༡༢. དུ་ཏི་ཡ་སི་ངྒཱ་ལ་སུ་ཏྟཾ

༢༣༤. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ཨ་སྶུ་ཏྠ ནོ ཏུ་མྷེ, བྷི་ཀྑ་ཝེ, ར་ཏྟི་ཡཱ པ་ཙྩཱུ་ས་ས་མ་ཡཾ ཛ་ར་སི་ངྒཱ་ལ་སྶ ཝ་སྶ་མཱ་ན་སྶཱ’’ཏི? ‘‘ཨེ་ཝཾ, བྷ་ནྟེ’’. ‘‘སི་ཡཱ ཁོ, བྷི་ཀྑ་ཝེ, ཏ་སྨིཾ ཛ་ར་སི་ངྒཱ་ལེ ཡཱ ཀཱ་ཙི ཀ་ཏ་ཉྙུ་ཏཱ ཀ་ཏ་ཝེ་དི་ཏཱ, ན ཏྭེ་ཝ ཨི་དྷེ་ཀ་ཙྩེ ས་ཀྱ་པུ་ཏྟི་ཡ་པ་ཊི་ཉྙེ སི་ཡཱ ཡཱ ཀཱ་ཙི ཀ་ཏ་ཉྙུ་ཏཱ ཀ་ཏ་ཝེ་དི་ཏཱ. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘ཀ་ཏ་ཉྙུ་ནོ བྷ་ཝི་སྶཱ་མ ཀ་ཏ་ཝེ་དི་ནོ; ན ཙ ནོ [ན ཙ ནོ་ཏི ཨི་དཾ སཱི. པཱི. པོ་ཏྠ་ཀེ་སུ ན་ཏྠི] ཨ་མྷེ་སུ ཨ་པྤ་ཀ་མྤི ཀ་ཏཾ ན་སྶི་སྶ་ཏཱི’ཏི [མཱ ན་སྶི་སྶ་ཏཱི་ཏི (སཱི. པཱི.), ཝི་ན་སྶི་སྶ་ཏཱི་ཏི (སྱཱ. ཀཾ.)]. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. དྭཱ་ད་ས་མཾ.

ཨོ་པ་མྨ་སཾ་ཡུ་ཏྟཾ ས་མ་ཏྟཾ.