༦. ཡ་ཛ་མཱ་ན་སུ་ཏྟཾ
༢༦༢. ཨེ་ཀཾ ས་མ་ཡཾ བྷ་ག་ཝཱ རཱ་ཛ་ག་ཧེ ཝི་ཧ་ར་ཏི གི་ཛ྄ཛྷ་ཀཱུ་ཊེ པ་བྦ་ཏེ. ཨ་ཐ ཁོ ས་ཀྐོ དེ་ཝཱ་ན་མི་ནྡོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏོ ཁོ ས་ཀྐོ དེ་ཝཱ་ན་མི་ནྡོ བྷ་ག་ཝ་ནྟཾ གཱ་ཐཱ་ཡ ཨ་ཛ྄ཛྷ་བྷཱ་སི –
‘‘ཡ་ཛ་མཱ་ནཱ་ནཾ མ་ནུ་སྶཱ་ནཾ, པུ་ཉྙ་པེ་ཀྑཱ་ན པཱ་ཎི་ནཾ;
ཀ་རོ་ཏཾ ཨོ་པ་དྷི་ཀཾ པུ་ཉྙཾ, ཀ་ཏྠ དི་ནྣཾ མ་ཧ་པྥ་ལ’’ནྟི.
‘‘ཙ་ཏྟཱ་རོ ཙ པ་ཊི་པ་ནྣཱ, ཙ་ཏྟཱ་རོ ཙ ཕ་ལེ ཋི་ཏཱ;
ཨེ་ས ས་ངྒྷོ ཨུ་ཛུ་བྷཱུ་ཏོ, པ་ཉྙཱ་སཱི་ལ་ས་མཱ་ཧི་ཏོ.
‘‘ཡ་ཛ་མཱ་ནཱ་ནཾ མ་ནུ་སྶཱ་ནཾ, པུ་ཉྙ་པེ་ཀྑཱ་ན པཱ་ཎི་ནཾ;
ཀ་རོ་ཏཾ ཨོ་པ་དྷི་ཀཾ པུ་ཉྙཾ, ས་ངྒྷེ དི་ནྣཾ མ་ཧ་པྥ་ལ’’ནྟི.