༥. སུ་ཛཱ་ཏ་སུ་ཏྟཾ

༢༣༩. སཱ་ཝ་ཏྠི་ཡཾ ཝི་ཧ་ར་ཏི. ཨ་ཐ ཁོ ཨཱ་ཡ་སྨཱ སུ་ཛཱ་ཏོ ཡེ་ན བྷ་ག་ཝཱ ཏེ་ནུ་པ་ས་ངྐ་མི. ཨ་དྡ་སཱ ཁོ བྷ་ག་ཝཱ ཨཱ་ཡ་སྨ་ནྟཾ སུ་ཛཱ་ཏཾ དཱུ་ར་ཏོ་ཝ ཨཱ་ག་ཙྪ་ནྟཾ. དི་སྭཱ་ན བྷི་ཀྑཱུ ཨཱ་མ་ནྟེ་སི – ‘‘ཨུ་བྷ་ཡེ་ནེ་ཝཱ་ཡཾ, བྷི་ཀྑ་ཝེ, ཀུ་ལ་པུ་ཏྟོ སོ་བྷ་ཏི – ཡ་ཉྩ ཨ་བྷི་རཱུ་པོ ད་སྶ་ནཱི་ཡོ པཱ་སཱ་དི་ཀོ པ་ར་མཱ་ཡ ཝ་ཎྞ་པོ་ཀྑ་ར་ཏཱ་ཡ ས་མ་ནྣཱ་ག་ཏོ, ཡ་སྶ ཙ་ཏྠཱ་ཡ ཀུ་ལ་པུ་ཏྟཱ ས་མྨ་དེ་ཝ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛྫ་ནྟི ཏ་ད་ནུ་ཏྟ་རཾ བྲ་ཧྨ་ཙ་རི་ཡ་པ་རི་ཡོ་སཱ་ནཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ཏཱི’’ཏི. ཨི་ད་མ་ཝོ་ཙ བྷ་ག་ཝཱ…པེ… ས་ཏྠཱ –

‘‘སོ་བྷ་ཏི ཝ་ཏཱ་ཡཾ བྷི་ཀྑུ, ཨུ་ཛུ་བྷཱུ་ཏེ་ན ཙེ་ཏ་སཱ;

ཝི་པྤ་ཡུ་ཏྟོ ཝི་སཾ་ཡུ་ཏྟོ, ཨ་ནུ་པཱ་དཱ་ཡ ནི་བྦུ་ཏོ;

དྷཱ་རེ་ཏི ཨ་ནྟི་མཾ དེ་ཧཾ, ཛེ་ཏྭཱ མཱ་རཾ ས་ཝཱ་ཧི་ནི’’ནྟི. པ་ཉྩ་མཾ;