༩. ཏུ་རཱུ་བྲ་ཧྨ་སུ་ཏྟཾ

༡༨༠. སཱ་ཝ་ཏྠི་ནི་དཱ་ནཾ. ཏེ་ན ཁོ པ་ན ས་མ་ཡེ་ན ཀོ་ཀཱ་ལི་ཀོ བྷི་ཀྑུ ཨཱ་བཱ་དྷི་ཀོ ཧོ་ཏི དུ་ཀྑི་ཏོ བཱ་ལ༹ྷ་གི་ལཱ་ནོ. ཨ་ཐ ཁོ ཏུ་རཱུ [ཏུ་དུ (སཱི. སྱཱ. ཀཾ. པཱི.)] པ་ཙྩེ་ཀ་བྲ་ཧྨཱ ཨ་བྷི་ཀྐ་ནྟཱ་ཡ ར་ཏྟི་ཡཱ ཨ་བྷི་ཀྐ་ནྟ་ཝ་ཎྞོ ཀེ་ཝ་ལ་ཀ་པྤཾ ཛེ་ཏ་ཝ་ནཾ ཨོ་བྷཱ་སེ་ཏྭཱ ཡེ་ན ཀོ་ཀཱ་ལི་ཀོ བྷི་ཀྑུ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཝེ་ཧཱ་སཾ ཋི་ཏོ ཀོ་ཀཱ་ལི་ཀཾ བྷི་ཀྑུཾ ཨེ་ཏ་ད་ཝོ་ཙ – ‘‘པ་སཱ་དེ་ཧི, ཀོ་ཀཱ་ལི་ཀ, སཱ་རི་པུ་ཏྟ་མོ་གྒ་ལླཱ་ནེ་སུ ཙི་ཏྟཾ. པེ་ས་ལཱ སཱ་རི་པུ་ཏྟ་མོ་གྒ་ལླཱ་ནཱ’’ཏི. ‘‘ཀོ་སི ཏྭཾ, ཨཱ་ཝུ་སོ’’ཏི? ‘‘ཨ་ཧཾ ཏུ་རཱུ པ་ཙྩེ་ཀ་བྲ་ཧྨཱ’’ཏི. ‘‘ན་ནུ ཏྭཾ, ཨཱ་ཝུ་སོ, བྷ་ག་ཝ་ཏཱ ཨ་ནཱ་གཱ་མཱི བྱཱ་ཀ་ཏོ, ཨ་ཐ ཀི་ཉྩ་ར་ཧི ཨི་དྷཱ་ག་ཏོ? པ་སྶ, ཡཱ་ཝ་ཉྩ ཏེ ཨི་དཾ ཨ་པ་ར་དྡྷ’’ནྟི.

‘‘པུ་རི་ས་སྶ ཧི ཛཱ་ཏ་སྶ, ཀུ་ཋཱ་རཱི [དུ་དྷཱ་རཱི (སྱཱ. ཀཾ. ཀ.)] ཛཱ་ཡ་ཏེ མུ་ཁེ;

ཡཱ་ཡ ཚི་ནྡ་ཏི ཨ་ཏྟཱ་ནཾ, བཱ་ལོ དུ་བྦྷཱ་སི་ཏཾ བྷ་ཎཾ.

‘‘ཡོ ནི་ནྡི་ཡཾ པ་སཾ་ས་ཏི,

ཏཾ ཝཱ ནི་ནྡ་ཏི ཡོ པ་སཾ་སི་ཡོ;

ཝི་ཙི་ནཱ་ཏི མུ་ཁེ་ན སོ ཀ་ལིཾ,

ཀ་ལི་ནཱ ཏེ་ན སུ་ཁཾ ན ཝི་ནྡ་ཏི.

‘‘ཨ་པྤ་མ་ཏྟ་ཀོ ཨ་ཡཾ ཀ་ལི,

ཡོ ཨ་ཀྑེ་སུ དྷ་ན་པ་རཱ་ཛ་ཡོ;

ས་བྦ་སྶཱ་པི ས་ཧཱ་པི ཨ་ཏྟ་ནཱ,

ཨ་ཡ་མེ་ཝ མ་ཧ་ནྟ་ཏ་རོ ཀ་ལི;

ཡོ སུ་ག་ཏེ་སུ མ་ནཾ པ་དོ་ས་ཡེ.

‘‘ས་ཏཾ ས་ཧ་སྶཱ་ནཾ ནི་ར་བྦུ་དཱ་ནཾ,

ཚ་ཏྟིཾ་ས་ཏི པ་ཉྩ ཙ ཨ་བྦུ་དཱ་ནི;

ཡ་མ་རི་ཡ་ག་ར་ཧཱི [ཡ་མ་རི་ཡེ ག་ར་ཧཱི (སྱཱ. ཀཾ.), ཡ་མ་རི་ཡཾ ག་ར་ཧཾ (ཀ.)] ནི་ར་ཡཾ ཨུ་པེ་ཏི,

ཝཱ་ཙཾ མ་ན་ཉྩ པ་ཎི་དྷཱ་ཡ པཱ་པ་ཀ’’ནྟི.