༤. དུ་ཏི་ཡ་རཱུ་པཱ་རཱ་མ་སུ་ཏྟཾ

༡༣༧. ‘‘རཱུ་པཱ་རཱ་མཱ, བྷི་ཀྑ་ཝེ, དེ་ཝ་མ་ནུ་སྶཱ རཱུ་པ་ར་ཏཱ རཱུ་པ་ས་མྨུ་དི་ཏཱ. རཱུ་པ་ཝི་པ་རི་ཎཱ་མ་ཝི་རཱ་ག་ནི་རོ་དྷཱ དུ་ཀྑཱ, བྷི་ཀྑ་ཝེ, དེ་ཝ་མ་ནུ་སྶཱ ཝི་ཧ་ར་ནྟི. ས་དྡཱ་རཱ་མཱ… ག་ནྡྷཱ་རཱ་མཱ… ར་སཱ་རཱ་མཱ … ཕོ་ཊྛ་བྦཱ་རཱ་མཱ… དྷ་མྨཱ་རཱ་མཱ, བྷི་ཀྑ་ཝེ, དེ་ཝ་མ་ནུ་སྶཱ དྷ་མྨ་ར་ཏཱ དྷ་མྨ་ས་མྨུ་དི་ཏཱ. དྷ་མྨ་ཝི་པ་རི་ཎཱ་མ་ཝི་རཱ་ག་ནི་རོ་དྷཱ དུ་ཀྑཱ, བྷི་ཀྑ་ཝེ, དེ་ཝ་མ་ནུ་སྶཱ ཝི་ཧ་ར་ནྟི. ཏ་ཐཱ་ག་ཏོ ཙ, བྷི་ཀྑ་ཝེ, ཨ་ར་ཧཾ ས་མྨཱ་ས་མྦུ་དྡྷོ རཱུ་པཱ་ནཾ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ཝི་དི་ཏྭཱ ན རཱུ་པཱ་རཱ་མོ ན རཱུ་པ་ར་ཏོ ན རཱུ་པ་ས་མྨུ་དི་ཏོ. རཱུ་པ་ཝི་པ་རི་ཎཱ་མ་ཝི་རཱ་ག་ནི་རོ་དྷཱ སུ་ཁོ, བྷི་ཀྑ་ཝེ, ཏ་ཐཱ་ག་ཏོ ཝི་ཧ་ར་ཏི. ས་དྡཱ་ནཾ… ག་ནྡྷཱ་ནཾ… ར་སཱ་ནཾ… ཕོ་ཊྛ་བྦཱ་ནཾ… དྷ་མྨཱ་ནཾ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ཝི་དི་ཏྭཱ ན དྷ་མྨཱ་རཱ་མོ ན དྷ་མྨ་ར་ཏོ ན དྷ་མྨ་ས་མྨུ་དི་ཏོ. དྷ་མྨ་ཝི་པ་རི་ཎཱ་མ་ཝི་རཱ་ག་ནི་རོ་དྷཱ སུ་ཁོ, བྷི་ཀྑ་ཝེ, ཏ་ཐཱ་ག་ཏོ ཝི་ཧ་ར་ཏཱི’’ཏི. ཙ་ཏུ་ཏྠཾ.