༡༠. དུ་ཏི་ཡ་ཧ་ཏྠ་པཱ་དོ་པ་མ་སུ་ཏྟཾ

༢༣༧. ‘‘ཧ་ཏྠེ་སུ, བྷི་ཀྑ་ཝེ, ས་ཏི ཨཱ་དཱ་ན་ནི་ཀྑེ་པ་ནཾ ཧོ་ཏི; པཱ་དེ་སུ ས་ཏི ཨ་བྷི་ཀྐ་མ་པ་ཊི་ཀྐ་མོ ཧོ་ཏི; པ་བྦེ་སུ ས་ཏི ས་མི་ཉྫ་ན་པ་སཱ་ར་ཎཾ ཧོ་ཏི; ཀུ་ཙྪི་སྨིཾ ས་ཏི ཛི་གྷ་ཙྪཱ པི་པཱ་སཱ ཧོ་ཏི. ཨེ་ཝ་མེ་ཝ ཁོ, བྷི་ཀྑ་ཝེ, ཙ་ཀྑུ་སྨིཾ ས་ཏི ཙ་ཀྑུ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཨ་ཛ྄ཛྷ་ཏྟཾ སུ་ཁཾ དུ་ཀྑཾ…པེ… ཛི་ཝ྄ཧཱ་ཡ ས་ཏི…པེ… མ་ན་སྨིཾ ས་ཏི མ་ནོ་ས་མྥ་སྶ་པ་ཙྩ་ཡཱ ཨུ་པྤ་ཛྫ་ཏི ཨ་ཛ྄ཛྷ་ཏྟཾ སུ་ཁཾ དུ་ཀྑཾ…པེ….

‘‘ཧ་ཏྠེ་སུ, བྷི་ཀྑ་ཝེ, ཨ་ས་ཏི ཨཱ་དཱ་ན་ནི་ཀྑེ་པ་ནཾ ན ཧོ་ཏི; པཱ་དེ་སུ ཨ་ས་ཏི ཨ་བྷི་ཀྐ་མ་པ་ཊི་ཀྐ་མོ ན ཧོ་ཏི; པ་བྦེ་སུ ཨ་ས་ཏི ས་མི་ཉྫ་ན་པ་སཱ་ར་ཎཾ ན ཧོ་ཏི; ཀུ་ཙྪི་སྨིཾ ཨ་ས་ཏི ཛི་གྷ་ཙྪཱ པི་པཱ་སཱ ན ཧོ་ཏི. ཨེ་ཝ་མེ་ཝ ཁོ, བྷི་ཀྑ་ཝེ, ཙ་ཀྑུ་སྨིཾ ཨ་ས་ཏི ཙ་ཀྑུ་ས་མྥ་སྶ་པ་ཙྩ་ཡཱ ནུ་པྤ་ཛྫ་ཏི ཨ་ཛ྄ཛྷ་ཏྟཾ སུ་ཁཾ དུ་ཀྑཾ…པེ… ཛི་ཝ྄ཧཱ་ཡ ཨ་ས་ཏི ཛི་ཝ྄ཧཱ་ས་མྥ་སྶ་པ་ཙྩ་ཡཱ ནུ་པྤ་ཛྫ་ཏི…པེ… མ་ན་སྨིཾ ཨ་ས་ཏི མ་ནོ་ས་མྥ་སྶ་པ་ཙྩ་ཡཱ ནུ་པྤ་ཛྫ་ཏི ཨ་ཛ྄ཛྷ་ཏྟཾ སུ་ཁཾ དུ་ཀྑ’’ནྟི. ད་ས་མཾ.

ས་མུ་དྡ་ཝ་གྒོ ཨ་ཊྛ་ར་ས་མོ.

ཏ་སྶུ་དྡཱ་ནཾ –

དྭེ ས་མུ་དྡཱ བཱ་ལི༹་སི་ཀོ, ཁཱི་ར་རུ་ཀྑེ་ན ཀོ་ཊྛི་ཀོ;

ཀཱ་མ་བྷཱུ ཨུ་དཱ་ཡཱི ཙེ་ཝ, ཨཱ་དི་ཏྟེ་ན ཙ ཨ་ཊྛ་མཾ;

ཧ་ཏྠ་པཱ་དཱུ་པ་མཱ དྭེ་ཏི, ཝ་གྒོ ཏེ་ན པ་ཝུ་ཙྩ་ཏཱི་ཏི.