༩. དྷཱི་ཏུ་སུ་ཏྟཾ

༡༤༢. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ཨ་ན་མ་ཏ་གྒོ་ཡཾ, བྷི་ཀྑ་ཝེ, སཾ་སཱ་རོ. པུ་བྦཱ ཀོ་ཊི ན པ་ཉྙཱ་ཡ་ཏི ཨ་ཝི་ཛྫཱ་ནཱི་ཝ་ར་ཎཱ་ནཾ ས་ཏྟཱ་ནཾ ཏ་ཎྷཱ་སཾ་ཡོ་ཛ་ནཱ་ནཾ ས་ནྡྷཱ་ཝ་ཏཾ སཾ་ས་ར་ཏཾ. ན སོ, བྷི་ཀྑ་ཝེ, ས་ཏྟོ སུ་ལ་བྷ་རཱུ་པོ ཡོ ན དྷཱི་ཏཱ་བྷཱུ་ཏ་པུ་བྦོ ཨི་མི་ནཱ དཱི་གྷེ་ན ཨ་དྡྷུ་ནཱ. ཏཾ ཀི་སྶ ཧེ་ཏུ? ཨ་ན་མ་ཏ་གྒོ་ཡཾ, བྷི་ཀྑ་ཝེ, སཾ་སཱ་རོ. པུ་བྦཱ ཀོ་ཊི ན པ་ཉྙཱ་ཡ་ཏི ཨ་ཝི་ཛྫཱ་ནཱི་ཝ་ར་ཎཱ་ནཾ ས་ཏྟཱ་ནཾ ཏ་ཎྷཱ་སཾ་ཡོ་ཛ་ནཱ་ནཾ ས་ནྡྷཱ་ཝ་ཏཾ སཾ་ས་ར་ཏཾ. ཨེ་ཝཾ དཱི་གྷ་ར་ཏྟཾ ཝོ, བྷི་ཀྑ་ཝེ, དུ་ཀྑཾ པ་ཙྩ་ནུ་བྷཱུ་ཏཾ ཏི་བྦཾ པ་ཙྩ་ནུ་བྷཱུ་ཏཾ བྱ་ས་ནཾ པ་ཙྩ་ནུ་བྷཱུ་ཏཾ, ཀ་ཊ་སཱི ཝ་ཌྜྷི་ཏཱ. ཡཱ་ཝ་ཉྩི་དཾ, བྷི་ཀྑ་ཝེ, ཨ་ལ་མེ་ཝ ས་བྦ་ས་ངྑཱ་རེ་སུ ནི་བྦི་ནྡི་ཏུཾ, ཨ་ལཾ ཝི་ར་ཛྫི་ཏུཾ, ཨ་ལཾ ཝི་མུ་ཙྩི་ཏུ’’ནྟི. ན་ཝ་མཾ.