༦. ན་ཛཱི་ར་ཏི་སུ་ཏྟཾ
༧༦. ‘‘ཀིཾ ཛཱི་ར་ཏི ཀིཾ ན ཛཱི་ར་ཏི, ཀིཾ་སུ ཨུ་པྤ་ཐོ་ཏི ཝུ་ཙྩ་ཏི;
ཀིཾ་སུ དྷ་མྨཱ་ནཾ པ་རི་པ་ནྠོ, ཀིཾ་སུ ར་ཏྟི་ནྡི་ཝ་ཀྑ་ཡོ;
ཀིཾ མ་ལཾ བྲ་ཧྨ་ཙ་རི་ཡ་སྶ, ཀིཾ སི་ནཱ་ན་མ་ནོ་ད་ཀཾ.
‘‘ཀ་ཏི ལོ་ཀ་སྨིཾ ཚི་དྡཱ་ནི, ཡ་ཏྠ ཝི་ཏྟཾ [ཙི་ཏྟཾ (སཱི. སྱཱ. ཀཾ. པཱི.)] ན ཏི་ཊྛ་ཏི;
བྷ་ག་ཝ་ནྟཾ པུ་ཊྛུ་མཱ་ག་མྨ, ཀ་ཐཾ ཛཱ་ནེ་མུ ཏཾ མ་ཡ’’ནྟི.
‘‘རཱུ་པཾ ཛཱི་ར་ཏི མ་ཙྩཱ་ནཾ, ནཱ་མ་གོ་ཏྟཾ ན ཛཱི་ར་ཏི;
རཱ་གོ ཨུ་པྤ་ཐོ་ཏི ཝུ་ཙྩ་ཏི.
‘‘ལོ་བྷོ དྷ་མྨཱ་ནཾ པ་རི་པ་ནྠོ, ཝ་ཡོ ར་ཏྟི་ནྡི་ཝ་ཀྑ་ཡོ;
ཨི་ཏྠཱི མ་ལཾ བྲ་ཧྨ་ཙ་རི་ཡ་སྶ, ཨེ་ཏྠཱ་ཡཾ ས་ཛྫ་ཏེ པ་ཛཱ;
ཏ་པོ ཙ བྲ་ཧྨ་ཙ་རི་ཡ་ཉྩ, ཏཾ སི་ནཱ་ན་མ་ནོ་ད་ཀཾ.
‘‘ཚ ལོ་ཀ་སྨིཾ ཚི་དྡཱ་ནི, ཡ་ཏྠ ཝི་ཏྟཾ ན ཏི་ཊྛ་ཏི;
ཨཱ་ལ་སྱ་ཉྩ [ཨཱ་ལ་སྶ་ཉྩ (སཱི. པཱི.)] པ་མཱ་དོ ཙ, ཨ་ནུ་ཊྛཱ་ནཾ ཨ་སཾ་ཡ་མོ;
ནི་དྡཱ ཏ་ནྡཱི [ཏ་ནྡི (སཱི.)] ཙ ཏེ ཚི་དྡེ, ས་བྦ་སོ ཏཾ ཝི་ཝ་ཛྫ་ཡེ’’ཏི.