༨. ན་ནྡ་ཏི་སུ་ཏྟཾ

༡༤༤. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཨ་ཐ ཁོ མཱ་རོ པཱ་པི་མཱ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ཏོ ས་ནྟི་ཀེ ཨི་མཾ གཱ་ཐཾ ཨ་བྷཱ་སི –

‘‘ན་ནྡ་ཏི པུ་ཏྟེ་ཧི པུ་ཏྟི་མཱ, གོ་མཱ གོ་བྷི ཏ་ཐེ་ཝ ན་ནྡ་ཏི;

ཨུ་པ་དྷཱི་ཧི ན་ར་སྶ ན་ནྡ་ནཱ, ན ཧི སོ ན་ནྡ་ཏི ཡོ ནི་རཱུ་པ་དྷཱི’’ཏི.

‘‘སོ་ཙ་ཏི པུ་ཏྟེ་ཧི པུ་ཏྟི་མཱ, གོ་མཱ གོ་བྷི ཏ་ཐེ་ཝ སོ་ཙ་ཏི;

ཨུ་པ་དྷཱི་ཧི ན་ར་སྶ སོ་ཙ་ནཱ, ན ཧི སོ སོ་ཙ་ཏི ཡོ ནི་རཱུ་པ་དྷཱི’’ཏི.

ཨ་ཐ ཁོ མཱ་རོ པཱ་པི་མཱ ‘‘ཛཱ་ནཱ་ཏི མཾ བྷ་ག་ཝཱ, ཛཱ་ནཱ་ཏི མཾ སུ་ག་ཏོ’’ཏི དུ་ཀྑཱི དུ་མྨ་ནོ ཏ་ཏྠེ་ཝ་ནྟ་ར་དྷཱ་ཡཱི་ཏི.