༣. པ་ཋ་མ་རཱུ་པཱ་རཱ་མ་སུ་ཏྟཾ

༡༣༦. ‘‘རཱུ་པཱ་རཱ་མཱ, བྷི་ཀྑ་ཝེ, དེ་ཝ་མ་ནུ་སྶཱ རཱུ་པ་ར་ཏཱ རཱུ་པ་ས་མྨུ་དི་ཏཱ. རཱུ་པ་ཝི་པ་རི་ཎཱ་མ་ཝི་རཱ་ག་ནི་རོ་དྷཱ དུ་ཀྑཱ, བྷི་ཀྑ་ཝེ, དེ་ཝ་མ་ནུ་སྶཱ ཝི་ཧ་ར་ནྟི. ས་དྡཱ་རཱ་མཱ, བྷི་ཀྑ་ཝེ, དེ་ཝ་མ་ནུ་སྶཱ ས་དྡ་ར་ཏཱ ས་དྡ་ས་མྨུ་དི་ཏཱ. ས་དྡ་ཝི་པ་རི་ཎཱ་མ་ཝི་རཱ་ག་ནི་རོ་དྷཱ དུ་ཀྑཱ, བྷི་ཀྑ་ཝེ, དེ་ཝ་མ་ནུ་སྶཱ ཝི་ཧ་ར་ནྟི. ག་ནྡྷཱ་རཱ་མཱ… ར་སཱ་རཱ་མཱ… ཕོ་ཊྛ་བྦཱ་རཱ་མཱ… དྷ་མྨཱ་རཱ་མཱ, བྷི་ཀྑ་ཝེ, དེ་ཝ་མ་ནུ་སྶཱ དྷ་མྨ་ར་ཏཱ དྷ་མྨ་ས་མྨུ་དི་ཏཱ. དྷ་མྨ་ཝི་པ་རི་ཎཱ་མ་ཝི་རཱ་ག་ནི་རོ་དྷཱ དུ་ཀྑཱ, བྷི་ཀྑ་ཝེ, དེ་ཝ་མ་ནུ་སྶཱ ཝི་ཧ་ར་ནྟི. ཏ་ཐཱ་ག་ཏོ ཙ ཁོ, བྷི་ཀྑ་ཝེ, ཨ་ར་ཧཾ ས་མྨཱ་ས་མྦུ་དྡྷོ རཱུ་པཱ་ནཾ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝཾ ཙ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ཝི་དི་ཏྭཱ ན རཱུ་པཱ་རཱ་མོ ན རཱུ་པ་ར་ཏོ ན རཱུ་པ་ས་མྨུ་དི་ཏོ. རཱུ་པ་ཝི་པ་རི་ཎཱ་མ་ཝི་རཱ་ག་ནི་རོ་དྷཱ སུ་ཁོ, བྷི་ཀྑ་ཝེ, ཏ་ཐཱ་ག་ཏོ ཝི་ཧ་ར་ཏི. ས་དྡཱ་ནཾ… ག་ནྡྷཱ་ནཾ… ར་སཱ་ནཾ… ཕོ་ཊྛ་བྦཱ་ནཾ… དྷ་མྨཱ་ནཾ ས་མུ་ད་ཡ་ཉྩ ཨ་ཏྠ་ངྒ་མ་ཉྩ ཨ་སྶཱ་ད་ཉྩ ཨཱ་དཱི་ན་ཝ་ཉྩ ནི་སྶ་ར་ཎ་ཉྩ ཡ་ཐཱ་བྷཱུ་ཏཾ ཝི་དི་ཏྭཱ ན དྷ་མྨཱ་རཱ་མོ, ན དྷ་མྨ་ར་ཏོ, ན དྷ་མྨ་ས་མྨུ་དི་ཏོ. དྷ་མྨ་ཝི་པ་རི་ཎཱ་མ་ཝི་རཱ་ག་ནི་རོ་དྷཱ སུ་ཁོ, བྷི་ཀྑ་ཝེ, ཏ་ཐཱ་ག་ཏོ ཝི་ཧ་ར་ཏི’’. ཨི་ད་མ་ཝོ་ཙ བྷ་ག་ཝཱ. ཨི་དཾ ཝ་ཏྭཱ་ན སུ་ག་ཏོ ཨ་ཐཱ་པ་རཾ ཨེ་ཏ་ད་ཝོ་ཙ ས་ཏྠཱ –

‘‘རཱུ་པཱ ས་དྡཱ ར་སཱ ག་ནྡྷཱ, ཕ་སྶཱ དྷ་མྨཱ ཙ ཀེ་ཝ་ལཱ;

ཨི་ཊྛཱ ཀ་ནྟཱ མ་ནཱ་པཱ ཙ, ཡཱ་ཝ་ཏ་ཏྠཱི་ཏི ཝུ་ཙྩ་ཏི.

‘‘ས་དེ་ཝ་ཀ་སྶ ལོ་ཀ་སྶ, ཨེ་ཏེ ཝོ སུ་ཁ་ས་མྨ་ཏཱ;

ཡ་ཏྠ ཙེ་ཏེ ནི་རུ་ཛ྄ཛྷ་ནྟི, ཏཾ ཏེ་སཾ དུ་ཀྑ་ས་མྨ་ཏཾ.

‘‘སུ་ཁཾ [སུ་ཁ་ནྟི (སཱི.)] དི་ཊྛ་མ་རི་ཡེ་བྷི, ས་ཀྐཱ་ཡ་སྶ ནི་རོ་དྷ་ནཾ;

པ་ཙྩ་ནཱི་ཀ་མི་དཾ ཧོ་ཏི, ས་བྦ་ལོ་ཀེ་ན པ་སྶ་ཏཾ.

‘‘ཡཾ པ་རེ སུ་ཁ་ཏོ ཨཱ་ཧུ, ཏ་ད་རི་ཡཱ ཨཱ་ཧུ དུ་ཀྑ་ཏོ;

ཡཾ པ་རེ དུ་ཀྑ་ཏོ ཨཱ་ཧུ, ཏ་ད་རི་ཡཱ སུ་ཁ་ཏོ ཝི་དཱུ.

‘‘པ་སྶ དྷ་མྨཾ དུ་རཱ་ཛཱ་ནཾ, ས་མྨཱུ་ལ༹ྷེ་ཏྠ ཨ་ཝི་དྡ་སུ;

ནི་ཝུ་ཏཱ་ནཾ ཏ་མོ ཧོ་ཏི, ཨ་ནྡྷ་ཀཱ་རོ ཨ་པ་སྶ་ཏཾ.

‘‘ས་ཏ་ཉྩ ཝི་ཝ་ཊཾ ཧོ་ཏི, ཨཱ་ལོ་ཀོ པ་སྶ་ཏཱ་མི;

ས་ནྟི་ཀེ ན ཝི་ཛཱ་ན་ནྟི, མ་གྒཱ [མ་གཱ (སཱི.)] དྷ་མྨ་སྶ ཨ་ཀོ་ཝི་དཱ.

‘‘བྷ་ཝ་རཱ་ག་པ་རེ་ཏེ་བྷི, བྷ་ཝ་རཱ་གཱ་ནུ་སཱ་རཱི་བྷི [བྷ་ཝ་སོ་ཏཱ་ནུ་སཱ་རི་བྷི (སྱཱ. ཀཾ. པཱི.), བྷ་ཝ་སོ་ཏཱ་ནུ་སཱ་རི་ཧི (སཱི.)];

མཱ་ར་དྷེ་ཡྻཱ་ནུ་པ་ནྣེ་ཧི, ནཱ་ཡཾ དྷ་མྨོ སུ་ས་མྦུ་དྷོ.

‘‘ཀོ ནུ ཨ་ཉྙ་ཏྲ མ་རི་ཡེ་བྷི, པ་དཾ ས་མྦུ་དྡྷུ་མ་ར་ཧ་ཏི;

ཡཾ པ་དཾ ས་མྨ་ད་ཉྙཱ་ཡ, པ་རི་ནི་བྦ་ནྟི ཨ་ནཱ་ས་ཝཱ’’ཏི. ཏ་ཏི་ཡཾ;