༢. དུ་ཏི་ཡ་པ་ཉྩ་ཝེ་ར་བྷ་ཡ་སུ་ཏྟཾ

༤༢. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ཡ་ཏོ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི, ཙ་ཏཱུ་ཧི ཙ སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི, ཨ་རི་ཡོ ཙ་སྶ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ, སོ ཨཱ་ཀ་ངྑ་མཱ་ནོ ཨ་ཏྟ་ནཱ་ཝ ཨ་ཏྟཱ་ནཾ བྱཱ་ཀ་རེ་ཡྻ – ‘ཁཱི་ཎ་ནི་ར་ཡོ་མྷི ཁཱི་ཎ་ཏི་ར་ཙྪཱ་ན་ཡོ་ནི ཁཱི་ཎ་པེ་ཏྟི་ཝི་ས་ཡོ ཁཱི་ཎཱ་པཱ་ཡ་དུ་གྒ་ཏི་ཝི་ནི་པཱ་ཏོ, སོ་ཏཱ་པ་ནྣོ་ཧ་མ་སྨི ཨ་ཝི་ནི་པཱ་ཏ་དྷ་མྨོ ནི་ཡ་ཏོ ས་མྦོ་དྷི་པ་རཱ་ཡ་ནོ’’’ཏི.

‘‘ཀ་ཏ་མཱ་ནི པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི? ཡཾ, བྷི་ཀྑ་ཝེ, པཱ་ཎཱ་ཏི་པཱ་ཏཱི …པེ… ཡཾ, བྷི་ཀྑ་ཝེ, ཨ་དི་ནྣཱ་དཱ་ཡཱི…པེ… ཡཾ, བྷི་ཀྑ་ཝེ, ཀཱ་མེ་སུ་མི་ཙྪཱ་ཙཱ་རཱི… ཡཾ, བྷི་ཀྑ་ཝེ, མུ་སཱ་ཝཱ་དཱི… ཡཾ, བྷི་ཀྑ་ཝེ, སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ཡཱི…པེ… ཨི་མཱ་ནི པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི.

‘‘ཀ་ཏ་མེ་ཧི ཙ་ཏཱུ་ཧི སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི? ཨི་དྷ, བྷི་ཀྑ་ཝེ, ཨ་རི་ཡ་སཱ་ཝ་ཀོ བུ་དྡྷེ…པེ… དྷ་མྨེ… ས་ངྒྷེ… ཨ་རི་ཡ་ཀ་ནྟེ་ཧི སཱི་ལེ་ཧི ས་མ་ནྣཱ་ག་ཏོ ཧོ་ཏི. ཨི་མེ་ཧི ཙ་ཏཱུ་ཧི སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི.

‘‘ཀ་ཏ་མོ ཙ་སྶ ཨ་རི་ཡོ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ? ཨི་དྷ, བྷི་ཀྑ་ཝེ, ཨ་རི་ཡ་སཱ་ཝ་ཀོ པ་ཊི་ཙྩ་ས་མུ་པྤཱ་ད་ཉྙེ་ཝ སཱ་དྷུ་ཀཾ ཡོ་ནི་སོ མ་ན་སི ཀ་རོ་ཏི…པེ… ཨ་ཡ་མ་སྶ ཨ་རི་ཡོ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ.

‘‘ཡ་ཏོ ཁོ, བྷི་ཀྑ་ཝེ, ཨ་རི་ཡ་སཱ་ཝ་ཀ་སྶ ཨི་མཱ་ནི པ་ཉྩ བྷ་ཡཱ་ནི ཝེ་རཱ་ནི ཝཱུ་པ་ས་ནྟཱ་ནི ཧོ་ནྟི, ཨི་མེ་ཧི ཙ ཙ་ཏཱུ་ཧི སོ་ཏཱ་པ་ཏྟི་ཡ་ངྒེ་ཧི ས་མ་ནྣཱ་ག་ཏོ ཧོ་ཏི, ཨ་ཡ་ཉྩ་སྶ ཨ་རི་ཡོ ཉཱ་ཡོ པ་ཉྙཱ་ཡ སུ་དི་ཊྛོ ཧོ་ཏི སུ་པྤ་ཊི་ཝི་དྡྷོ, སོ ཨཱ་ཀ་ངྑ་མཱ་ནོ ཨ་ཏྟ་ནཱ་ཝ ཨ་ཏྟཱ་ནཾ བྱཱ་ཀ་རེ་ཡྻ – ‘ཁཱི་ཎ་ནི་ར་ཡོ་མྷི ཁཱི་ཎ་ཏི་ར་ཙྪཱ་ན་ཡོ་ནི ཁཱི་ཎ་པེ་ཏྟི་ཝི་ས་ཡོ ཁཱི་ཎཱ་པཱ་ཡ་དུ་གྒ་ཏི་ཝི་ནི་པཱ་ཏོ, སོ་ཏཱ་པ་ནྣོ་ཧ་མ་སྨི ཨ་ཝི་ནི་པཱ་ཏ་དྷ་མྨོ ནི་ཡ་ཏོ ས་མྦོ་དྷི་པ་རཱ་ཡ་ནོ’’’ཏི. དུ་ཏི་ཡཾ.