༡. ཝ་ཏ་པ་ད་སུ་ཏྟཾ

༢༥༧. སཱ་ཝ་ཏྠི་ཡཾ. ‘‘ས་ཀྐ་སྶ, བྷི་ཀྑ་ཝེ, དེ་ཝཱ་ན་མི་ནྡ་སྶ པུ་བྦེ མ་ནུ་སྶ་བྷཱུ་ཏ་སྶ ས་ཏྟ ཝ་ཏ་པ་དཱ་ནི [ཝ་ཏྟ་པ་དཱ་ནི (ཀ.)] ས་མ་ཏྟཱ་ནི ས་མཱ་དི་ནྣཱ་ནི ཨ་ཧེ་སུཾ, ཡེ་སཾ ས་མཱ་དི་ནྣ་ཏྟཱ ས་ཀྐོ ས་ཀྐ་ཏྟཾ ཨ་ཛ྄ཛྷ་གཱ. ཀ་ཏ་མཱ་ནི ས་ཏྟ ཝ་ཏ་པ་དཱ་ནི? ཡཱ་ཝ་ཛཱི་ཝཾ མཱ་ཏཱ་པེ་ཏྟི་བྷ་རོ ཨ་སྶཾ, ཡཱ་ཝ་ཛཱི་ཝཾ ཀུ་ལེ ཛེ་ཊྛཱ་པ་ཙཱ་ཡཱི ཨ་སྶཾ, ཡཱ་ཝ་ཛཱི་ཝཾ ས་ཎྷ་ཝཱ་ཙོ ཨ་སྶཾ, ཡཱ་ཝ་ཛཱི་ཝཾ ཨ་པི་སུ་ཎ་ཝཱ་ཙོ ཨ་སྶཾ, ཡཱ་ཝ་ཛཱི་ཝཾ ཝི་ག་ཏ་མ་ལ་མ་ཙྪེ་རེ་ན ཙེ་ཏ་སཱ ཨ་གཱ་རཾ ཨ་ཛ྄ཛྷཱ་ཝ་སེ་ཡྻཾ མུ་ཏྟ་ཙཱ་གོ པ་ཡ་ཏ་པཱ་ཎི ཝོ་སྶ་གྒ་ར་ཏོ ཡཱ་ཙ་ཡོ་གོ དཱ་ན་སཾ་ཝི་བྷཱ་ག་ར་ཏོ, ཡཱ་ཝ་ཛཱི་ཝཾ ས་ཙྩ་ཝཱ་ཙོ ཨ་སྶཾ, ཡཱ་ཝ་ཛཱི་ཝཾ ཨ་ཀྐོ་དྷ་ནོ ཨ་སྶཾ – ས་ཙེ་པི མེ ཀོ་དྷོ ཨུ་པྤ་ཛྫེ་ཡྻ, ཁི་པྤ་མེ་ཝ ནཾ པ་ཊི་ཝི་ནེ་ཡྻ’’ནྟི. ‘‘ས་ཀྐ་སྶ, བྷི་ཀྑ་ཝེ, དེ་ཝཱ་ན་མི་ནྡ་སྶ པུ་བྦེ མ་ནུ་སྶ་བྷཱུ་ཏ་སྶ ཨི་མཱ་ནི ས་ཏྟ ཝ་ཏ་པ་དཱ་ནི ས་མ་ཏྟཱ་ནི ས་མཱ་དི་ནྣཱ་ནི ཨ་ཧེ་སུཾ, ཡེ་སཾ ས་མཱ་དི་ནྣ་ཏྟཱ ས་ཀྐོ ས་ཀྐ་ཏྟཾ ཨ་ཛ྄ཛྷ་གཱ’’ཏི.

‘‘མཱ་ཏཱ་པེ་ཏྟི་བྷ་རཾ ཛ་ནྟུཾ, ཀུ་ལེ ཛེ་ཊྛཱ་པ་ཙཱ་ཡི་ནཾ;

ས་ཎྷཾ ས་ཁི་ལ་ས་མྦྷཱ་སཾ, པེ་སུ་ཎེ་ཡྻ་པྤ་ཧཱ་ཡི་ནཾ.

‘‘མ་ཙྪེ་ར་ཝི་ན་ཡེ ཡུ་ཏྟཾ, ས་ཙྩཾ ཀོ་དྷཱ་བྷི་བྷུཾ ན་རཾ;

ཏཾ ཝེ དེ་ཝཱ ཏཱ་ཝ་ཏིཾ་སཱ, ཨཱ་ཧུ ས་པྤུ་རི་སོ ཨི་ཏཱི’’ཏི.