༩. ས་མ་ཎ་བྲཱ་ཧྨ་ཎ་སུ་ཏྟཾ

༢༩. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ཏ་ཏྲ ཁོ…པེ… ཡེ ཧི ཀེ་ཙི, བྷི་ཀྑ་ཝེ, ས་མ་ཎཱ ཝཱ བྲཱ་ཧྨ་ཎཱ ཝཱ ཛ་རཱ་མ་ར་ཎཾ ན པ་རི་ཛཱ་ན་ནྟི, ཛ་རཱ་མ་ར་ཎ་ས་མུ་ད་ཡཾ ན པ་རི་ཛཱ་ན་ནྟི, ཛ་རཱ་མ་ར་ཎ་ནི་རོ་དྷཾ ན པ་རི་ཛཱ་ན་ནྟི, ཛ་རཱ་མ་ར་ཎ་ནི་རོ་དྷ་གཱ་མི་ནིཾ པ་ཊི་པ་དཾ ན པ་རི་ཛཱ་ན་ནྟི, ཛཱ་ཏིཾ ན པ་རི་ཛཱ་ན་ནྟི…པེ… བྷ་ཝཾ… ཨུ་པཱ་དཱ་ནཾ… ཏ་ཎྷཾ… ཝེ་ད་ནཾ… ཕ་སྶཾ… ས་ལཱ༹་ཡ་ཏ་ནཾ… ནཱ་མ་རཱུ་པཾ… ཝི་ཉྙཱ་ཎཾ… ས་ངྑཱ་རེ… ས་ངྑཱ་ར་ས་མུ་ད་ཡཾ… ས་ངྑཱ་ར་ནི་རོ་དྷཾ… ས་ངྑཱ་ར་ནི་རོ་དྷ་གཱ་མི་ནིཾ པ་ཊི་པ་དཾ ན པ་རི་ཛཱ་ན་ནྟི. ན མེ་ཏེ, བྷི་ཀྑ་ཝེ, ས་མ་ཎཱ ཝཱ བྲཱ་ཧྨ་ཎཱ ཝཱ ས་མ་ཎེ་སུ ཝཱ ས་མ་ཎ་ས་མྨ་ཏཱ བྲཱ་ཧྨ་ཎེ་སུ ཝཱ བྲཱ་ཧྨ་ཎ་ས་མྨ་ཏཱ. ན ཙ པ་ནེ་ཏེ ཨཱ་ཡ་སྨ་ནྟོ སཱ་མ་ཉྙ་ཏྠཾ ཝཱ བྲ་ཧྨ་ཉྙ་ཏྠཾ ཝཱ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ནྟི’’.

‘‘ཡེ ཙ ཁོ ཀེ་ཙི, བྷི་ཀྑ་ཝེ, ས་མ་ཎཱ ཝཱ བྲཱ་ཧྨ་ཎཱ ཝཱ ཛ་རཱ་མ་ར་ཎཾ པ་རི་ཛཱ་ན་ནྟི, ཛ་རཱ་མ་ར་ཎ་ས་མུ་ད་ཡཾ པ་རི་ཛཱ་ན་ནྟི, ཛ་རཱ་མ་ར་ཎ་ནི་རོ་དྷཾ པ་རི་ཛཱ་ན་ནྟི, ཛ་རཱ་མ་ར་ཎ་ནི་རོ་དྷ་གཱ་མི་ནིཾ པ་ཊི་པ་དཾ པ་རི་ཛཱ་ན་ནྟི, ཛཱ་ཏིཾ པ་རི་ཛཱ་ན་ནྟི…པེ… བྷ་ཝཾ… ཨུ་པཱ་དཱ་ནཾ… ཏ་ཎྷཾ… ཝེ་ད་ནཾ… ཕ་སྶཾ… ས་ལཱ༹་ཡ་ཏ་ནཾ… ནཱ་མ་རཱུ་པཾ… ཝི་ཉྙཱ་ཎཾ… ས་ངྑཱ་རེ པ་རི་ཛཱ་ན་ནྟི, ས་ངྑཱ་ར་ས་མུ་ད་ཡཾ པ་རི་ཛཱ་ན་ནྟི, ས་ངྑཱ་ར་ནི་རོ་དྷཾ པ་རི་ཛཱ་ན་ནྟི, ས་ངྑཱ་ར་ནི་རོ་དྷ་གཱ་མི་ནིཾ པ་ཊི་པ་དཾ པ་རི་ཛཱ་ན་ནྟི. ཏེ ཁོ མེ, བྷི་ཀྑ་ཝེ, ས་མ་ཎཱ ཝཱ བྲཱ་ཧྨ་ཎཱ ཝཱ ས་མ་ཎེ་སུ ཙེ་ཝ ས་མ་ཎ་ས་མྨ་ཏཱ བྲཱ་ཧྨ་ཎེ་སུ ཙ བྲཱ་ཧྨ་ཎ་ས་མྨ་ཏཱ. ཏེ ཙ པ་ནཱ་ཡ་སྨ་ནྟོ སཱ་མ་ཉྙ་ཏྠ་ཉྩ བྲ་ཧྨ་ཉྙ་ཏྠ་ཉྩ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ནྟཱི’’ཏི. ན་ཝ་མཾ.