༡. སི་ཝ་སུ་ཏྟཾ
༡༠༢. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཨ་ཐ ཁོ སི་ཝོ དེ་ཝ་པུ་ཏྟོ ཨ་བྷི་ཀྐ་ནྟཱ་ཡ ར་ཏྟི་ཡཱ ཨ་བྷི་ཀྐ་ནྟ་ཝ་ཎྞོ ཀེ་ཝ་ལ་ཀ་པྤཾ ཛེ་ཏ་ཝ་ནཾ ཨོ་བྷཱ་སེ་ཏྭཱ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏོ ཁོ སི་ཝོ དེ་ཝ་པུ་ཏྟོ བྷ་ག་ཝ་ཏོ ས་ནྟི་ཀེ ཨི་མཱ གཱ་ཐཱ་ཡོ ཨ་བྷཱ་སི –
‘‘ས་བྦྷི་རེ་ཝ ས་མཱ་སེ་ཐ, ས་བྦྷི ཀུ་བྦེ་ཐ ས་ནྠ་ཝཾ;
ས་ཏཾ ས་དྡྷ་མྨ་མ་ཉྙཱ་ཡ, སེ་ཡྻོ ཧོ་ཏི ན པཱ་པི་ཡོ.
‘‘ས་བྦྷི་རེ་ཝ ས་མཱ་སེ་ཐ, ས་བྦྷི ཀུ་བྦེ་ཐ ས་ནྠ་ཝཾ;
ས་ཏཾ ས་དྡྷ་མྨ་མ་ཉྙཱ་ཡ, པ་ཉྙཱ ལ་བྦྷ་ཏི ནཱ་ཉྙ་ཏོ.
‘‘ས་བྦྷི་རེ་ཝ ས་མཱ་སེ་ཐ, ས་བྦྷི ཀུ་བྦེ་ཐ ས་ནྠ་ཝཾ;
ས་ཏཾ ས་དྡྷ་མྨ་མ་ཉྙཱ་ཡ, སོ་ཀ་མ་ཛ྄ཛྷེ ན སོ་ཙ་ཏི.
‘‘ས་བྦྷི་རེ་ཝ ས་མཱ་སེ་ཐ, ས་བྦྷི ཀུ་བྦེ་ཐ ས་ནྠ་ཝཾ;
ས་ཏཾ ས་དྡྷ་མྨ་མ་ཉྙཱ་ཡ, ཉཱ་ཏི་མ་ཛ྄ཛྷེ ཝི་རོ་ཙ་ཏི.
‘‘ས་བྦྷི་རེ་ཝ ས་མཱ་སེ་ཐ, ས་བྦྷི ཀུ་བྦེ་ཐ ས་ནྠ་ཝཾ;
ས་ཏཾ ས་དྡྷ་མྨ་མ་ཉྙཱ་ཡ, ས་ཏྟཱ ག་ཙྪ་ནྟི སུ་གྒ་ཏིཾ.
‘‘ས་བྦྷི་རེ་ཝ ས་མཱ་སེ་ཐ, ས་བྦྷི ཀུ་བྦེ་ཐ ས་ནྠ་ཝཾ;
ས་ཏཾ ས་དྡྷ་མྨ་མ་ཉྙཱ་ཡ, ས་ཏྟཱ ཏི་ཊྛ་ནྟི སཱ་ཏ་ཏ’’ནྟི.
ཨ་ཐ ཁོ བྷ་ག་ཝཱ སི་ཝཾ དེ་ཝ་པུ་ཏྟཾ གཱ་ཐཱ་ཡ པ་ཙྩ་བྷཱ་སི –
‘‘ས་བྦྷི་རེ་ཝ ས་མཱ་སེ་ཐ, ས་བྦྷི ཀུ་བྦེ་ཐ ས་ནྠ་ཝཾ;
ས་ཏཾ ས་དྡྷ་མྨ་མ་ཉྙཱ་ཡ, ས་བྦ་དུ་ཀྑཱ པ་མུ་ཙྩ་ཏཱི’’ཏི.