༨. སི་ངྒཱ་ལ་སུ་ཏྟཾ

༡༦༤. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘དཱ་རུ་ཎོ, བྷི་ཀྑ་ཝེ, ལཱ་བྷ་ས་ཀྐཱ་ར་སི་ལོ་ཀོ…པེ… ཨ་དྷི་ག་མཱ་ཡ. ཨ་སྶུ་ཏྠ ནོ ཏུ་མྷེ, བྷི་ཀྑ་ཝེ, ར་ཏྟི་ཡཱ པ་ཙྩཱུ་ས་ས་མ་ཡཾ ཛ་ར་སི་ངྒཱ་ལ་སྶ [སི་ངྒཱ་ལ་སྶ (ཀ.), ཛ་ར་སི་གཱ་ལ་སྶ (སཱི. སྱཱ. ཀཾ.)] ཝ་སྶ་མཱ་ན་སྶཱ’’ཏི? ‘‘ཨེ་ཝཾ, བྷ་ནྟེ’’. ‘‘ཨེ་སོ ཁོ, བྷི་ཀྑ་ཝེ, ཛ་ར་སི་ངྒཱ་ལོ ཨུ་ཀྐ་ཎྜ་ཀེ་ན [ཨུ་ཀྐ་ཎྜ་ཀེ་ན (སཱི.), ཨུ་ཀྐ་ཎྞ་ཀེ་ན (སྱཱ. ཀཾ. པཱི.)] ནཱ་མ རོ་ག་ཛཱ་ཏེ་ན ཕུ་ཊྛོ ནེ་ཝ བི་ལ་ག་ཏོ ར་མ་ཏི, ན རུ་ཀྑ་མཱུ་ལ་ག་ཏོ ར་མ་ཏི, ན ཨ་ཛ྄ཛྷོ་ཀཱ་ས་ག་ཏོ ར་མ་ཏི; ཡེ་ན ཡེ་ན ག་ཙྪ་ཏི, ཡ་ཏྠ ཡ་ཏྠ ཏི་ཊྛ་ཏི, ཡ་ཏྠ ཡ་ཏྠ ནི་སཱི་ད་ཏི, ཡ་ཏྠ ཡ་ཏྠ ནི་པ་ཛྫ་ཏི; ཏ་ཏྠ ཏ་ཏྠ ཨ་ན་ཡ་བྱ་ས་ནཾ ཨཱ་པ་ཛྫ་ཏི. ཨེ་ཝ་མེ་ཝ ཁོ, བྷི་ཀྑ་ཝེ, ཨི་དྷེ་ཀ་ཙྩོ བྷི་ཀྑུ ལཱ་བྷ་ས་ཀྐཱ་ར་སི་ལོ་ཀེ་ན ཨ་བྷི་བྷཱུ་ཏོ པ་རི་ཡཱ་དི་ཎྞ་ཙི་ཏྟོ ནེ་ཝ སུ་ཉྙཱ་གཱ་ར་ག་ཏོ ར་མ་ཏི, ན རུ་ཀྑ་མཱུ་ལ་ག་ཏོ ར་མ་ཏི, ན ཨ་ཛ྄ཛྷོ་ཀཱ་ས་ག་ཏོ ར་མ་ཏི; ཡེ་ན ཡེ་ན ག་ཙྪ་ཏི, ཡ་ཏྠ ཡ་ཏྠ ཏི་ཊྛ་ཏི, ཡ་ཏྠ ཡ་ཏྠ ནི་སཱི་ད་ཏི, ཡ་ཏྠ ཡ་ཏྠ ནི་པ་ཛྫ་ཏི; ཏ་ཏྠ ཏ་ཏྠ ཨ་ན་ཡ་བྱ་ས་ནཾ ཨཱ་པ་ཛྫ་ཏི. ཨེ་ཝཾ དཱ་རུ་ཎོ ཁོ, བྷི་ཀྑ་ཝེ, ལཱ་བྷ་ས་ཀྐཱ་ར་སི་ལོ་ཀོ…པེ… ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. ཨ་ཊྛ་མཾ.