉྙཱ་པ་ཡ་མཱ་ནོ པ་ཉྙཱ་པེ་ཡྻཱ’’ཏི?

‘‘ན་ཏྠི ཁོ ཏཾ, ཕ་གྒུ་ན, ཙ་ཀྑུ, ཡེ་ན ཙ་ཀྑུ་ནཱ ཨ་ཏཱི་ཏེ བུ་དྡྷེ པ་རི་ནི་བྦུ་ཏེ ཚི་ནྣ་པ་པ་ཉྩེ ཚི་ནྣ་ཝ་ཊུ་མེ པ་རི་ཡཱ་དི་ནྣ་ཝ་ཊྚེ ས་བྦ་དུ་ཀྑ་ཝཱི་ཏི་ཝ་ཊྚེ པ་ཉྙཱ་པ་ཡ་མཱ་ནོ པ་ཉྙཱ་པེ་ཡྻ …པེ… ན་ཏྠི ཁོ སཱ, ཕ་གྒུ་ན, ཛི་ཝ྄ཧཱ, ཡཱ་ཡ ཛི་ཝ྄ཧཱ་ཡ ཨ་ཏཱི་ཏེ བུ་དྡྷེ པ་རི་ནི་བྦུ་ཏེ ཚི་ནྣ་པ་པ་ཉྩེ ཚི་ནྣ་ཝ་ཊུ་མེ པ་རི་ཡཱ་དི་ནྣ་ཝ་ཊྚེ ས་བྦ་དུ་ཀྑ་ཝཱི་ཏི་ཝ་ཊྚེ པ་ཉྙཱ་པ་ཡ་མཱ་ནོ པ་ཉྙཱ་པེ་ཡྻ…པེ… ན་ཏྠི ཁོ སོ, ཕ་གྒུ་ན, མ་ནོ, ཡེ་ན མ་ནེ་ན ཨ་ཏཱི་ཏེ བུ་དྡྷེ པ་རི་ནི་བྦུ་ཏེ ཚི་ནྣ་པ་པ་ཉྩེ ཚི་ནྣ་ཝ་ཊུ་མེ པ་རི་ཡཱ་དི་ནྣ་ཝ་ཊྚེ ས་བྦ་དུ་ཀྑ་ཝཱི་ཏི་ཝ་ཊྚེ པ་ཉྙཱ་པ་ཡ་མཱ་ནོ པ་ཉྙཱ་པེ་ཡྻཱ’’ཏི. ད་ས་མཾ.

གི་ལཱ་ན་ཝ་གྒོ ཨ་ཊྛ་མོ.

ཏ་སྶུ་དྡཱ་ནཾ –

གི་ལཱ་ནེ་ན དུ་ཝེ ཝུ་ཏྟཱ, རཱ་དྷེ་ན ཨ་པ་རེ ཏ་ཡོ;

ཨ་ཝི་ཛྫཱ་ཡ ཙ དྭེ ཝུ་ཏྟཱ, བྷི་ཀྑུ ལོ་ཀོ ཙ ཕ་གྒུ་ནོ་ཏི.