༡༠. དུ་ཏི་ཡ་པ་ཛྫུ་ནྣ་དྷཱི་ཏུ་སུ་ཏྟཾ

༤༠. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ ཝེ་སཱ་ལི་ཡཾ ཝི་ཧ་ར་ཏི མ་ཧཱ་ཝ་ནེ ཀཱུ་ཊཱ་གཱ་ར་སཱ་ལཱ་ཡཾ. ཨ་ཐ ཁོ ཙཱུ་ལ༹་ཀོ་ཀ་ན་དཱ [ཙུ་ལླ་ཀོ་ཀ་ན་དཱ (སཱི. སྱཱ. ཀཾ.)] པ་ཛྫུ་ནྣ་སྶ དྷཱི་ཏཱ ཨ་བྷི་ཀྐ་ནྟཱ་ཡ ར་ཏྟི་ཡཱ ཨ་བྷི་ཀྐ་ནྟ་ཝ་ཎྞཱ ཀེ་ཝ་ལ་ཀ་པྤཾ མ་ཧཱ་ཝ་ནཾ ཨོ་བྷཱ་སེ་ཏྭཱ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏཱ ཁོ སཱ དེ་ཝ་ཏཱ ཙཱུ་ལ༹་ཀོ་ཀ་ན་དཱ པ་ཛྫུ་ནྣ་སྶ དྷཱི་ཏཱ བྷ་ག་ཝ་ཏོ ས་ནྟི་ཀེ ཨི་མཱ གཱ་ཐཱ་ཡོ ཨ་བྷཱ་སི –

‘‘ཨི་དྷཱ་ག་མཱ ཝི་ཛྫུ་པ་བྷཱ་ས་ཝ་ཎྞཱ, ཀོ་ཀ་ན་དཱ པ་ཛྫུ་ནྣ་སྶ དྷཱི་ཏཱ;

བུ་དྡྷ་ཉྩ དྷ་མྨ་ཉྩ ན་མ་སྶ་མཱ་ནཱ, གཱ་ཐཱ་ཙི་མཱ ཨ་ཏྠ་ཝ་ཏཱི ཨ་བྷཱ་སི.

‘‘བ་ཧུ་ནཱ་པི ཁོ ཏཾ ཝི་བྷ་ཛེ་ཡྻཾ, པ་རི་ཡཱ་ཡེ་ན ཏཱ་དི་སོ དྷ་མྨོ;

སཾ་ཁི་ཏྟ་མ་ཏྠཾ [སཾ་ཁི་ཏྟ་མ་ཏྟཾ (ཀ.)] ལ་པ་ཡི་སྶཱ་མི, ཡཱ་ཝ་ཏཱ མེ མ་ན་སཱ པ་རི་ཡ་ཏྟཾ.

‘‘པཱ་པཾ ན ཀ་ཡི་རཱ ཝ་ཙ་སཱ མ་ན་སཱ,

ཀཱ་ཡེ་ན ཝཱ ཀི་ཉྩ་ན ས་བྦ་ལོ་ཀེ;

ཀཱ་མེ པ་ཧཱ་ཡ ས་ཏི་མཱ ས་མྤ་ཛཱ་ནོ,

དུ་ཀྑཾ ན སེ་ཝེ་ཐ ཨ་ན་ཏྠ་སཾ་ཧི་ཏ’’ནྟི.

ས་ཏུ་ལླ་པ་ཀཱ་ཡི་ཀ་ཝ་གྒོ ཙ་ཏུ་ཏྠོ.

ཏ་སྶུ་དྡཱ་ནཾ –

ས་བྦྷི་མ་ཙྪ་རི་ནཱ སཱ་དྷུ, ན ས་ནྟུ་ཛ྄ཛྷཱ་ན་ས་ཉྙི་ནོ;

ས་དྡྷཱ ས་མ་ཡོ ས་ཀ་ལི་ཀཾ, ཨུ་བྷོ པ་ཛྫུ་ནྣ་དྷཱི་ཏ་རོ་ཏི.