༤. དུ་ཏི་ཡ་སཾ་ཡོ་ཛ་ན་སུ་ཏྟཾ

༥༤. སཱ་ཝ་ཏྠི་ཡཾ ཝི་ཧ་ར་ཏི …པེ… ‘‘སེ་ཡྻ་ཐཱ་པི, བྷི་ཀྑ་ཝེ, ཏེ་ལ་ཉྩ པ་ཊི་ཙྩ ཝ་ཊྚི་ཉྩ པ་ཊི་ཙྩ ཏེ་ལ་པྤ་དཱི་པོ ཛྷཱ་ཡེ་ཡྻ. ཏ་ཏྲ པུ་རི་སོ ཀཱ་ལེ་ན ཀཱ་ལཾ ཏེ་ལཾ ཨཱ་སི་ཉྩེ་ཡྻ ཝ་ཊྚིཾ ཨུ་པ་སཾ་ཧ་རེ་ཡྻ. ཨེ་ཝ་ཉྷི སོ, བྷི་ཀྑ་ཝེ, ཏེ་ལ་པྤ་དཱི་པོ ཏ་དཱ་ཧཱ་རོ ཏ་དུ་པཱ་དཱ་ནོ ཙི་རཾ དཱི་གྷ་མ་དྡྷཱ་ནཾ ཛ་ལེ་ཡྻ. ཨེ་ཝ་མེ་ཝ ཁོ, བྷི་ཀྑ་ཝེ, སཾ་ཡོ་ཛ་ནི་ཡེ་སུ དྷ་མྨེ་སུ ཨ་སྶཱ་དཱ་ནུ་པ་སྶི་ནོ ཝི་ཧ་ར་ཏོ ཏ་ཎྷཱ པ་ཝ་ཌྜྷ་ཏི. ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི’’.

‘‘སེ་ཡྻ་ཐཱ་པི, བྷི་ཀྑ་ཝེ, ཏེ་ལ་ཉྩ པ་ཊི་ཙྩ ཝ་ཊྚི་ཉྩ པ་ཊི་ཙྩ ཏེ་ལ་པྤ་དཱི་པོ ཛྷཱ་ཡེ་ཡྻ. ཏ་ཏྲ པུ་རི་སོ ན ཀཱ་ལེ་ན ཀཱ་ལཾ ཏེ་ལཾ ཨཱ་སི་ཉྩེ་ཡྻ ན ཝ་ཊྚིཾ ཨུ་པ་སཾ་ཧ་རེ་ཡྻ. ཨེ་ཝ་ཉྷི སོ, བྷི་ཀྑ་ཝེ, ཏེ་ལ་པྤ་དཱི་པོ པུ་རི་མ་སྶ ཙ ཨུ་པཱ་དཱ་ན་སྶ པ་རི་ཡཱ་དཱ་ནཱ ཨ་ཉྙ་སྶ ཙ ཨ་ནུ་པ་ཧཱ་རཱ ཨ་ནཱ་ཧཱ་རོ ནི་བྦཱ་ཡེ་ཡྻ. ཨེ་ཝ་མེ་ཝ ཁོ, བྷི་ཀྑ་ཝེ, སཾ་ཡོ་ཛ་ནི་ཡེ་སུ དྷ་མྨེ་སུ ཨཱ་དཱི་ན་ཝཱ་ནུ་པ་སྶི་ནོ ཝི་ཧ་ར་ཏོ ཏ་ཎྷཱ ནི་རུ་ཛ྄ཛྷ་ཏི. ཏ་ཎྷཱ་ནི་རོ་དྷཱ ཨུ་པཱ་དཱ་ན་ནི་རོ་དྷོ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏཱི’’ཏི. ཙ་ཏུ་ཏྠཾ.