༥. པ་ཋ་མ་ན་ཏུ་མྷཱ་ཀཾ་སུ་ཏྟཾ

༡༣༨. ‘‘ཡཾ, བྷི་ཀྑ་ཝེ, ན ཏུ་མྷཱ་ཀཾ ཏཾ པ་ཛ་ཧ་ཐ. ཏཾ ཝོ པ་ཧཱི་ནཾ ཧི་ཏཱ་ཡ སུ་ཁཱ་ཡ བྷ་ཝི་སྶ་ཏི. ཀི་ཉྩ, བྷི་ཀྑ་ཝེ, ན ཏུ་མྷཱ་ཀཾ? ཙ་ཀྑུ, བྷི་ཀྑ་ཝེ, ན ཏུ་མྷཱ་ཀཾ; ཏཾ པ་ཛ་ཧ་ཐ. ཏཾ ཝོ པ་ཧཱི་ནཾ ཧི་ཏཱ་ཡ སུ་ཁཱ་ཡ བྷ་ཝི་སྶ་ཏི…པེ… ཛི་ཝ྄ཧཱ ན ཏུ་མྷཱ་ཀཾ; ཏཾ པ་ཛ་ཧ་ཐ. སཱ ཝོ པ་ཧཱི་ནཱ ཧི་ཏཱ་ཡ སུ་ཁཱ་ཡ བྷ་ཝི་སྶ་ཏི…པེ… མ་ནོ ན ཏུ་མྷཱ་ཀཾ; ཏཾ པ་ཛ་ཧ་ཐ. སོ ཝོ པ་ཧཱི་ནོ ཧི་ཏཱ་ཡ སུ་ཁཱ་ཡ བྷ་ཝི་སྶ་ཏི. སེ་ཡྻ་ཐཱ་པི, བྷི་ཀྑ་ཝེ, ཡཾ ཨི་མ་སྨིཾ ཛེ་ཏ་ཝ་ནེ ཏི་ཎ་ཀ་ཊྛ་སཱ་ཁཱ་པ་ལཱ་སཾ ཏཾ ཛ་ནོ ཧ་རེ་ཡྻ ཝཱ ཌ་ཧེ་ཡྻ ཝཱ ཡ་ཐཱ་པ་ཙྩ་ཡཾ ཝཱ ཀ་རེ་ཡྻ, ཨ་པི ནུ ཏུ་མྷཱ་ཀཾ ཨེ་ཝ་མ་སྶ – ‘ཨ་མྷེ ཛ་ནོ ཧ་ར་ཏི ཝཱ ཌ་ཧ་ཏི ཝཱ ཡ་ཐཱ་པ་ཙྩ་ཡཾ ཝཱ ཀ་རོ་ཏཱི’’’ཏི? ‘‘ནོ ཧེ་ཏཾ, བྷ་ནྟེ’’. ‘‘ཏཾ ཀི་སྶ ཧེ་ཏུ’’? ‘‘ན ཧི ནོ ཨེ་ཏཾ, བྷ་ནྟེ, ཨ་ཏྟཱ ཝཱ ཨ་ཏྟ་ནི་ཡཾ ཝཱ’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཙ་ཀྑུ ན ཏུ་མྷཱ་ཀཾ; ཏཾ པ་ཛ་ཧ་ཐ. ཏཾ ཝོ པ་ཧཱི་ནཾ ཧི་ཏཱ་ཡ སུ་ཁཱ་ཡ བྷ་ཝི་སྶ་ཏི…པེ… ཛི་ཝ྄ཧཱ ན ཏུ་མྷཱ་ཀཾ; ཏཾ པ་ཛ་ཧ་ཐ. སཱ ཝོ པ་ཧཱི་ནཱ ཧི་ཏཱ་ཡ སུ་ཁཱ་ཡ བྷ་ཝི་སྶ་ཏི…པེ… མ་ནོ ན ཏུ་མྷཱ་ཀཾ; ཏཾ པ་ཛ་ཧ་ཐ. སོ ཝོ པ་ཧཱི་ནོ ཧི་ཏཱ་ཡ སུ་ཁཱ་ཡ བྷ་ཝི་སྶ་ཏཱི’’ཏི. པ་ཉྩ་མཾ.