༥. ཨ་ཀྐོ་དྷ་སུ་ཏྟཾ

༢༧༡. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏ་ཏྲ ཁོ བྷ་ག་ཝཱ བྷི་ཀྑཱུ…པེ… བྷ་ག་ཝཱ ཨེ་ཏ་ད་ཝོ་ཙ – ‘‘བྷཱུ་ཏ་པུ་བྦཾ, བྷི་ཀྑ་ཝེ, ས་ཀྐོ དེ་ཝཱ་ན་མི་ནྡོ སུ་དྷ་མྨཱ་ཡཾ ས་བྷཱ་ཡཾ དེ་ཝེ ཏཱ་ཝ་ཏིཾ་སེ ཨ་ནུ་ན་ཡ་མཱ་ནོ ཏཱ་ཡཾ ཝེ་ལཱ་ཡཾ ཨི་མཾ གཱ་ཐཾ ཨ་བྷཱ་སི –

‘‘མཱ ཝོ ཀོ་དྷོ ཨ་ཛ྄ཛྷ་བྷ་ཝི, མཱ ཙ ཀུ་ཛ྄ཛྷི་ཏྠ ཀུ་ཛ྄ཛྷ་ཏཾ;

ཨ་ཀྐོ་དྷོ ཨ་ཝི་ཧིཾ་སཱ ཙ, ཨ་རི་ཡེ་སུ ཙ པ་ཊི་པ་དཱ [ཝ་ས་ཏཱི ས་དཱ (སཱི. སྱཱ. ཀཾ. པཱི.)];

ཨ་ཐ པཱ་པ་ཛ་ནཾ ཀོ་དྷོ, པ་བྦ་ཏོ་ཝཱ་བྷི་མ་དྡ་ཏཱི’’ཏི.

ཏ་ཏི་ཡོ ཝ་གྒོ.

ཏ་སྶུ་དྡཱ་ནཾ –

ཚེ་ཏྭཱ དུ་བྦ་ཎྞི་ཡ་མཱ་ཡཱ, ཨ་ཙྩ་ཡེ་ན ཨ་ཀོ་དྷ་ནོ;

དེ་སི་ཏཾ བུ་དྡྷ་སེ་ཊྛེ་ན, ཨི་ད་ཉྷི ས་ཀྐ་པ་ཉྩ་ཀ་ནྟི.

ས་ཀྐ་སཾ་ཡུ་ཏྟཾ ས་མ་ཏྟཾ.