༡. པཱ་སཱ་ཎ་སུ་ཏྟཾ

༡༤༧. ཨེ་ཀཾ ས་མ་ཡཾ བྷ་ག་ཝཱ རཱ་ཛ་ག་ཧེ ཝི་ཧ་ར་ཏི གི་ཛ྄ཛྷ་ཀཱུ་ཊེ པ་བྦ་ཏེ. ཏེ་ན ཁོ པ་ན ས་མ་ཡེ་ན བྷ་ག་ཝཱ ར་ཏྟ་ནྡྷ་ཀཱ་ར་ཏི་མི་སཱ་ཡཾ ཨ་བྦྷོ་ཀཱ་སེ ནི་སི་ནྣོ ཧོ་ཏི, དེ་ཝོ ཙ ཨེ་ཀ་མེ་ཀཾ ཕུ་སཱ་ཡ་ཏི. ཨ་ཐ ཁོ མཱ་རོ པཱ་པི་མཱ བྷ་ག་ཝ་ཏོ བྷ་ཡཾ ཚ་མྦྷི་ཏ་ཏྟཾ ལོ་མ་ཧཾ་སཾ ཨུ་པྤཱ་དེ་ཏུ་ཀཱ་མོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ཏོ ཨ་ཝི་དཱུ་རེ མ་ཧ་ནྟེ པཱ་སཱ་ཎེ པ་དཱ་ལེ་སི.

ཨ་ཐ ཁོ བྷ་ག་ཝཱ ‘‘མཱ་རོ ཨ་ཡཾ པཱ་པི་མཱ’’ ཨི་ཏི ཝི་དི་ཏྭཱ མཱ་རཾ པཱ་པི་མ་ནྟཾ གཱ་ཐཱ་ཡ ཨ་ཛ྄ཛྷ་བྷཱ་སི –

‘‘ས་ཙེ་པི ཀེ་ཝ་ལཾ ས་བྦཾ, གི་ཛ྄ཛྷ་ཀཱུ་ཊཾ ཙ་ལེ་སྶ་སི [ག་ལེ༹་ཡྻ་སི (སྱཱ. ཀཾ.), ཙ་ལེ་ཡྻཱ་སི (ཀ.)];

ནེ་ཝ ས་མྨཱ་ཝི་མུ་ཏྟཱ་ནཾ, བུ་དྡྷཱ་ནཾ ཨ་ཏྠི ཨི་ཉྫི་ཏ’’ནྟི.

ཨ་ཐ ཁོ མཱ་རོ པཱ་པི་མཱ ‘‘ཛཱ་ནཱ་ཏི མཾ བྷ་ག་ཝཱ, ཛཱ་ནཱ་ཏི མཾ སུ་ག་ཏོ’’ཏི དུ་ཀྑཱི དུ་མྨ་ནོ ཏ་ཏྠེ་ཝ་ནྟ་ར་དྷཱ་ཡཱི་ཏི.