༡. དཱ་རུ་ཎ་སུ་ཏྟཾ

༡༥༧. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏ་ཏྲ ཁོ བྷ་ག་ཝཱ བྷི་ཀྑཱུ ཨཱ་མ་ནྟེ་སི – ‘‘བྷི་ཀྑ་ཝོ’’ཏི. ‘‘བྷ་ད་ནྟེ’’ཏི ཏེ བྷི་ཀྑཱུ བྷ་ག་ཝ་ཏོ པ་ཙྩ་སྶོ་སུཾ. བྷ་ག་ཝཱ ཨེ་ཏ་ད་ཝོ་ཙ –

‘‘དཱ་རུ་ཎོ, བྷི་ཀྑ་ཝེ, ལཱ་བྷ་ས་ཀྐཱ་ར་སི་ལོ་ཀོ ཀ་ཊུ་ཀོ ཕ་རུ་སོ ཨ་ནྟ་རཱ་ཡི་ཀོ ཨ་ནུ་ཏྟ་ར་སྶ ཡོ་ག་ཀྑེ་མ་སྶ ཨ་དྷི་ག་མཱ་ཡ. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘ཨུ་པྤ་ནྣཾ ལཱ་བྷ་ས་ཀྐཱ་ར་སི་ལོ་ཀཾ པ་ཛ་ཧི་སྶཱ་མ, ན ཙ ནོ ཨུ་པྤ་ནྣོ ལཱ་བྷ་ས་ཀྐཱ་ར་སི་ལོ་ཀོ ཙི་ཏྟཾ པ་རི་ཡཱ་དཱ་ཡ ཋ་སྶ་ཏཱི’ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. པ་ཋ་མཾ.