༥. ཉཱ་ཏི་ཀ་སུ་ཏྟཾ

༤༥. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ ཉཱ་ཏི་ཀེ ཝི་ཧ་ར་ཏི གི་ཉྫ་ཀཱ་ཝ་ས་ཐེ. ཨ་ཐ ཁོ བྷ་ག་ཝཱ ར་ཧོ་ག་ཏོ པ་ཊི་ས་ལླཱ་ནོ ཨི་མཾ དྷ་མྨ་པ་རི་ཡཱ་ཡཾ ཨ་བྷཱ་སི –

‘‘ཙ་ཀྑུ་ཉྩ པ་ཊི་ཙྩ རཱུ་པེ ཙ ཨུ་པྤ་ཛྫ་ཏི ཙ་ཀྑུ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ, ཝེ་ད་ནཱ་པ་ཙྩ་ཡཱ ཏ་ཎྷཱ; ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི.

‘‘སོ་ཏ་ཉྩ པ་ཊི་ཙྩ ས་དྡེ ཙ…པེ… གྷཱ་ན་ཉྩ པ་ཊི་ཙྩ ག་ནྡྷེ ཙ… ཛི་ཝ྄ཧ་ཉྩ པ་ཊི་ཙྩ ར་སེ ཙ… ཀཱ་ཡ་ཉྩ པ་ཊི་ཙྩ ཕོ་ཊྛ་བྦེ ཙ… མ་ན་ཉྩ པ་ཊི་ཙྩ དྷ་མྨེ ཙ ཨུ་པྤ་ཛྫ་ཏི མ་ནོ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ; ཏ་ཎྷཱ་པ་ཙྩ་ཡཱ ཨུ་པཱ་དཱ་ནཾ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ས་མུ་ད་ཡོ ཧོ་ཏི.

‘‘ཙ་ཀྑུ་ཉྩ པ་ཊི་ཙྩ རཱུ་པེ ཙ ཨུ་པྤ་ཛྫ་ཏི ཙ་ཀྑུ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ. ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷཱ ཨུ་པཱ་དཱ་ན་ནི་རོ་དྷོ; ཨུ་པཱ་དཱ་ན་ནི་རོ་དྷཱ བྷ་ཝ་ནི་རོ་དྷོ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏི.

‘‘སོ་ཏ་ཉྩ པ་ཊི་ཙྩ ས་དྡེ ཙ…པེ… མ་ན་ཉྩ པ་ཊི་ཙྩ དྷ་མྨེ ཙ ཨུ་པྤ་ཛྫ་ཏི མ་ནོ་ཝི་ཉྙཱ་ཎཾ. ཏི་ཎྞཾ ས་ངྒ་ཏི ཕ་སྶོ. ཕ་སྶ་པ་ཙྩ་ཡཱ ཝེ་ད་ནཱ; ཝེ་ད་ནཱ་པ་ཙྩ་ཡཱ ཏ་ཎྷཱ. ཏ་སྶཱ་ཡེ་ཝ ཏ་ཎྷཱ་ཡ ཨ་སེ་ས་ཝི་རཱ་ག་ནི་རོ་དྷཱ ཨུ་པཱ་དཱ་ན་ནི་རོ་དྷོ; ཨུ་པཱ་དཱ་ན་ནི་རོ་དྷཱ བྷ་ཝ་ནི་རོ་དྷོ…པེ… ཨེ་ཝ་མེ་ཏ་སྶ ཀེ་ཝ་ལ་སྶ དུ་ཀྑ་ཀྑ་ནྡྷ་སྶ ནི་རོ་དྷོ ཧོ་ཏཱི’’ཏི.

ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རོ བྷི་ཀྑུ བྷ་ག་ཝ་ཏོ ཨུ་པ་སྶུ་ཏི [ཨུ་པ་སྶུ་ཏིཾ (སཱི. པཱི.)] ཋི་ཏོ ཧོ་ཏི. ཨ་དྡ་སཱ ཁོ བྷ་ག་ཝཱ ཏཾ བྷི་ཀྑུཾ ཨུ་པ་སྶུ་ཏི ཋི་ཏཾ. དི་སྭཱ་ན ཏཾ བྷི་ཀྑུཾ ཨེ་ཏ་ད་ཝོ་ཙ – ‘‘ཨ་སྶོ་སི ནོ ཏྭཾ, བྷི་ཀྑུ, ཨི་མཾ དྷ་མྨ་པ་རི་ཡཱ་ཡ’’ནྟི? ‘‘ཨེ་ཝཾ, བྷ་ནྟེ’’ཏི. ‘‘ཨུ་གྒ་ཎྷཱ་ཧི ཏྭཾ, བྷི་ཀྑུ, ཨི་མཾ དྷ་མྨ་པ་རི་ཡཱ་ཡཾ; པ་རི་ཡཱ་པུ་ཎཱ་ཧི ཏྭཾ, བྷི་ཀྑུ, ཨི་མཾ དྷ་མྨ་པ་རི་ཡཱ་ཡཾ; དྷཱ་རེ་ཧི ཏྭཾ, བྷི་ཀྑུ, ཨི་མཾ དྷ་མྨ་པ་རི་ཡཱ་ཡཾ. ཨ་ཏྠ་སཾ་ཧི་ཏོ ཨ་ཡཾ [ཨ་ཏྠ་སཾ་ཧི་ཏོ་ཡཾ (སཱི. སྱཱ. ཀཾ.), ཨ་ཏྠ་སཾ་ཧི་ཏཱ་ཡཾ (པཱི. ཀ.)], བྷི་ཀྑུ, དྷ་མྨ་པ་རི་ཡཱ་ཡོ ཨཱ་དི་བྲ་ཧྨ་ཙ་རི་ཡ་ཀོ’’ཏི. པ་ཉྩ་མཾ.