༩. པ་ཋ་མ་ཧ་ཏྠ་པཱ་དོ་པ་མ་སུ་ཏྟཾ

༢༣༦. ‘‘ཧ་ཏྠེ་སུ, བྷི་ཀྑ་ཝེ, ས་ཏི ཨཱ་དཱ་ན་ནི་ཀྑེ་པ་ནཾ པ་ཉྙཱ་ཡ་ཏི; པཱ་དེ་སུ ས་ཏི ཨ་བྷི་ཀྐ་མ་པ་ཊི་ཀྐ་མོ པ་ཉྙཱ་ཡ་ཏི; པ་བྦེ་སུ ས་ཏི ས་མི་ཉྫ་ན་པ་སཱ་ར་ཎཾ པ་ཉྙཱ་ཡ་ཏི; ཀུ་ཙྪི་སྨིཾ ས་ཏི ཛི་གྷ་ཙྪཱ པི་པཱ་སཱ པ་ཉྙཱ་ཡ་ཏི. ཨེ་ཝ་མེ་ཝ ཁོ, བྷི་ཀྑ་ཝེ, ཙ་ཀྑུ་སྨིཾ ས་ཏི ཙ་ཀྑུ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཨ་ཛ྄ཛྷ་ཏྟཾ སུ་ཁཾ དུ་ཀྑཾ…པེ… ཛི་ཝ྄ཧཱ་ཡ ས་ཏི ཛི་ཝ྄ཧཱ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཨ་ཛ྄ཛྷ་ཏྟཾ སུ་ཁཾ དུ་ཀྑཾ…པེ… མ་ན་སྨིཾ ས་ཏི མ་ནོ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཨ་ཛ྄ཛྷ་ཏྟཾ སུ་ཁཾ དུ་ཀྑཾ…པེ….

‘‘ཧ་ཏྠེ་སུ, བྷི་ཀྑ་ཝེ, ཨ་ས་ཏི ཨཱ་དཱ་ན་ནི་ཀྑེ་པ་ནཾ ན པ་ཉྙཱ་ཡ་ཏི; པཱ་དེ་སུ ཨ་ས་ཏི ཨ་བྷི་ཀྐ་མ་པ་ཊི་ཀྐ་མོ ན པ་ཉྙཱ་ཡ་ཏི; པ་བྦེ་སུ ཨ་ས་ཏི ས་མི་ཉྫ་ན་པ་སཱ་ར་ཎཾ ན པ་ཉྙཱ་ཡ་ཏི; ཀུ་ཙྪི་སྨིཾ ཨ་ས་ཏི ཛི་གྷ་ཙྪཱ པི་པཱ་སཱ ན པ་ཉྙཱ་ཡ་ཏི. ཨེ་ཝ་མེ་ཝ ཁོ, བྷི་ཀྑ་ཝེ, ཙ་ཀྑུ་སྨིཾ ཨ་ས་ཏི ཙ་ཀྑུ་ས་མྥ་སྶ་པ་ཙྩ་ཡཱ ནུ་པྤ་ཛྫ་ཏི ཨ་ཛ྄ཛྷ་ཏྟཾ སུ་ཁཾ དུ་ཀྑཾ…པེ… ཛི་ཝ྄ཧཱ་ཡ ཨ་ས་ཏི ཛི་ཝ྄ཧཱ་ས་མྥ་སྶ་པ་ཙྩ་ཡཱ ནུ་པྤ་ཛྫ་ཏི…པེ… མ་ན་སྨིཾ ཨ་ས་ཏི མ་ནོ་ས་མྥ་སྶ་པ་ཙྩ་ཡཱ ནུ་པྤ་ཛྫ་ཏི ཨ་ཛ྄ཛྷ་ཏྟཾ སུ་ཁཾ དུ་ཀྑ’’ནྟི. ན་ཝ་མཾ.