༧. སུ་པ་ཏི་སུ་ཏྟཾ

༡༤༣. ཨེ་ཀཾ ས་མ་ཡཾ བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ ཀ་ལ་ནྡ་ཀ་ནི་ཝཱ་པེ. ཨ་ཐ ཁོ བྷ་ག་ཝཱ བ་ཧུ་དེ་ཝ་ར་ཏྟིཾ ཨ་བྦྷོ་ཀཱ་སེ ཙ་ངྐ་མི་ཏྭཱ ར་ཏྟི་ཡཱ པ་ཙྩཱུ་ས་ས་མ་ཡཾ པཱ་དེ པ་ཀྑཱ་ལེ་ཏྭཱ ཝི་ཧཱ་རཾ པ་ཝི་སི་ཏྭཱ ད་ཀྑི་ཎེ་ན པ་སྶེ་ན སཱི་ཧ་སེ་ཡྻཾ ཀ་པྤེ་སི པཱ་དེ པཱ་དཾ ཨ་ཙྩཱ་དྷཱ་ཡ ས་ཏོ ས་མྤ་ཛཱ་ནོ ཨུ་ཊྛཱ་ན་ས་ཉྙཾ མ་ན་སི ཀ་རི་ཏྭཱ. ཨ་ཐ ཁོ མཱ་རོ པཱ་པི་མཱ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ གཱ་ཐཱ་ཡ ཨ་ཛ྄ཛྷ་བྷཱ་སི –

‘‘ཀིཾ སོ་པྤ་སི ཀིཾ ནུ སོ་པྤ་སི,

ཀི་མི་དཾ སོ་པྤ་སི དུ་བྦྷ་གོ [དུ་བྦྷ་ཏོ (སྱཱ. ཀཾ.), དུ་བྦྷ་ཡོ (པཱི.)] ཝི་ཡ;

སུ་ཉྙ་མ་གཱ་ར་ནྟི སོ་པྤ་སི,

ཀི་མི་དཾ སོ་པྤ་སི སཱུ་རི་ཡེ ཨུ་གྒ་ཏེ’’ཏི.

‘‘ཡ་སྶ ཛཱ་ལི་ནཱི ཝི་ས་ཏྟི་ཀཱ,

ཏ་ཎྷཱ ན་ཏྠི ཀུ་ཧི་ཉྩི ནེ་ཏ་ཝེ;

ས་བྦཱུ་པ་དྷི་པ་རི་ཀྑ་ཡཱ བུ་དྡྷོ,

སོ་པྤ་ཏི ཀིཾ ཏ་ཝེ་ཏྠ མཱ་རཱ’’ཏི.

ཨ་ཐ ཁོ མཱ་རོ པཱ་པི་མཱ…པེ… ཏ་ཏྠེ་ཝ་ནྟ་ར་དྷཱ་ཡཱི་ཏི.