༦. དུ་ཏི་ཡ་ན་ཏུ་མྷཱ་ཀཾ་སུ་ཏྟཾ

༡༣༩. ‘‘ཡཾ, བྷི་ཀྑ་ཝེ, ན ཏུ་མྷཱ་ཀཾ, ཏཾ པ་ཛ་ཧ་ཐ. ཏཾ ཝོ པ་ཧཱི་ནཾ ཧི་ཏཱ་ཡ སུ་ཁཱ་ཡ བྷ་ཝི་སྶ་ཏི. ཀི་ཉྩ, བྷི་ཀྑ་ཝེ, ན ཏུ་མྷཱ་ཀཾ? རཱུ་པཱ, བྷི་ཀྑ་ཝེ, ན ཏུ་མྷཱ་ཀཾ; ཏེ པ་ཛ་ཧ་ཐ. ཏེ ཝོ པ་ཧཱི་ནཱ ཧི་ཏཱ་ཡ སུ་ཁཱ་ཡ བྷ་ཝི་སྶ་ནྟི. ས་དྡཱ… ག་ནྡྷཱ… ར་སཱ… ཕོ་ཊྛ་བྦཱ… དྷ་མྨཱ ན ཏུ་མྷཱ་ཀཾ; ཏེ པ་ཛ་ཧ་ཐ. ཏེ ཝོ པ་ཧཱི་ནཱ ཧི་ཏཱ་ཡ སུ་ཁཱ་ཡ བྷ་ཝི་སྶ་ནྟི. སེ་ཡྻ་ཐཱ་པི, བྷི་ཀྑ་ཝེ, ཡཾ ཨི་མ་སྨིཾ ཛེ་ཏ་ཝ་ནེ…པེ… ཨེ་ཝ་མེ་ཝ ཁོ, བྷི་ཀྑ་ཝེ, རཱུ་པཱ ན ཏུ་མྷཱ་ཀཾ; ཏེ པ་ཛ་ཧ་ཐ. ཏེ ཝོ པ་ཧཱི་ནཱ ཧི་ཏཱ་ཡ སུ་ཁཱ་ཡ བྷ་ཝི་སྶ་ནྟཱི’’ཏི. ཚ་ཊྛཾ.