༢. ཁ་ཎ་སུ་ཏྟཾ

༡༣༥. ‘‘ལཱ་བྷཱ ཝོ, བྷི་ཀྑ་ཝེ, སུ་ལ་དྡྷཾ ཝོ, བྷི་ཀྑ་ཝེ, ཁ་ཎོ ཝོ པ་ཊི་ལ་དྡྷོ བྲ་ཧྨ་ཙ་རི་ཡ་ཝཱ་སཱ་ཡ. དི་ཊྛཱ མ་ཡཱ, བྷི་ཀྑ་ཝེ, ཚ་ཕ་སྶཱ་ཡ་ཏ་ནི་ཀཱ ནཱ་མ ནི་ར་ཡཱ. ཏ་ཏྠ ཡཾ ཀི་ཉྩི ཙ་ཀྑུ་ནཱ རཱུ་པཾ པ་སྶ་ཏི ཨ་ནི་ཊྛ་རཱུ་པཾ་ཡེ་ཝ པ་སྶ་ཏི, ནོ ཨི་ཊྛ་རཱུ་པཾ; ཨ་ཀ་ནྟ་རཱུ་པཾ་ཡེ་ཝ པ་སྶ་ཏི, ནོ ཀ་ནྟ་རཱུ་པཾ; ཨ་མ་ནཱ་པ་རཱུ་པཾ་ཡེ་ཝ པ་སྶ་ཏི, ནོ མ་ནཱ་པ་རཱུ་པཾ. ཡཾ ཀི་ཉྩི སོ་ཏེ་ན ས་དྡཾ སུ་ཎཱ་ཏི…པེ… ཡཾ ཀི་ཉྩི གྷཱ་ནེ་ན ག་ནྡྷཾ གྷཱ་ཡ་ཏི…པེ… ཡཾ ཀི་ཉྩི ཛི་ཝ྄ཧཱ་ཡ ར་སཾ སཱ་ཡ་ཏི…པེ… ཡཾ ཀི་ཉྩི ཀཱ་ཡེ་ན ཕོ་ཊྛ་བྦཾ ཕུ་ས་ཏི…པེ… ཡཾ ཀི་ཉྩི མ་ན་སཱ དྷ་མྨཾ ཝི་ཛཱ་ནཱ་ཏི ཨ་ནི་ཊྛ་རཱུ་པཾ་ཡེ་ཝ ཝི་ཛཱ་ནཱ་ཏི, ནོ ཨི་ཊྛ་རཱུ་པཾ; ཨ་ཀ་ནྟ་རཱུ་པཾ་ཡེ་ཝ ཝི་ཛཱ་ནཱ་ཏི, ནོ ཀ་ནྟ་རཱུ་པཾ; ཨ་མ་ནཱ་པ་རཱུ་པཾ་ཡེ་ཝ ཝི་ཛཱ་ནཱ་ཏི, ནོ མ་ནཱ་པ་རཱུ་པཾ. ལཱ་བྷཱ ཝོ, བྷི་ཀྑ་ཝེ, སུ་ལ་དྡྷཾ ཝོ, བྷི་ཀྑ་ཝེ, ཁ་ཎོ ཝོ པ་ཊི་ལ་དྡྷོ བྲ་ཧྨ་ཙ་རི་ཡ་ཝཱ་སཱ་ཡ. དི་ཊྛཱ མ་ཡཱ, བྷི་ཀྑ་ཝེ, ཚ་ཕ་སྶཱ་ཡ་ཏ་ནི་ཀཱ ནཱ་མ ས་གྒཱ. ཏ་ཏྠ ཡཾ ཀི་ཉྩི ཙ་ཀྑུ་ནཱ རཱུ་པཾ པ་སྶ་ཏི ཨི་ཊྛ་རཱུ་པཾ་ཡེ་ཝ པ་སྶ་ཏི, ནོ ཨ་ནི་ཊྛ་རཱུ་པཾ; ཀ་ནྟ་རཱུ་པཾ་ཡེ་ཝ པ་སྶ་ཏི, ནོ ཨ་ཀ་ནྟ་རཱུ་པཾ; མ་ནཱ་པ་རཱུ་པཾ་ཡེ་ཝ པ་སྶ་ཏི, ནོ ཨ་མ་ནཱ་པ་རཱུ་པཾ…པེ… ཡཾ ཀི་ཉྩི ཛི་ཝ྄ཧཱ་ཡ ར་སཾ སཱ་ཡ་ཏི…པེ… ཡཾ ཀི་ཉྩི མ་ན་སཱ དྷ་མྨཾ ཝི་ཛཱ་ནཱ་ཏི ཨི་ཊྛ་རཱུ་པཾ་ཡེ་ཝ ཝི་ཛཱ་ནཱ་ཏི, ནོ ཨ་ནི་ཊྛ་རཱུ་པཾ; ཀ་ནྟ་རཱུ་པཾ་ཡེ་ཝ ཝི་ཛཱ་ནཱ་ཏི, ནོ ཨ་ཀ་ནྟ་རཱུ་པཾ; མ་ནཱ་པ་རཱུ་པཾ་ཡེ་ཝ ཝི་ཛཱ་ནཱ་ཏི, ནོ ཨ་མ་ནཱ་པ་རཱུ་པཾ. ལཱ་བྷཱ ཝོ, བྷི་ཀྑ་ཝེ, སུ་ལ་དྡྷཾ ཝོ, བྷི་ཀྑ་ཝེ, ཁ་ཎོ ཝོ པ་ཊི་ལ་དྡྷོ བྲ་ཧྨ་ཙ་རི་ཡ་ཝཱ་སཱ་ཡཱ’’ཏི. དུ་ཏི་ཡཾ.