༡༠. དུ་ཏི་ཡ་ཨཱ་ཡུ་སུ་ཏྟཾ

༡༤༦. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཝེ་ལུ༹་ཝ་ནེ ཀ་ལ་ནྡ་ཀ་ནི་ཝཱ་པེ. ཏ་ཏྲ ཁོ བྷ་ག་ཝཱ…པེ… ཨེ་ཏ་ད་ཝོ་ཙ –

‘‘ཨ་པྤ་མི་དཾ, བྷི་ཀྑ་ཝེ, མ་ནུ་སྶཱ་ནཾ ཨཱ་ཡུ. ག་མ་ནཱི་ཡོ ས་མྤ་རཱ་ཡོ, ཀ་ཏྟ་བྦཾ ཀུ་ས་ལཾ, ཙ་རི་ཏ་བྦཾ བྲ་ཧྨ་ཙ་རི་ཡཾ. ན་ཏྠི ཛཱ་ཏ་སྶ ཨ་མ་ར་ཎཾ. ཡོ, བྷི་ཀྑ་ཝེ, ཙི་རཾ ཛཱི་ཝ་ཏི, སོ ཝ་སྶ་ས་ཏཾ ཨ་པྤཾ ཝཱ བྷི་ཡྻོ’’ཏི.

ཨ་ཐ ཁོ མཱ་རོ པཱ་པི་མཱ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ གཱ་ཐཱ་ཡ ཨ་ཛ྄ཛྷ་བྷཱ་སི –

‘‘ནཱ་ཙྩ་ཡ་ནྟི ཨ་ཧོ་ར་ཏྟཱ, ཛཱི་ཝི་ཏཾ ནཱུ་པ་རུ་ཛ྄ཛྷ་ཏི;

ཨཱ་ཡུ ཨ་ནུ་པ་རི་ཡཱ་ཡ་ཏི, མ་ཙྩཱ་ནཾ ནེ་མཱི་ཝ ར་ཐ་ཀུ་བྦ་ར’’ནྟི.

‘‘ཨ་ཙྩ་ཡ་ནྟི ཨ་ཧོ་ར་ཏྟཱ, ཛཱི་ཝི་ཏཾ ཨུ་པ་རུ་ཛ྄ཛྷ་ཏི;

ཨཱ་ཡུ ཁཱི་ཡ་ཏི མ་ཙྩཱ་ནཾ, ཀུ་ནྣ་དཱི་ནཾ་ཝ ཨོ་ད་ཀ’’ནྟི.

ཨ་ཐ ཁོ མཱ་རོ པཱ་པི་མཱ ‘‘ཛཱ་ནཱ་ཏི མཾ བྷ་ག་ཝཱ, ཛཱ་ནཱ་ཏི མཾ སུ་ག་ཏོ’’ཏི དུ་ཀྑཱི དུ་མྨ་ནོ ཏ་ཏྠེ་ཝ་ནྟ་ར་དྷཱ་ཡཱི་ཏི.

པ་ཋ་མོ ཝ་གྒོ.

ཏ་སྶུ་དྡཱ་ནཾ –

ཏ་པོ་ཀ་མྨ་ཉྩ ནཱ་གོ ཙ, སུ་བྷཾ པཱ་སེ་ན ཏེ དུ་ཝེ;

ས་པྤོ སུ་པ་ཏི ན་ནྡ་ནཾ, ཨཱ་ཡུ་ནཱ ཨ་པ་རེ དུ་ཝེ་ཏི.