༨. ཀ་ལི་ངྒ་ར་སུ་ཏྟཾ

༢༣༠. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ ཝེ་སཱ་ལི་ཡཾ ཝི་ཧ་ར་ཏི མ་ཧཱ་ཝ་ནེ ཀཱུ་ཊཱ་གཱ་ར་སཱ་ལཱ་ཡཾ. ཏ་ཏྲ ཁོ བྷ་ག་ཝཱ བྷི་ཀྑཱུ ཨཱ་མ་ནྟེ་སི ‘‘བྷི་ཀྑ་ཝོ’’ཏི. ‘‘བྷ་ད་ནྟེ’’ཏི ཏེ བྷི་ཀྑཱུ བྷ་ག་ཝ་ཏོ པ་ཙྩ་སྶོ་སུཾ. བྷ་ག་ཝཱ ཨེ་ཏ་ད་ཝོ་ཙ –

‘‘ཀ་ལི་ངྒ་རཱུ་པ་དྷཱ་ནཱ, བྷི་ཀྑ་ཝེ, ཨེ་ཏ་ར་ཧི ལི་ཙྪ་ཝཱི ཝི་ཧ་ར་ནྟི ཨ་པྤ་མ་ཏྟཱ ཨཱ་ཏཱ་པི་ནོ ཨུ་པཱ་ས་ན་སྨིཾ. ཏེ་སཾ རཱ་ཛཱ མཱ་ག་དྷོ ཨ་ཛཱ་ཏ་ས་ཏྟུ ཝེ་དེ་ཧི་པུ་ཏྟོ ན ལ་བྷ་ཏི ཨོ་ཏཱ་རཾ ན ལ་བྷ་ཏི ཨཱ་ར་མྨ་ཎཾ. བྷ་ཝི་སྶ་ནྟི, བྷི་ཀྑ་ཝེ, ཨ་ནཱ་ག་ཏ་མ་དྡྷཱ་ནཾ ལི་ཙྪ་ཝཱི སུ་ཁུ་མཱ་ལཱ [སུ་ཀུ་མཱ་ལཱ (སཱི.), སུ་ཁུ་མཱ (ཀ.)] མུ་དུ་ཏ་ལུ་ན་ཧ་ཏྠ་པཱ་དཱ [མུ་དུ་ཏ་ལཱ་ཧ་ཏྠ་པཱ་དཱ (སྱཱ. ཀཾ.)] ཏེ མུ་དུ་ཀཱ་སུ སེ་ཡྻཱ་སུ ཏཱུ་ལ་བི་མྦོ་ཧ་ནཱ་སུ [ཏཱུ་ལ་བི་མྦོ་ཧ་ནཱ་སུ (སྱཱ. ཀཾ. པཱི.), ཏཱུ་ལ་བི་མྦོ་ཧ་ནཱ་དཱི་སུ (སཱི.), ཏཱུ་ལ་བི་བྦོ་ཧ་ནཱ་དཱི་སུ (ཀ.)] ཡཱ་ཝ་སཱུ་རི་ཡུ་གྒ་མ་ནཱ སེ་ཡྻཾ ཀ་པྤི་སྶ་ནྟི. ཏེ་སཾ རཱ་ཛཱ མཱ་ག་དྷོ ཨ་ཛཱ་ཏ་ས་ཏྟུ ཝེ་དེ་ཧི་པུ་ཏྟོ ལ་ཙྪ་ཏི ཨོ་ཏཱ་རཾ ལ་ཙྪ་ཏི ཨཱ་ར་མྨ་ཎཾ.

‘‘ཀ་ལི་ངྒ་རཱུ་པ་དྷཱ་ནཱ, བྷི་ཀྑ་ཝེ, ཨེ་ཏ་ར་ཧི བྷི་ཀྑཱུ ཝི་ཧ་ར་ནྟི ཨ་པྤ་མ་ཏྟཱ ཨཱ་ཏཱ་པི་ནོ པ་དྷཱ་ན་སྨིཾ. ཏེ་སཾ མཱ་རོ པཱ་པི་མཱ ན ལ་བྷ་ཏི ཨོ་ཏཱ་རཾ ན ལ་བྷ་ཏི ཨཱ་ར་མྨ་ཎཾ. བྷ་ཝི་སྶ་ནྟི, བྷི་ཀྑ་ཝེ, ཨ་ནཱ་ག་ཏ་མ་དྡྷཱ་ནཾ བྷི་ཀྑཱུ སུ་ཁུ་མཱ མུ་དུ་ཏ་ལུ་ན་ཧ་ཏྠ་པཱ་དཱ. ཏེ མུ་དུ་ཀཱ་སུ སེ་ཡྻཱ་སུ ཏཱུ་ལ་བི་མྦོ་ཧ་ནཱ་སུ ཡཱ་ཝ་སཱུ་རི་ཡུ་གྒ་མ་ནཱ སེ་ཡྻཾ ཀ་པྤི་སྶ་ནྟི. ཏེ་སཾ མཱ་རོ པཱ་པི་མཱ ལ་ཙྪ་ཏི ཨོ་ཏཱ་རཾ ལ་ཙྪ་ཏི ཨཱ་ར་མྨ་ཎཾ. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘ཀ་ལི་ངྒ་རཱུ་པ་དྷཱ་ནཱ ཝི་ཧ་རི་སྶཱ་མ ཨ་པྤ་མ་ཏྟཱ ཨཱ་ཏཱ་པི་ནོ པ་དྷཱ་ན་སྨི’ནྟི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. ཨ་ཊྛ་མཾ.