༦. རོ་ཧི་ཏ་སྶ་སུ་ཏྟཾ

༡༠༧. སཱ་ཝ་ཏྠི་ནི་དཱ་ནཾ. ཨེ་ཀ་མ་ནྟཾ ཋི་ཏོ ཁོ རོ་ཧི་ཏ་སྶོ དེ་ཝ་པུ་ཏྟོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཡ་ཏྠ ནུ ཁོ, བྷ་ནྟེ, ན ཛཱ་ཡ་ཏི ན ཛཱི་ཡ་ཏི ན མཱི་ཡ་ཏི [ན ཛི་ཡྻ་ཏི ན མི་ཡྻ་ཏི (སྱཱ. ཀཾ. ཀ.)] ན ཙ་ཝ་ཏི ན ཨུ་པ་པ་ཛྫ་ཏི, ས་ཀྐཱ ནུ ཁོ སོ, བྷ་ནྟེ, ག་མ་ནེ་ན ལོ་ཀ་སྶ ཨ་ནྟོ ཉཱ་ཏུཾ ཝཱ ད་ཊྛུཾ ཝཱ པཱ་པུ་ཎི་ཏུཾ ཝཱ’’ཏི? ‘‘ཡ་ཏྠ ཁོ, ཨཱ་ཝུ་སོ, ན ཛཱ་ཡ་ཏི ན ཛཱི་ཡ་ཏི ན མཱི་ཡ་ཏི ན ཙ་ཝ་ཏི ན ཨུ་པ་པ་ཛྫ་ཏི, ནཱ་ཧཾ ཏཾ ག་མ་ནེ་ན ལོ་ཀ་སྶ ཨ་ནྟཾ ཉཱ་ཏེ་ཡྻཾ ད་ཊྛེ་ཡྻཾ པ་ཏྟེ་ཡྻ་ནྟི ཝ་དཱ་མཱི’’ཏི.

‘‘ཨ་ཙྪ་རི་ཡཾ, བྷ་ནྟེ, ཨ་བྦྷུ་ཏཾ, བྷ་ནྟེ! ཡཱ་ཝ་སུ་བྷཱ་སི་ཏ་མི་དཾ, བྷ་ནྟེ, བྷ་ག་ཝ་ཏཱ – ‘ཡ་ཏྠ ཁོ, ཨཱ་ཝུ་སོ, ན ཛཱ་ཡ་ཏི ན ཛཱི་ཡ་ཏི ན མཱི་ཡ་ཏི ན ཙ་ཝ་ཏི ན ཨུ་པ་པ་ཛྫ་ཏི, ནཱ་ཧཾ ཏཾ ག་མ་ནེ་ན ལོ་ཀ་སྶ ཨ་ནྟཾ ཉཱ་ཏེ་ཡྻཾ ད་ཊྛེ་ཡྻཾ པ་ཏྟེ་ཡྻ་ནྟི ཝ་དཱ་མཱི’ཏི.

‘‘བྷཱུ་ཏ་པུ་བྦཱ་ཧཾ, བྷ་ནྟེ, རོ་ཧི་ཏ་སྶོ ནཱ་མ ཨི་སི ཨ་ཧོ་སིཾ བྷོ་ཛ་པུ་ཏྟོ ཨི་དྡྷི་མཱ ཝེ་ཧཱ་ས་ངྒ་མོ. ཏ་སྶ མ་ཡ྄ཧཾ, བྷ་ནྟེ, ཨེ་ཝ་རཱུ་པོ ཛ་ཝོ ཨ་ཧོ་སི; སེ་ཡྻ་ཐཱ་པི ནཱ་མ ད་ལ༹ྷ་དྷ་མྨཱ [ད་ལ༹ྷ་དྷ་མྨོ (ས་བྦ་ཏྠ) ཊཱི་ཀཱ ཙ མོ་གྒ་ལླཱ་ན་བྱཱ་ཀ་ར་ཎཾ ཙ ཨོ་ལོ་ཀེ་ཏ་བྦཾ] དྷ་ནུ་གྒ་ཧོ སུ་སི་ཀྑི་ཏོ ཀ་ཏ་ཧ་ཏྠོ ཀ་ཏ་ཡོ་གྒོ ཀ་ཏཱུ་པཱ་ས་ནོ ལ་ཧུ་ཀེ་ན ཨ་ས་ནེ་ན ཨ་པྤ་ཀ་སི་རེ་ནེ་ཝ ཏི་རི་ཡཾ ཏཱ་ལ་ཙྪཱ་ཡཾ ཨ་ཏི་པཱ་ཏེ་ཡྻ. ཏ་སྶ མ་ཡ྄ཧཾ, བྷ་ནྟེ, ཨེ་ཝ་རཱུ་པོ པ་ད་ཝཱི་ཏི་ཧཱ་རོ ཨ་ཧོ་སི; སེ་ཡྻ་ཐཱ་པི ནཱ་མ པུ་ར་ཏྠི་མཱ ས་མུ་དྡཱ པ་ཙྪི་མོ ས་མུ་དྡོ. ཏ་སྶ མ་ཡ྄ཧཾ, བྷ་ནྟེ, ཨེ་ཝ་རཱུ་པཾ ཨི་ཙྪཱ་ག་ཏཾ ཨུ་པྤ་ཛྫི – ‘ཨ་ཧཾ ག་མ་ནེ་ན ལོ་ཀ་སྶ ཨ་ནྟཾ པཱ་པུ་ཎི་སྶཱ་མཱི’ཏི. སོ ཁྭཱ་ཧཾ, བྷ་ནྟེ, ཨེ་ཝ་རཱུ་པེ་ན ཛ་ཝེ་ན ས་མ་ནྣཱ་ག་ཏོ ཨེ་ཝ་རཱུ་པེ་ན ཙ པ་ད་ཝཱི་ཏི་ཧཱ་རེ་ན ཨ་ཉྙ་ཏྲེ་ཝ ཨ་སི་ཏ-པཱི་ཏ-ཁཱ་ཡི་ཏ-སཱ་ཡི་ཏཱ ཨ་ཉྙ་ཏྲ ཨུ་ཙྩཱ་ར-པ་སྶཱ་ཝ་ཀ་མྨཱ ཨ་ཉྙ་ཏྲ ནི་དྡཱ་ཀི་ལ་མ་ཐ་པ་ཊི་ཝི་ནོ་ད་ནཱ ཝ་སྶ་ས་ཏཱ་ཡུ་ཀོ ཝ་སྶ་ས་ཏ་ཛཱི་ཝཱི ཝ་སྶ་ས་ཏཾ ག་ནྟྭཱ ཨ་པྤ་ཏྭཱ་ཝ ལོ་ཀ་སྶ ཨ་ནྟཾ ཨ་ནྟ་རཱ་ཝ ཀཱ་ལ་ངྐ་ཏོ.

‘‘ན ཁོ པ་ནཱ་ཧཾ, ཨཱ་ཝུ་སོ, ཨ་པྤ་ཏྭཱ ལོ་ཀ་སྶ ཨ་ནྟཾ དུ་ཀྑ་སྶ ཨ་ནྟ་ཀི་རི་ཡཾ ཝ་དཱ་མི. ཨ་པི ཙ ཁྭཱ་ཧཾ, ཨཱ་ཝུ་སོ, ཨི་མ་སྨིཾ་ཡེ་ཝ བྱཱ་མ་མ་ཏྟེ ཀ་ལེ༹་ཝ་རེ ས་ས་ཉྙི་མྷི ས་མ་ན་ཀེ ལོ་ཀ་ཉྩ པ་ཉྙ་པེ་མི ལོ་ཀ་ས་མུ་ད་ཡ་ཉྩ ལོ་ཀ་ནི་རོ་དྷ་ཉྩ ལོ་ཀ་ནི་རོ་དྷ་གཱ་མི་ནི་ཉྩ པ་ཊི་པ་ད་ནྟི.

‘‘ག་མ་ནེ་ན ན པ་ཏྟ་བྦོ, ལོ་ཀ་སྶ་ནྟོ ཀུ་དཱ་ཙ་ནཾ;

ན ཙ ཨ་པྤ་ཏྭཱ ལོ་ཀ་ནྟཾ, དུ་ཀྑཱ ཨ་ཏྠི པ་མོ་ཙ་ནཾ.

‘‘ཏ་སྨཱ ཧ་ཝེ ལོ་ཀ་ཝི་དཱུ སུ་མེ་དྷོ,

ལོ་ཀ་ནྟ་གཱུ ཝུ་སི་ཏ་བྲ་ཧྨ་ཙ་རི་ཡོ;

ལོ་ཀ་སྶ ཨ་ནྟཾ ས་མི་ཏཱ་ཝི ཉ་ཏྭཱ,

ནཱ་སཱི་ས་ཏི ལོ་ཀ་མི་མཾ པ་ར་ཉྩཱ’’ཏི.