༩. ས་ཏྠཱ་ར་ཝ་ནྡ་ནཱ་སུ་ཏྟཾ

༢༦༥. སཱ་ཝ་ཏྠི་ཡཾ ཛེ་ཏ་ཝ་ནེ. ‘‘བྷཱུ་ཏ་པུ་བྦཾ, བྷི་ཀྑ་ཝེ, ས་ཀྐོ དེ་ཝཱ་ན་མི་ནྡོ མཱ་ཏ་ལིཾ ས་ངྒཱ་ཧ་ཀཾ ཨཱ་མ་ནྟེ་སི – ‘ཡོ་ཛེ་ཧི, ས་མྨ མཱ་ཏ་ལི, ས་ཧ་སྶ་ཡུ་ཏྟཾ ཨཱ་ཛ་ཉྙ་ར་ཐཾ, ཨུ་ཡྻཱ་ན་བྷཱུ་མིཾ ག་ཙྪཱ་མ སུ་བྷཱུ་མིཾ ད་སྶ་ནཱ་ཡཱ’ཏི. ‘ཨེ་ཝཾ བྷ་དྡ་ནྟ་ཝཱ’ཏི ཁོ, བྷི་ཀྑ་ཝེ, མཱ་ཏ་ལི ས་ངྒཱ་ཧ་ཀོ ས་ཀྐ་སྶ དེ་ཝཱ་ན་མི་ནྡ་སྶ པ་ཊི་སྶུ་ཏྭཱ ས་ཧ་སྶ་ཡུ་ཏྟཾ ཨཱ་ཛ་ཉྙ་ར་ཐཾ ཡོ་ཛེ་ཏྭཱ ས་ཀྐ་སྶ དེ་ཝཱ་ན་མི་ནྡ་སྶ པ་ཊི་ཝེ་དེ་སི – ‘ཡུ་ཏྟོ ཁོ ཏེ, མཱ་རི་ས, ས་ཧ་སྶ་ཡུ་ཏྟོ ཨཱ་ཛ་ཉྙ་ར་ཐོ. ཡ་སྶ དཱ་ནི ཀཱ་ལཾ མ་ཉྙ་སཱི’’’ཏི. ཨ་ཐ ཁོ, བྷི་ཀྑ་ཝེ, ས་ཀྐོ དེ་ཝཱ་ན་མི་ནྡོ ཝེ་ཛ་ཡ་ནྟ་པཱ་སཱ་དཱ ཨོ་རོ་ཧ་ནྟོ ཨ་ཉྫ་ལིཾ ཀ་ཏྭཱ སུ་དཾ བྷ་ག་ཝ་ནྟཾ ན་མ་སྶ་ཏི. ཨ་ཐ ཁོ, བྷི་ཀྑ་ཝེ, མཱ་ཏ་ལི ས་ངྒཱ་ཧ་ཀོ ས་ཀྐཾ དེ་ཝཱ་ན་མི་ནྡཾ གཱ་ཐཱ་ཡ ཨ་ཛ྄ཛྷ་བྷཱ་སི –

‘‘ཡ་ཉྷི དེ་ཝཱ མ་ནུ་སྶཱ ཙ, ཏཾ ན་མ་སྶ་ནྟི ཝཱ་ས་ཝ;

ཨ་ཐ ཀོ ནཱ་མ སོ ཡ་ཀྑོ, ཡཾ ཏྭཾ ས་ཀྐ ན་མ་སྶ་སཱི’’ཏི.

‘‘ཡོ ཨི་དྷ ས་མྨཱ་ས་མྦུ་དྡྷོ, ཨ་སྨིཾ ལོ་ཀེ ས་དེ་ཝ་ཀེ;

ཨ་ནོ་མ་ནཱ་མཾ ས་ཏྠཱ་རཾ, ཏཾ ན་མ་སྶཱ་མི མཱ་ཏ་ལི.

‘‘ཡེ་སཾ རཱ་གོ ཙ དོ་སོ ཙ, ཨ་ཝི་ཛྫཱ ཙ ཝི་རཱ་ཛི་ཏཱ;

ཁཱི་ཎཱ་ས་ཝཱ ཨ་ར་ཧ་ནྟོ, ཏེ ན་མ་སྶཱ་མི མཱ་ཏ་ལི.

‘‘ཡེ རཱ་ག་དོ་ས་ཝི་ན་ཡཱ, ཨ་ཝི་ཛྫཱ་ས་མ་ཏི་ཀྐ་མཱ;

སེ་ཀྑཱ ཨ་པ་ཙ་ཡཱ་རཱ་མཱ, ཨ་པྤ་མ་ཏྟཱ་ནུ་སི་ཀྑ་རེ;

ཏེ ན་མ་སྶཱ་མི མཱ་ཏ་ལཱི’’ཏི.

‘‘སེ་ཊྛཱ ཧི ཀི་ར ལོ་ཀ་སྨིཾ, ཡེ ཏྭཾ ས་ཀྐ ན་མ་སྶ་སི;

ཨ་ཧ་མྤི ཏེ ན་མ་སྶཱ་མི, ཡེ ན་མ་སྶ་སི ཝཱ་ས་ཝཱ’’ཏི.

‘‘ཨི་དཾ ཝ་ཏྭཱ་ན མ་གྷ་ཝཱ, དེ་ཝ་རཱ་ཛཱ སུ་ཛ་མྤ་ཏི;

བྷ་ག་ཝ་ནྟཾ ན་མ་སྶི་ཏྭཱ, པ་མུ་ཁོ ར་ཐ་མཱ་རུ་ཧཱི’’ཏི.