༩. བཱ་ལ་པ་ཎྜི་ཏ་སུ་ཏྟཾ

༢༤༦. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏ་ཏྲ ཁོ བྷ་ག་ཝཱ བྷི་ཀྑཱུ ཨཱ་མ་ནྟེ་སི – ‘‘བྷི་ཀྑ་ཝོ’’ཏི. ‘‘བྷ་ད་ནྟེ’’ཏི ཏེ བྷི་ཀྑཱུ བྷ་ག་ཝ་ཏོ པ་ཙྩ་སྶོ་སུཾ. བྷ་ག་ཝཱ ཨེ་ཏ་ད་ཝོ་ཙ –

‘‘ཏཱི་ཎི་མཱ་ནི, བྷི་ཀྑ་ཝེ, བཱ་ལ་སྶ བཱ་ལ་ལ་ཀྑ་ཎཱ་ནི བཱ་ལ་ནི་མི་ཏྟཱ་ནི བཱ་ལཱ་པ་དཱ་ནཱ་ནི. ཀ་ཏ་མཱ་ནི ཏཱི་ཎི? ཨི་དྷ, བྷི་ཀྑ་ཝེ, བཱ་ལོ དུ་ཙྩི་ནྟི་ཏ་ཙི་ནྟཱི ཙ ཧོ་ཏི དུ་བྦྷཱ་སི་ཏ་བྷཱ་སཱི ཙ དུ་ཀྐ་ཊ་ཀ་མྨ་ཀཱ་རཱི ཙ. ནོ ཙེ་ཏཾ [ནོ ཙེ་དཾ (སཾ. ནི. ༣.༢༧-༢༨)], བྷི་ཀྑ་ཝེ, བཱ་ལོ དུ་ཙྩི་ནྟི་ཏ་ཙི་ནྟཱི ཙ ཨ་བྷ་ཝི་སྶ དུ་བྦྷཱ་སི་ཏ་བྷཱ་སཱི ཙ དུ་ཀྐ་ཊ་ཀ་མྨ་ཀཱ་རཱི ཙ ཀེ་ན ནཾ [ན ཏེ་ན ནཾ (ཀ.), ན ནཾ (?)] པ་ཎྜི་ཏཱ ཛཱ་ནེ་ཡྻུཾ – ‘བཱ་ལོ ཨ་ཡཾ བྷ་ཝཾ ཨ་ས་པྤུ་རི་སོ’ཏི? ཡ་སྨཱ ཙ ཁོ, བྷི་ཀྑ་ཝེ, བཱ་ལོ དུ་ཙྩི་ནྟི་ཏ་ཙི་ནྟཱི ཙ ཧོ་ཏི དུ་བྦྷཱ་སི་ཏ་བྷཱ་སཱི ཙ དུ་ཀྐ་ཊ་ཀ་མྨ་ཀཱ་རཱི ཙ ཏ་སྨཱ ནཾ པ་ཎྜི་ཏཱ ཛཱ་ན་ནྟི – ‘བཱ་ལོ ཨ་ཡཾ བྷ་ཝཾ ཨ་ས་པྤུ་རི་སོ’ཏི. ས ཁོ སོ, བྷི་ཀྑ་ཝེ, བཱ་ལོ ཏི་ཝི་དྷཾ དི་ཊྛེ་ཝ དྷ་མྨེ དུ་ཀྑཾ དོ་མ་ན་སྶཾ པ་ཊི་སཾ་ཝེ་དེ་ཏི. ས་ཙེ, བྷི་ཀྑ་ཝེ, བཱ་ལོ ས་བྷཱ་ཡཾ ཝཱ ནི་སི་ནྣོ ཧོ་ཏི, ར་ཐི་ཀཱ་ཡ [ར་ཐི་ཡཱ་ཡ (བ་ཧཱུ་སུ)] ཝཱ ནི་སི་ནྣོ ཧོ་ཏི, སི་ངྒྷཱ་ཊ་ཀེ ཝཱ ནི་སི་ནྣོ ཧོ་ཏི; ཏ་ཏྲ ཙེ ཛ་ནོ ཏ་ཛྫཾ ཏ་སྶཱ་རུ་པྤཾ ཀ་ཐཾ མ་ནྟེ་ཏི. ས་ཙེ, བྷི་ཀྑ་ཝེ, བཱ་ལོ པཱ་ཎཱ་ཏི་པཱ་ཏཱི ཧོ་ཏི, ཨ་དི་ནྣཱ་དཱ་ཡཱི ཧོ་ཏི, ཀཱ་མེ་སུ་མི་ཙྪཱ་ཙཱ་རཱི ཧོ་ཏི, མུ་སཱ་ཝཱ་དཱི ཧོ་ཏི, སུ་རཱ་མེ་ར་ཡ་མ་ཛྫ་པ་མཱ་ད་ཊྛཱ་ཡཱི ཧོ་ཏི, ཏ་ཏྲ, བྷི་ཀྑ་ཝེ, བཱ་ལ་སྶ ཨེ་ཝཾ ཧོ་ཏི – ‘ཡཾ ཁོ ཛ་ནོ ཏ་ཛྫཾ ཏ་སྶཱ་རུ་པྤཾ ཀ་ཐཾ མ་ནྟེ་ཏི, སཾ་ཝི་ཛྫ་ནྟེ་ཝ ཏེ [སཾ་ཝི་ཛྫ་ནྟེ ཏེ ཙ (སཱི. སྱཱ. ཀཾ. པཱི.)] དྷ་མྨཱ མ་ཡི, ཨ་ཧ་ཉྩ ཏེ་སུ དྷ་མྨེ་སུ ས་ནྡི་སྶཱ་མཱི’ཏི. ཨི་དཾ, བྷི་ཀྑ་ཝེ, བཱ་ལོ པ་ཋ་མཾ དི་ཊྛེ་ཝ དྷ་མྨེ དུ་ཀྑཾ དོ་མ་ན་སྶཾ པ་ཊི་སཾ་ཝེ་དེ་ཏི.

༢༤༧. ‘‘པུ་ན ཙ་པ་རཾ, བྷི་ཀྑ་ཝེ, བཱ་ལོ པ་སྶ་ཏི རཱ་ཛཱ་ནོ ཙོ་རཾ ཨཱ་གུ་ཙཱ་རིཾ ག་ཧེ་ཏྭཱ ཝི་ཝི་དྷཱ ཀ་མྨ་ཀཱ་ར་ཎཱ ཀཱ་རེ་ནྟེ – ཀ་སཱ་ཧི་པི ཏཱ་ལེ༹་ནྟེ ཝེ་ཏྟེ་ཧི་པི ཏཱ་ལེ༹་ནྟེ ཨ་དྡྷ་ད་ཎྜ་ཀེ་ཧི་པི ཏཱ་ལེ༹་ནྟེ ཧ་ཏྠ་མྤི ཚི་ནྡ་ནྟེ པཱ་ད་མྤི ཚི་ནྡ་ནྟེ ཧ་ཏྠ་པཱ་ད་མྤི ཚི་ནྡ་ནྟེ ཀ་ཎྞ་མྤི ཚི་ནྡ་ནྟེ ནཱ་ས་མྤི ཚི་ནྡ་ནྟེ ཀ་ཎྞ་ནཱ་ས་མྤི ཚི་ནྡ་ནྟེ བི་ལ་ངྒ་ཐཱ་ལི་ཀ་མྤི ཀ་རོ་ནྟེ ས་ངྑ་མུ་ཎྜི་ཀ་མྤི ཀ་རོ་ནྟེ རཱ་ཧུ་མུ་ཁ་མྤི ཀ་རོ་ནྟེ ཛོ་ཏི་མཱ་ལི་ཀ་མྤི ཀ་རོ་ནྟེ ཧ་ཏྠ་པ་ཛྫོ་ཏི་ཀ་མྤི ཀ་རོ་ནྟེ ཨེ་ར་ཀ་ཝ་ཏྟི་ཀ་མྤི ཀ་རོ་ནྟེ ཙཱི་ར་ཀ་ཝཱ་སི་ཀ་མྤི ཀ་རོ་ནྟེ ཨེ་ཎེ་ཡྻ་ཀ་མྤི ཀ་རོ་ནྟེ བ་ལི༹་ས་མཾ་སི་ཀ་མྤི ཀ་རོ་ནྟེ ཀ་ཧཱ་པ་ཎི་ཀ་མྤི ཀ་རོ་ནྟེ ཁཱ་རཱ་པ་ཏ་ཙྪི་ཀ་མྤི [ཁཱ་རཱ་པ་ཊི་ཙྪ་ཀ་མྤི (ཀ.)] ཀ་རོ་ནྟེ པ་ལི་གྷ་པ་རི་ཝ་ཏྟི་ཀ་མྤི ཀ་རོ་ནྟེ པ་ལཱ་ལ་པཱི་ཋ་ཀ་མྤི [པ་ལཱ་ལ་པི་ཊྛ་ཀ་མྤི (པཱི.)] ཀ་རོ་ནྟེ ཏ་ཏྟེ་ན་པི ཏེ་ལེ་ན ཨོ་སི་ཉྩ་ནྟེ སུ་ན་ཁེ་ཧི་པི ཁཱ་དཱ་པེ་ནྟེ ཛཱི་ཝ་ནྟ་མྤི སཱུ་ལེ ཨུ་ཏྟཱ་སེ་ནྟེ ཨ་སི་ནཱ་པི སཱི་སཾ ཚི་ནྡ་ནྟེ. ཏ་ཏྲ, བྷི་ཀྑ་ཝེ, བཱ་ལ་སྶ ཨེ་ཝཾ ཧོ་ཏི – ‘ཡ་ཐཱ་རཱུ་པཱ་ནཾ ཁོ པཱ་པ་ཀཱ་ནཾ ཀ་མྨཱ་ནཾ ཧེ་ཏུ རཱ་ཛཱ་ནོ ཙོ་རཾ ཨཱ་གུ་ཙཱ་རིཾ ག་ཧེ་ཏྭཱ ཝི་ཝི་དྷཱ ཀ་མྨ་ཀཱ་ར་ཎཱ ཀཱ་རེ་ནྟི – ཀ་སཱ་ཧི་པི ཏཱ་ལེ༹་ནྟི…པེ… ཨ་སི་ནཱ་པི སཱི་སཾ ཚི་ནྡ་ནྟི; སཾ་ཝི་ཛྫ་ནྟེ་ཝ ཏེ དྷ་མྨཱ མ་ཡི, ཨ་ཧ་ཉྩ ཏེ་སུ དྷ་མྨེ་སུ ས་ནྡི་སྶཱ་མི. མཾ ཙེ་པི རཱ་ཛཱ་ནོ [ས་ཙེ མ་མྤི (ཀ.)] ཛཱ་ནེ་ཡྻུཾ, མ་མྤི རཱ་ཛཱ་ནོ ག་ཧེ་ཏྭཱ ཝི་ཝི་དྷཱ ཀ་མྨ་ཀཱ་ར་ཎཱ ཀཱ་རེ་ཡྻུཾ – ཀ་སཱ་ཧི་པི ཏཱ་ལེ༹་ཡྻུཾ…པེ… ཛཱི་ཝ་ནྟ་མྤི སཱུ་ལེ ཨུ་ཏྟཱ་སེ་ཡྻུཾ, ཨ་སི་ནཱ་པི སཱི་སཾ ཚི་ནྡེ་ཡྻུ’ནྟི. ཨི་ད་མྤི, བྷི་ཀྑ་ཝེ, བཱ་ལོ དུ་ཏི་ཡཾ དི་ཊྛེ་ཝ དྷ་མྨེ དུ་ཀྑཾ དོ་མ་ན་སྶཾ པ་ཊི་སཾ་ཝེ་དེ་ཏི.

༢༤༨. ‘‘པུ་ན ཙ་པ་རཾ, བྷི་ཀྑ་ཝེ, བཱ་ལཾ པཱི་ཋ་ས་མཱ་རཱུ་ལ༹ྷཾ ཝཱ མ་ཉྩ་ས་མཱ་རཱུ་ལ༹ྷཾ ཝཱ ཚ་མཱ་ཡཾ [ཚ་མཱ་ཡ (སཱི. པཱི.)] ཝཱ སེ་མཱ་ནཾ, ཡཱ་ནི་སྶ པུ་བྦེ པཱ་པ་ཀཱ་ནི ཀ་མྨཱ་ནི ཀ་ཏཱ་ནི ཀཱ་ཡེ་ན དུ་ཙྩ་རི་ཏཱ་ནི ཝཱ་ཙཱ་ཡ དུ་ཙྩ་རི་ཏཱ་ནི མ་ན་སཱ དུ་ཙྩ་རི་ཏཱ་ནི ཏཱ་ནི་སྶ ཏ་མྷི ས་མ་ཡེ ཨོ་ལ་མྦ་ནྟི ཨ་ཛ྄ཛྷོ་ལ་མྦ་ནྟི ཨ་བྷི་པྤ་ལ་མྦ་ནྟི. སེ་ཡྻ་ཐཱ་པི, བྷི་ཀྑ་ཝེ, མ་ཧ་ཏཾ པ་བྦ་ཏ་ཀཱུ་ཊཱ་ནཾ ཚཱ་ཡཱ སཱ་ཡ་ནྷ་ས་མ་ཡཾ པ་ཐ་ཝི་ཡཱ ཨོ་ལ་མྦ་ནྟི ཨ་ཛ྄ཛྷོ་ལ་མྦ་ནྟི ཨ་བྷི་པྤ་ལ་མྦ་ནྟི; ཨེ་ཝ་མེ་ཝ ཁོ, བྷི་ཀྑ་ཝེ, བཱ་ལཾ པཱི་ཋ་ས་མཱ་རཱུ་ལ༹ྷཾ ཝཱ མ་ཉྩ་ས་མཱ་རཱུ་ལ༹ྷཾ ཝཱ ཚ་མཱ་ཡཾ ཝཱ སེ་མཱ་ནཾ, ཡཱ་ནི་སྶ པུ་བྦེ པཱ་པ་ཀཱ་ནི ཀ་མྨཱ་ནི ཀ་ཏཱ་ནི ཀཱ་ཡེ་ན དུ་ཙྩ་རི་ཏཱ་ནི ཝཱ་ཙཱ་ཡ དུ་ཙྩ་རི་ཏཱ་ནི མ་ན་སཱ དུ་ཙྩ་རི་ཏཱ་ནི ཏཱ་ནི་སྶ ཏ་མྷི ས་མ་ཡེ ཨོ་ལ་མྦ་ནྟི ཨ་ཛ྄ཛྷོ་ལ་མྦ་ནྟི ཨ་བྷི་པྤ་ལ་མྦ་ནྟི. ཏ་ཏྲ, བྷི་ཀྑ་ཝེ, བཱ་ལ་སྶ ཨེ་ཝཾ ཧོ་ཏི – ‘ཨ་ཀ་ཏཾ ཝ་ཏ མེ ཀ་ལྱཱ་ཎཾ, ཨ་ཀ་ཏཾ ཀུ་ས་ལཾ, ཨ་ཀ་ཏཾ བྷཱི་རུ་ཏྟཱ་ཎཾ; ཀ་ཏཾ པཱ་པཾ, ཀ་ཏཾ ལུ་དྡཾ, ཀ་ཏཾ ཀི་བྦི་སཾ. ཡཱ་ཝ་ཏཱ, བྷོ, ཨ་ཀ་ཏ་ཀ་ལྱཱ་ཎཱ་ནཾ ཨ་ཀ་ཏ་ཀུ་ས་ལཱ་ནཾ ཨ་ཀ་ཏ་བྷཱི་རུ་ཏྟཱ་ཎཱ་ནཾ ཀ་ཏ་པཱ་པཱ་ནཾ ཀ་ཏ་ལུ་དྡཱ་ནཾ ཀ་ཏ་ཀི་བྦི་སཱ་ནཾ ག་ཏི ཏཾ ག་ཏིཾ པེ་ཙྩ ག་ཙྪཱ་མཱི’ཏི. སོ སོ་ཙ་ཏི ཀི་ལ་མ་ཏི པ་རི་དེ་ཝ་ཏི ཨུ་ར་ཏྟཱ་ལི༹ཾ ཀ་ནྡ་ཏི ས་མྨོ་ཧཾ ཨཱ་པ་ཛྫ་ཏི. ཨི་ད་མྤི, བྷི་ཀྑ་ཝེ, བཱ་ལོ ཏ་ཏི་ཡཾ དི་ཊྛེ་ཝ དྷ་མྨེ དུ་ཀྑཾ དོ་མ་ན་སྶཾ པ་ཊི་སཾ་ཝེ་དེ་ཏི.

‘‘ས ཁོ སོ, བྷི་ཀྑ་ཝེ, བཱ་ལོ ཀཱ་ཡེ་ན དུ་ཙྩ་རི་ཏཾ ཙ་རི་ཏྭཱ ཝཱ་ཙཱ་ཡ དུ་ཙྩ་རི་ཏཾ ཙ་རི་ཏྭཱ མ་ན་སཱ དུ་ཙྩ་རི་ཏཾ ཙ་རི་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ཏི. ཡཾ ཁོ ཏཾ, བྷི་ཀྑ་ཝེ, ས་མྨཱ ཝ་ད་མཱ་ནོ ཝ་དེ་ཡྻ – ‘ཨེ་ཀ་ནྟཾ ཨ་ནི་ཊྛཾ ཨེ་ཀ་ནྟཾ ཨ་ཀ་ནྟཾ ཨེ་ཀ་ནྟཾ ཨ་མ་ནཱ་པ’ནྟི, ནི་ར་ཡ་མེ་ཝ ཏཾ ས་མྨཱ ཝ་ད་མཱ་ནོ ཝ་དེ་ཡྻ – ‘ཨེ་ཀ་ནྟཾ ཨ་ནི་ཊྛཾ ཨེ་ཀ་ནྟཾ ཨ་ཀ་ནྟཾ ཨེ་ཀ་ནྟཾ ཨ་མ་ནཱ་པ’ནྟི. ཡཱ་ཝ་ཉྩི་དཾ, བྷི་ཀྑ་ཝེ, ཨུ་པ་མཱ་པི [ཨུ་པ་མཱ་ཧི་པི (སཱི.)] ན སུ་ཀ་རཱ ཡཱ་ཝ དུ་ཀྑཱ ནི་ར་ཡཱ’’ཏི.

༢༤༩. ཨེ་ཝཾ ཝུ་ཏྟེ, ཨ་ཉྙ་ཏ་རོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ས་ཀྐཱ པ་ན, བྷ་ནྟེ, ཨུ་པ་མཾ ཀཱ་ཏུ’’ནྟི? ‘‘ས་ཀྐཱ བྷི་ཀྑཱུ’’ཏི བྷ་ག་ཝཱ ཨ་ཝོ་ཙ. སེ་ཡྻ་ཐཱ་པི, བྷི་ཀྑུ, ཙོ་རཾ ཨཱ་གུ་ཙཱ་རིཾ ག་ཧེ་ཏྭཱ ར་ཉྙོ ད་སྶེ་ཡྻུཾ – ‘ཨ་ཡཾ ཁོ, དེ་ཝ, ཙོ་རོ ཨཱ་གུ་ཙཱ་རཱི, ཨི་མ་སྶ ཡཾ ཨི་ཙྪ་སི ཏཾ ད་ཎྜཾ པ་ཎེ་ཧཱི’ཏི. ཏ་མེ་ནཾ རཱ་ཛཱ ཨེ་ཝཾ ཝ་དེ་ཡྻ – ‘ག་ཙྪ་ཐ, བྷོ, ཨི་མཾ པུ་རི་སཾ པུ་བྦ་ཎྷ་ས་མ་ཡཾ ས་ཏྟི་ས་ཏེ་ན ཧ་ན་ཐཱ’ཏི. ཏ་མེ་ནཾ པུ་བྦ་ཎྷ་ས་མ་ཡཾ ས་ཏྟི་ས་ཏེ་ན ཧ་ནེ་ཡྻུཾ. ཨ་ཐ རཱ་ཛཱ མ་ཛ྄ཛྷ་ནྷི་ཀ་ས་མ་ཡཾ [མ་ཛ྄ཛྷ་ནྟི་ཀ་ས་མ་ཡཾ (སཱི. སྱཱ. ཀཾ. ཀ.), མ་ཛ྄ཛྷ་ནྟི་ཀཾ ས་མ་ཡཾ (པཱི.)] ཨེ་ཝཾ ཝ་དེ་ཡྻ – ‘ཨ་མྦྷོ, ཀ་ཐཾ སོ པུ་རི་སོ’ཏི? ‘‘‘ཏ་ཐེ་ཝ, དེ་ཝ, ཛཱི་ཝ་ཏཱི’ཏི. ཏ་མེ་ནཾ རཱ་ཛཱ ཨེ་ཝཾ ཝ་དེ་ཡྻ – ‘ག་ཙྪ་ཐ, བྷོ, ཏཾ པུ་རི་སཾ མ་ཛ྄ཛྷ་ནྷི་ཀ་ས་མ་ཡཾ ས་ཏྟི་ས་ཏེ་ན ཧ་ན་ཐཱ’ཏི. ཏ་མེ་ནཾ མ་ཛ྄ཛྷ་ནྷི་ཀ་ས་མ་ཡཾ ས་ཏྟི་ས་ཏེ་ན ཧ་ནེ་ཡྻུཾ. ཨ་ཐ རཱ་ཛཱ སཱ་ཡ་ནྷ་ས་མ་ཡཾ ཨེ་ཝཾ ཝ་དེ་ཡྻ – ‘ཨ་མྦྷོ, ཀ་ཐཾ སོ པུ་རི་སོ’ཏི? ‘ཏ་ཐེ་ཝ, དེ་ཝ, ཛཱི་ཝ་ཏཱི’ཏི. ཏ་མེ་ནཾ རཱ་ཛཱ ཨེ་ཝཾ ཝ་དེ་ཡྻ – ‘ག་ཙྪ་ཐ, བྷོ, ཏཾ པུ་རི་སཾ སཱ་ཡ་ནྷ་ས་མ་ཡཾ ས་ཏྟི་ས་ཏེ་ན ཧ་ན་ཐཱ’ཏི. ཏ་མེ་ནཾ སཱ་ཡ་ནྷ་ས་མ་ཡཾ ས་ཏྟི་ས་ཏེ་ན ཧ་ནེ་ཡྻུཾ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཨ་པི ནུ སོ པུ་རི་སོ ཏཱི་ཧི ས་ཏྟི་ས་ཏེ་ཧི ཧ་ཉྙ་མཱ་ནོ ཏ་ཏོ་ནི་དཱ་ནཾ དུ་ཀྑཾ དོ་མ་ན་སྶཾ པ་ཊི་སཾ་ཝེ་དི་ཡེ་ཐཱ’’ཏི? ‘‘ཨེ་ཀི་སྶཱ་པི, བྷ་ནྟེ, ས་ཏྟི་ཡཱ ཧ་ཉྙ་མཱ་ནོ སོ པུ་རི་སོ ཏ་ཏོ་ནི་དཱ་ནཾ དུ་ཀྑཾ དོ་མ་ན་སྶཾ པ་ཊི་སཾ་ཝེ་དི་ཡེ་ཐ, ཀོ པ་ན ཝཱ་དོ ཏཱི་ཧི ས་ཏྟི་ས་ཏེ་ཧཱི’’ཏི?

༢༥༠. ཨ་ཐ ཁོ བྷ་ག་ཝཱ པ་རི་ཏྟཾ པཱ་ཎི་མ་ཏྟཾ པཱ་སཱ་ཎཾ ག་ཧེ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མོ ནུ ཁོ མ་ཧ་ནྟ་ཏ་རོ – ཡོ ཙཱ་ཡཾ མ་ཡཱ པ་རི་ཏྟོ པཱ་ཎི་མ་ཏྟོ པཱ་སཱ་ཎོ ག་ཧི་ཏོ, ཡོ ཙ ཧི་མ་ཝཱ པ་བྦ་ཏ་རཱ་ཛཱ’’ཏི? ‘‘ཨ་པྤ་མ་ཏྟ་ཀོ ཨ་ཡཾ, བྷ་ནྟེ, བྷ་ག་ཝ་ཏཱ པ་རི་ཏྟོ པཱ་ཎི་མ་ཏྟོ པཱ་སཱ་ཎོ ག་ཧི་ཏོ, ཧི་མ་ཝ་ནྟཾ པ་བྦ་ཏ་རཱ་ཛཱ་ནཾ ཨུ་པ་ནི་དྷཱ་ཡ ས་ངྑ་མྤི ན ཨུ་པེ་ཏི, ཀ་ལ་བྷཱ་ག་མྤི ན ཨུ་པེ་ཏི, ཨུ་པ་ནི་དྷ་མྤི [ཨུ་པ་ནི་དྷི་མྤི (སཱི. པཱི.)] ན ཨུ་པེ་ཏི’’. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཡཾ སོ པུ་རི་སོ ཏཱི་ཧི ས་ཏྟི་ས་ཏེ་ཧི ཧ་ཉྙ་མཱ་ནོ ཏ་ཏོ་ནི་དཱ་ནཾ དུ་ཀྑཾ དོ་མ་ན་སྶཾ པ་ཊི་སཾ་ཝེ་དེ་ཏི ཏཾ ནི་ར་ཡ་ཀ་སྶ དུ་ཀྑ་སྶ ཨུ་པ་ནི་དྷཱ་ཡ ས་ངྑ་མྤི ན ཨུ་པེ་ཏི, ཀ་ལ་བྷཱ་ག་མྤི ན ཨུ་པེ་ཏི, ཨུ་པ་ནི་དྷ་མྤི ན ཨུ་པེ་ཏི’’.

‘‘ཏ་མེ་ནཾ, བྷི་ཀྑ་ཝེ, ནི་ར་ཡ་པཱ་ལཱ པ་ཉྩ་ཝི་དྷ་བ་ནྡྷ་ནཾ ནཱ་མ ཀ་མྨ་ཀཱ་ར་ཎཾ ཀ་རོ་ནྟི – ཏ་ཏྟཾ ཨ་ཡོ་ཁི་ལཾ [ཨ་ཡོ་ཁཱི་ལཾ (སཱི. སྱཱ. ཀཾ. པཱི.)] ཧ་ཏྠེ ག་མེ་ནྟི, ཏ་ཏྟཾ ཨ་ཡོ་ཁི་ལཾ དུ་ཏི་ཡེ ཧ་ཏྠེ ག་མེ་ནྟི, ཏ་ཏྟཾ ཨ་ཡོ་ཁི་ལཾ པཱ་དེ ག་མེ་ནྟི, ཏ་ཏྟཾ ཨ་ཡོ་ཁི་ལཾ དུ་ཏི་ཡེ པཱ་དེ ག་མེ་ནྟི, ཏ་ཏྟཾ ཨ་ཡོ་ཁི་ལཾ མ་ཛ྄ཛྷེ ཨུ་ར་སྨིཾ ག་མེ་ནྟི. སོ ཏ་ཏྠ དུ་ཀྑཱ ཏི་བྦཱ ཁ་རཱ ཀ་ཊུ་ཀཱ ཝེ་ད་ནཱ ཝེ་དེ་ཏི, ན ཙ ཏཱ་ཝ ཀཱ་ལཾ ཀ་རོ་ཏི ཡཱ་ཝ ན ཏཾ པཱ་པ་ཀ་མྨཾ བྱ་ནྟཱི་ཧོ་ཏི [བྱ་ནྟི་ཧོ་ཏི (པཱི. ཀ.)]. ཏ་མེ་ནཾ, བྷི་ཀྑ་ཝེ, ནི་ར་ཡ་པཱ་ལཱ སཾ་ཝེ་སེ་ཏྭཱ ཀུ་ཋཱ་རཱི་ཧི [ཀུ་དྷཱ་རཱི་ཧི (ཀ.)] ཏ་ཙྪ་ནྟི. སོ ཏ་ཏྠ དུ་ཀྑཱ ཏི་བྦཱ…པེ… བྱ་ནྟཱི་ཧོ་ཏི. ཏ་མེ་ནཾ, བྷི་ཀྑ་ཝེ, ནི་ར་ཡ་པཱ་ལཱ ཨུ་དྡྷཾ་པཱ་དཾ ཨ་དྷོ་སི་རཾ ག་ཧེ་ཏྭཱ ཝཱ་སཱི་ཧི ཏ་ཙྪ་ནྟི. སོ ཏ་ཏྠ དུ་ཀྑཱ ཏི་བྦཱ…པེ… བྱ་ནྟཱི་ཧོ་ཏི. ཏ་མེ་ནཾ, བྷི་ཀྑ་ཝེ, ནི་ར་ཡ་པཱ་ལཱ ར་ཐེ ཡོ་ཛེ་ཏྭཱ ཨཱ་དི་ཏྟཱ་ཡ པ་ཐ་ཝི་ཡཱ ས་མྤ་ཛྫ་ལི་ཏཱ་ཡ ས་ཛོ་ཏི་བྷཱུ་ཏཱ་ཡ [ས་ཉྫོ་ཏི་བྷཱུ་ཏཱ་ཡ (སྱཱ. ཀཾ. པཱི.)] སཱ་རེ་ནྟི་པི པ་ཙྩཱ་སཱ་རེ་ནྟི་པི. སོ ཏ་ཏྠ དུ་ཀྑཱ ཏི་བྦཱ…པེ… བྱ་ནྟཱི་ཧོ་ཏི. ཏ་མེ་ནཾ, བྷི་ཀྑ་ཝེ, ནི་ར་ཡ་པཱ་ལཱ མ་ཧ་ནྟཾ ཨ་ངྒཱ་ར་པ་བྦ་ཏཾ ཨཱ་དི་ཏྟཾ ས་མྤ་ཛྫ་ལི་ཏཾ ས་ཛོ་ཏི་བྷཱུ་ཏཾ ཨཱ་རོ་པེ་ནྟི་པི ཨོ་རོ་པེ་ནྟི་པི. སོ ཏ་ཏྠ དུ་ཀྑཱ ཏི་བྦཱ ཁ་རཱ ཀ་ཊུ་ཀཱ ཝེ་ད་ནཱ ཝེ་དེ་ཏི, ན ཙ ཏཱ་ཝ ཀཱ་ལཾ ཀ་རོ་ཏི ཡཱ་ཝ ན ཏཾ པཱ་པ་ཀ་མྨཾ བྱ་ནྟཱི་ཧོ་ཏི. ཏ་མེ་ནཾ, བྷི་ཀྑ་ཝེ, ནི་ར་ཡ་པཱ་ལཱ ཨུ་དྡྷཾ་པཱ་དཾ ཨ་དྷོ་སི་རཾ ག་ཧེ་ཏྭཱ ཏ་ཏྟཱ་ཡ ལོ་ཧ་ཀུ་མྦྷི་ཡཱ པ་ཀྑི་པ་ནྟི ཨཱ་དི་ཏྟཱ་ཡ ས་མྤ་ཛྫ་ལི་ཏཱ་ཡ ས་ཛོ་ཏི་བྷཱུ་ཏཱ་ཡ. སོ ཏ་ཏྠ ཕེ་ཎུ་དྡེ་ཧ་ཀཾ པ་ཙྩ་ཏི. སོ ཏ་ཏྠ ཕེ་ཎུ་དྡེ་ཧ་ཀཾ པ་ཙྩ་མཱ་ནོ ས་ཀི་མྤི ཨུ་དྡྷཾ ག་ཙྪ་ཏི, ས་ཀི་མྤི ཨ་དྷོ ག་ཙྪ་ཏི, ས་ཀི་མྤི ཏི་རི་ཡཾ ག་ཙྪ་ཏི. སོ ཏ་ཏྠ དུ་ཀྑཱ ཏི་བྦཱ ཁ་རཱ ཀ་ཊུ་ཀཱ ཝེ་ད་ནཱ ཝེ་དེ་ཏི, ན ཙ ཏཱ་ཝ ཀཱ་ལ་ངྐ་རོ་ཏི ཡཱ་ཝ ན ཏཾ པཱ་པ་ཀ་མྨཾ བྱ་ནྟཱི་ཧོ་ཏི. ཏ་མེ་ནཾ, བྷི་ཀྑ་ཝེ, ནི་ར་ཡ་པཱ་ལཱ [ནི་ར་ཡ་པཱ་ལཱ པུ་ན་པྤུ་ནཾ (ཀ.)] མ་ཧཱ་ནི་ར་ཡེ པ་ཀྑི་པ་ནྟི. སོ ཁོ པ་ན, བྷི་ཀྑ་ཝེ, མ་ཧཱ་ནི་ར་ཡོ –

‘‘ཙ་ཏུ་ཀྐ་ཎྞོ ཙ་ཏུ་དྭཱ་རོ, ཝི་བྷ་ཏྟོ བྷཱ་ག་སོ མི་ཏོ;

ཨ་ཡོ་པཱ་ཀཱ་ར་པ་རི་ཡ་ནྟོ, ཨ་ཡ་སཱ པ་ཊི་ཀུ་ཛྫི་ཏོ.

‘‘ཏ་སྶ ཨ་ཡོ་མ་ཡཱ བྷཱུ་མི, ཛ་ལི་ཏཱ ཏེ་ཛ་སཱ ཡུ་ཏཱ;

ས་མ་ནྟཱ ཡོ་ཛ་ན་ས་ཏཾ, ཕ་རི་ཏྭཱ ཏི་ཊྛ་ཏི ས་བྦ་དཱ’’.

‘‘ཨ་ནེ་ཀ་པ་རི་ཡཱ་ཡེ་ན་པི ཁོ ཨ་ཧཾ, བྷི་ཀྑ་ཝེ, ནི་ར་ཡ་ཀ་ཐཾ ཀ་ཐེ་ཡྻཾ; ཡཱ་ཝ་ཉྩི་དཾ, བྷི་ཀྑ་ཝེ, ན སུ་ཀ་རཱ ཨ་ཀྑཱ་ནེ་ན པཱ་པུ་ཎི་ཏུཾ ཡཱ་ཝ དུ་ཀྑཱ ནི་ར་ཡཱ.

༢༥༡. ‘‘ས་ནྟི, བྷི་ཀྑ་ཝེ, ཏི་ར་ཙྪཱ་ན་ག་ཏཱ པཱ་ཎཱ ཏི་ཎ་བྷ་ཀྑཱ. ཏེ ཨ་ལླཱ་ནི་པི ཏི་ཎཱ་ནི སུ་ཀྑཱ་ནི་པི ཏི་ཎཱ་ནི ད་ནྟུ་ལླེ་ཧ་ཀཾ ཁཱ་ད་ནྟི. ཀ་ཏ་མེ ཙ, བྷི་ཀྑ་ཝེ, ཏི་ར་ཙྪཱ་ན་ག་ཏཱ པཱ་ཎཱ ཏི་ཎ་བྷ་ཀྑཱ? ཧ་ཏྠཱི ཨ་སྶཱ གོ་ཎཱ ག་དྲ་བྷཱ ཨ་ཛཱ མི་གཱ, ཡེ ཝཱ པ་ན་ཉྙེ་པི ཀེ་ཙི ཏི་ར་ཙྪཱ་ན་ག་ཏཱ པཱ་ཎཱ ཏི་ཎ་བྷ་ཀྑཱ. ས ཁོ སོ, བྷི་ཀྑ་ཝེ, བཱ་ལོ ཨི་དྷ པུ་བྦེ ར་སཱ་དོ ཨི་དྷ པཱ་པཱ་ནི ཀ་མྨཱ་ནི ཀ་རི་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཏེ་སཾ ས་ཏྟཱ་ནཾ ས་ཧ་བྱ་ཏཾ ཨུ་པ་པ་ཛྫ་ཏི ཡེ ཏེ ས་ཏྟཱ ཏི་ཎ་བྷ་ཀྑཱ.

‘‘ས་ནྟི, བྷི་ཀྑ་ཝེ, ཏི་ར་ཙྪཱ་ན་ག་ཏཱ པཱ་ཎཱ གཱུ་ཐ་བྷ་ཀྑཱ. ཏེ དཱུ་ར་ཏོ་ཝ གཱུ་ཐ་ག་ནྡྷཾ གྷཱ་ཡི་ཏྭཱ དྷཱ་ཝ་ནྟི – ‘ཨེ་ཏྠ བྷུ་ཉྫི་སྶཱ་མ, ཨེ་ཏྠ བྷུ་ཉྫི་སྶཱ་མཱ’ཏི. སེ་ཡྻ་ཐཱ་པི ནཱ་མ བྲཱ་ཧྨ་ཎཱ ཨཱ་ཧུ་ཏི་ག་ནྡྷེ་ན དྷཱ་ཝ་ནྟི – ‘ཨེ་ཏྠ བྷུ་ཉྫི་སྶཱ་མ, ཨེ་ཏྠ བྷུ་ཉྫི་སྶཱ་མཱ’ཏི; ཨེ་ཝ་མེ་ཝ ཁོ, བྷི་ཀྑ་ཝེ, ས་ནྟི ཏི་ར་ཙྪཱ་ན་ག་ཏཱ པཱ་ཎཱ གཱུ་ཐ་བྷ་ཀྑཱ, ཏེ དཱུ་ར་ཏོ་ཝ གཱུ་ཐ་ག་ནྡྷཾ གྷཱ་ཡི་ཏྭཱ དྷཱ་ཝ་ནྟི – ‘ཨེ་ཏྠ བྷུ་ཉྫི་སྶཱ་མ, ཨེ་ཏྠ བྷུ་ཉྫི་སྶཱ་མཱ’ཏི. ཀ་ཏ་མེ ཙ, བྷི་ཀྑ་ཝེ, ཏི་ར་ཙྪཱ་ན་ག་ཏཱ པཱ་ཎཱ གཱུ་ཐ་བྷ་ཀྑཱ? ཀུ་ཀྐུ་ཊཱ སཱུ་ཀ་རཱ སོ་ཎཱ སི་ངྒཱ་ལཱ, ཡེ ཝཱ པ་ན་ཉྙེ་པི ཀེ་ཙི ཏི་ར་ཙྪཱ་ན་ག་ཏཱ པཱ་ཎཱ གཱུ་ཐ་བྷ་ཀྑཱ. ས ཁོ སོ, བྷི་ཀྑ་ཝེ, བཱ་ལོ ཨི་དྷ པུ་བྦེ ར་སཱ་དོ ཨི་དྷ པཱ་པཱ་ནི ཀ་མྨཱ་ནི ཀ་རི་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཏེ་སཾ ས་ཏྟཱ་ནཾ ས་ཧ་བྱ་ཏཾ ཨུ་པ་པ་ཛྫ་ཏི ཡེ ཏེ ས་ཏྟཱ གཱུ་ཐ་བྷ་ཀྑཱ.

‘‘ས་ནྟི, བྷི་ཀྑ་ཝེ, ཏི་ར་ཙྪཱ་ན་ག་ཏཱ པཱ་ཎཱ ཨ་ནྡྷ་ཀཱ་རེ ཛཱ་ཡ་ནྟི ཨ་ནྡྷ་ཀཱ་རེ ཛཱི་ཡ་ནྟི [ཛི་ཡྻ་ནྟི (ཀ.)] ཨ་ནྡྷ་ཀཱ་རེ མཱི་ཡ་ནྟི [མི་ཡྻ་ནྟི (ཀ.)]. ཀ་ཏ་མེ ཙ, བྷི་ཀྑ་ཝེ, ཏི་ར་ཙྪཱ་ན་ག་ཏཱ པཱ་ཎཱ ཨ་ནྡྷ་ཀཱ་རེ ཛཱ་ཡ་ནྟི ཨ་ནྡྷ་ཀཱ་རེ ཛཱི་ཡ་ནྟི ཨ་ནྡྷ་ཀཱ་རེ མཱི་ཡ་ནྟི? ཀཱི་ཊཱ པུ་ལ༹་ཝཱ [པ་ཊ་ངྒཱ (སྱཱ. ཀཾ. ཀ.)] ག་ཎྜུ་པྤཱ་དཱ, ཡེ ཝཱ པ་ན་ཉྙེ་པི ཀེ་ཙི ཏི་ར་ཙྪཱ་ན་ག་ཏཱ པཱ་ཎཱ ཨ་ནྡྷ་ཀཱ་རེ ཛཱ་ཡ་ནྟི ཨ་ནྡྷ་ཀཱ་རེ ཛཱི་ཡ་ནྟི ཨ་ནྡྷ་ཀཱ་རེ མཱི་ཡ་ནྟི. ས ཁོ སོ, བྷི་ཀྑ་ཝེ, བཱ་ལོ ཨི་དྷ པུ་བྦེ ར་སཱ་དོ, ཨི་དྷ པཱ་པཱ་ནི ཀ་མྨཱ་ནི ཀ་རི་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཏེ་སཾ ས་ཏྟཱ་ནཾ ས་ཧ་བྱ་ཏཾ ཨུ་པ་པ་ཛྫ་ཏི ཡེ ཏེ ས་ཏྟཱ ཨ་ནྡྷ་ཀཱ་རེ ཛཱ་ཡ་ནྟི ཨ་ནྡྷ་ཀཱ་རེ ཛཱི་ཡ་ནྟི ཨ་ནྡྷ་ཀཱ་རེ མཱི་ཡ་ནྟི.

‘‘ས་ནྟི, བྷི་ཀྑ་ཝེ, ཏི་ར་ཙྪཱ་ན་ག་ཏཱ པཱ་ཎཱ ཨུ་ད་ཀ་སྨིཾ ཛཱ་ཡ་ནྟི ཨུ་ད་ཀ་སྨིཾ ཛཱི་ཡ་ནྟི ཨུ་ད་ཀ་སྨིཾ མཱི་ཡ་ནྟི. ཀ་ཏ་མེ ཙ, བྷི་ཀྑ་ཝེ, ཏི་ར་ཙྪཱ་ན་ག་ཏཱ པཱ་ཎཱ ཨུ་ད་ཀ་སྨིཾ ཛཱ་ཡ་ནྟི ཨུ་ད་ཀ་སྨིཾ ཛཱི་ཡ་ནྟི ཨུ་ད་ཀ་སྨིཾ མཱི་ཡ་ནྟི? མ་ཙྪཱ ཀ་ཙྪ་པཱ སུ་སུ་མཱ་རཱ, ཡེ ཝཱ པ་ན་ཉྙེ་པི ཀེ་ཙི ཏི་ར་ཙྪཱ་ན་ག་ཏཱ པཱ་ཎཱ ཨུ་ད་ཀ་སྨིཾ ཛཱ་ཡ་ནྟི ཨུ་ད་ཀ་སྨིཾ ཛཱི་ཡ་ནྟི ཨུ་ད་ཀ་སྨིཾ མཱི་ཡ་ནྟི. ས ཁོ སོ, བྷི་ཀྑ་ཝེ, བཱ་ལོ ཨི་དྷ པུ་བྦེ ར་སཱ་དོ ཨི་དྷ པཱ་པཱ་ནི ཀ་མྨཱ་ནི ཀ་རི་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཏེ་སཾ ས་ཏྟཱ་ནཾ ས་ཧ་བྱ་ཏཾ ཨུ་པ་པ་ཛྫ་ཏི ཡེ ཏེ ས་ཏྟཱ ཨུ་ད་ཀ་སྨིཾ ཛཱ་ཡ་ནྟི ཨུ་ད་ཀ་སྨིཾ ཛཱི་ཡ་ནྟི ཨུ་ད་ཀ་སྨིཾ མཱི་ཡ་ནྟི.

‘‘ས་ནྟི, བྷི་ཀྑ་ཝེ, ཏི་ར་ཙྪཱ་ན་ག་ཏཱ པཱ་ཎཱ ཨ་སུ་ཙི་སྨིཾ ཛཱ་ཡ་ནྟི ཨ་སུ་ཙི་སྨིཾ ཛཱི་ཡ་ནྟི ཨ་སུ་ཙི་སྨིཾ མཱི་ཡ་ནྟི. ཀ་ཏ་མེ ཙ, བྷི་ཀྑ་ཝེ, ཏི་ར་ཙྪཱ་ན་ག་ཏཱ པཱ་ཎཱ ཨ་སུ་ཙི་སྨིཾ ཛཱ་ཡ་ནྟི ཨ་སུ་ཙི་སྨིཾ ཛཱི་ཡ་ནྟི ཨ་སུ་ཙི་སྨིཾ མཱི་ཡ་ནྟི? ཡེ ཏེ, བྷི་ཀྑ་ཝེ, ས་ཏྟཱ པཱུ་ཏི་མ་ཙྪེ ཝཱ ཛཱ་ཡ་ནྟི པཱུ་ཏི་མ་ཙྪེ ཝཱ ཛཱི་ཡ་ནྟི པཱུ་ཏི་མ་ཙྪེ ཝཱ མཱི་ཡ་ནྟི པཱུ་ཏི་ཀུ་ཎ་པེ ཝཱ…པེ… པཱུ་ཏི་ཀུ་མྨཱ་སེ ཝཱ… ཙ་ནྡ་ནི་ཀཱ་ཡ ཝཱ… ཨོ་ལི་ག་ལླེ ཝཱ ཛཱ་ཡ་ནྟི, (ཡེ ཝཱ པ་ན་ཉྙེ་པི ཀེ་ཙི ཏི་ར་ཙྪཱ་ན་ག་ཏཱ པཱ་ཎཱ ཨ་སུ་ཙི་སྨིཾ ཛཱ་ཡ་ནྟི ཨ་སུ་ཙི་སྨིཾ ཛཱི་ཡ་ནྟི ཨ་སུ་ཙི་སྨིཾ མཱི་ཡ་ནྟི.) [( ) ན་ཏྠི སཱི. སྱཱ. ཀཾ. པཱི. པོ་ཏྠ་ཀེ་སུ] ས ཁོ སོ, བྷི་ཀྑ་ཝེ, བཱ་ལོ ཨི་དྷ པུ་བྦེ ར་སཱ་དོ ཨི་དྷ པཱ་པཱ་ནི ཀ་མྨཱ་ནི ཀ་རི་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཏེ་སཾ ས་ཏྟཱ་ནཾ ས་ཧ་བྱ་ཏཾ ཨུ་པ་པ་ཛྫ་ཏི ཡེ ཏེ ས་ཏྟཱ ཨ་སུ་ཙི་སྨིཾ ཛཱ་ཡ་ནྟི ཨ་སུ་ཙི་སྨིཾ ཛཱི་ཡ་ནྟི ཨ་སུ་ཙི་སྨིཾ མཱི་ཡ་ནྟི.

‘‘ཨ་ནེ་ཀ་པ་རི་ཡཱ་ཡེ་ན་པི ཁོ ཨ་ཧཾ, བྷི་ཀྑ་ཝེ, ཏི་ར་ཙྪཱ་ན་ཡོ་ནི་ཀ་ཐཾ ཀ་ཐེ་ཡྻཾ; ཡཱ་ཝ་ཉྩི་དཾ, བྷི་ཀྑ་ཝེ, ན སུ་ཀ་རཾ ཨ་ཀྑཱ་ནེ་ན པཱ་པུ་ཎི་ཏུཾ ཡཱ་ཝ དུ་ཀྑཱ ཏི་ར་ཙྪཱ་ན་ཡོ་ནི.

༢༥༢. ‘‘སེ་ཡྻ་ཐཱ་པི, བྷི་ཀྑ་ཝེ, པུ་རི་སོ ཨེ་ཀ་ཙྪི་གྒ་ལཾ ཡུ་གཾ མ་ཧཱ་ས་མུ་དྡེ པ་ཀྑི་པེ་ཡྻ. ཏ་མེ་ནཾ པུ་ར་ཏྠི་མོ ཝཱ་ཏོ པ་ཙྪི་མེ་ན སཾ་ཧ་རེ་ཡྻ, པ་ཙྪི་མོ ཝཱ་ཏོ པུ་ར་ཏྠི་མེ་ན སཾ་ཧ་རེ་ཡྻ, ཨུ་ཏྟ་རོ ཝཱ་ཏོ ད་ཀྑི་ཎེ་ན སཾ་ཧ་རེ་ཡྻ, ད་ཀྑི་ཎོ ཝཱ་ཏོ ཨུ་ཏྟ་རེ་ན སཾ་ཧ་རེ་ཡྻ. ཏ་ཏྲཱ་སྶ ཀཱ་ཎོ ཀ་ཙྪ་པོ, སོ ཝ་སྶ་ས་ཏ་སྶ ཝ་སྶ་ས་ཏ་སྶ [ཝ་སྶ་ས་ཏ་སྶ ཝ་སྶ་ས་ཧ་སྶ་སྶ ཝ་སྶ་ས་ཏ་ས་ཧ་སྶ་སྶ (སཱི.), ཝ་སྶ་ས་ཏ་སྶ (སྱཱ. ཀཾ. པཱི.)] ཨ་ཙྩ་ཡེ་ན ས་ཀིཾ ཨུ་མྨུ་ཛྫེ་ཡྻ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཨ་པི ནུ སོ ཀཱ་ཎོ ཀ་ཙྪ་པོ ཨ་མུ་སྨིཾ ཨེ་ཀ་ཙྪི་གྒ་ལེ ཡུ་གེ གཱི་ཝཾ པ་ཝེ་སེ་ཡྻཱ’’ཏི? (‘‘ནོ ཧེ་ཏཾ, བྷ་ནྟེ’’.) [( ) ན་ཏྠི སཱི. པཱི. པོ་ཏྠ་ཀེ་སུ] ‘‘ཡ་དི པ་ན [ཡ་དི ནཱུ་ན (སཱི. སྱཱ. ཀཾ. པཱི.)], བྷ་ནྟེ, ཀ་དཱ་ཙི ཀ་ར་ཧ་ཙི དཱི་གྷ་སྶ ཨ་དྡྷུ་ནོ ཨ་ཙྩ་ཡེ་ནཱ’’ཏི. ‘‘ཁི་པྤ་ཏ་རཾ ཁོ སོ, བྷི་ཀྑ་ཝེ, ཀཱ་ཎོ ཀ་ཙྪ་པོ ཨ་མུ་སྨིཾ ཨེ་ཀ་ཙྪི་གྒ་ལེ ཡུ་གེ གཱི་ཝཾ པ་ཝེ་སེ་ཡྻ, ཨ་ཏོ དུ་ལླ་བྷ་ཏ་རཱ་ཧཾ, བྷི་ཀྑ་ཝེ, མ་ནུ་སྶ་ཏྟཾ ཝ་དཱ་མི ས་ཀིཾ ཝི་ནི་པཱ་ཏ་ག་ཏེ་ན བཱ་ལེ་ན. ཏཾ ཀི་སྶ ཧེ་ཏུ? ན ཧེ་ཏྠ, བྷི་ཀྑ་ཝེ, ཨ་ཏྠི དྷ་མྨ་ཙ་རི་ཡཱ ས་མ་ཙ་རི་ཡཱ ཀུ་ས་ལ་ཀི་རི་ཡཱ པུ་ཉྙ་ཀི་རི་ཡཱ. ཨ་ཉྙ་མ་ཉྙ་ཁཱ་དི་ཀཱ ཨེ་ཏྠ, བྷི་ཀྑ་ཝེ, ཝ་ཏྟ་ཏི དུ་བྦ་ལ་ཁཱ་དི་ཀཱ’’.

‘‘ས ཁོ སོ, བྷི་ཀྑ་ཝེ, བཱ་ལོ ས་ཙེ ཀ་དཱ་ཙི ཀ་ར་ཧ་ཙི དཱི་གྷ་སྶ ཨ་དྡྷུ་ནོ ཨ་ཙྩ་ཡེ་ན མ་ནུ་སྶ་ཏྟཾ ཨཱ་ག་ཙྪ་ཏི, ཡཱ་ནི ཏཱ་ནི ནཱི་ཙ་ཀུ་ལཱ་ནི – ཙ་ཎྜཱ་ལ་ཀུ་ལཾ ཝཱ ནེ་སཱ་ད་ཀུ་ལཾ ཝཱ ཝེ་ན་ཀུ་ལཾ [ཝེ་ཎ་ཀུ་ལཾ (སཱི. པཱི.)] ཝཱ ར་ཐ་ཀཱ་ར་ཀུ་ལཾ ཝཱ པུ་ཀྐུ་ས་ཀུ་ལཾ ཝཱ. ཏ་ཐཱ་རཱུ་པེ ཀུ་ལེ པ་ཙྩཱ་ཛཱ་ཡ་ཏི ད་ལི་དྡེ ཨ་པྤ་ནྣ་པཱ་ན་བྷོ་ཛ་ནེ ཀ་སི་ར་ཝུ་ཏྟི་ཀེ, ཡ་ཏྠ ཀ་སི་རེ་ན གྷཱ་ས་ཙྪཱ་དོ ལ་བྦྷ་ཏི. སོ ཙ ཧོ་ཏི དུ་བྦ་ཎྞོ དུ་དྡ་སི་ཀོ ཨོ་ཀོ་ཊི་མ་ཀོ བ་ཝ྄ཧཱ་བཱ་དྷོ [བ་ཧྭཱ་བཱ་དྷོ (ཀ.)] ཀཱ་ཎོ ཝཱ ཀུ་ཎཱི ཝཱ ཁུ་ཛྫོ ཝཱ པ་ཀྑ་ཧ་ཏོ ཝཱ ན ལཱ་བྷཱི ཨ་ནྣ་སྶ པཱ་ན་སྶ ཝ་ཏྠ་སྶ ཡཱ་ན་སྶ མཱ་ལཱ་ག་ནྡྷ་ཝི་ལེ་པ་ན་སྶ སེ་ཡྻཱ་ཝ་ས་ཐ་པ་དཱི་པེ་ཡྻ་སྶ. སོ ཀཱ་ཡེ་ན དུ་ཙྩ་རི་ཏཾ ཙ་ར་ཏི ཝཱ་ཙཱ་ཡ དུ་ཙྩ་རི་ཏཾ ཙ་ར་ཏི མ་ན་སཱ དུ་ཙྩ་རི་ཏཾ ཙ་ར་ཏི. སོ ཀཱ་ཡེ་ན དུ་ཙྩ་རི་ཏཾ ཙ་རི་ཏྭཱ ཝཱ་ཙཱ་ཡ དུ་ཙྩ་རི་ཏཾ ཙ་རི་ཏྭཱ མ་ན་སཱ དུ་ཙྩ་རི་ཏཾ ཙ་རི་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ཏི.

‘‘སེ་ཡྻ་ཐཱ་པི, བྷི་ཀྑ་ཝེ, ཨ་ཀྑ་དྷུ་ཏྟོ པ་ཋ་མེ་ནེ་ཝ ཀ་ལི་གྒ་ཧེ་ན པུ་ཏྟ་མྤི ཛཱི་ཡེ་ཐ, དཱ་ར་མྤི ཛཱི་ཡེ་ཐ, ས་བྦཾ སཱ་པ་ཏེ་ཡྻ་མྤི ཛཱི་ཡེ་ཐ, ཨུ་ཏྟ་རི་པི ཨ་དྷི་བ་ནྡྷཾ [ཨ་ནུ་བ་ནྡྷཾ (སཱི. པཱི.), ཨ་དྡྷུ་བ་ནྡྷཾ (སྱཱ. ཀཾ.)] ནི་ག་ཙྪེ་ཡྻ. ཨ་པྤ་མ་ཏྟ་ཀོ སོ, བྷི་ཀྑ་ཝེ, ཀ་ལི་གྒ་ཧོ ཡཾ སོ ཨ་ཀྑ་དྷུ་ཏྟོ པ་ཋ་མེ་ནེ་ཝ ཀ་ལི་གྒ་ཧེ་ན པུ་ཏྟ་མྤི ཛཱི་ཡེ་ཐ, དཱ་ར་མྤི ཛཱི་ཡེ་ཐ, ས་བྦཾ སཱ་པ་ཏེ་ཡྻ་མྤི ཛཱི་ཡེ་ཐ, ཨུ་ཏྟ་རི་པི ཨ་དྷི་བ་ནྡྷཾ ནི་ག་ཙྪེ་ཡྻ. ཨ་ཐ ཁོ ཨ་ཡ་མེ་ཝ ཏ་ཏོ མ་ཧ་ནྟ་ཏ་རོ ཀ་ལི་གྒ་ཧོ ཡཾ སོ བཱ་ལོ ཀཱ་ཡེ་ན དུ་ཙྩ་རི་ཏཾ ཙ་རི་ཏྭཱ ཝཱ་ཙཱ་ཡ དུ་ཙྩ་རི་ཏཾ ཙ་རི་ཏྭཱ མ་ན་སཱ དུ་ཙྩ་རི་ཏཾ ཙ་རི་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ ཨ་པཱ་ཡཾ དུ་གྒ་ཏིཾ ཝི་ནི་པཱ་ཏཾ ནི་ར་ཡཾ ཨུ་པ་པ་ཛྫ་ཏི. ཨ་ཡཾ, བྷི་ཀྑ་ཝེ, ཀེ་ཝ་ལཱ པ་རི་པཱུ་རཱ [ཀེ་ཝ་ལ་པ་རི་པཱུ་རཱ (སཱི. པཱི.) མ. ནི. ༡.༢༤༤ པཱ་ལི༹་ཡཱ སཾ་ས་ནྡེ་ཏ་བྦཱ] བཱ་ལ་བྷཱུ་མཱི’’ཏི.

༢༥༣. ‘‘ཏཱི་ཎི་མཱ་ནི, བྷི་ཀྑ་ཝེ, པ་ཎྜི་ཏ་སྶ པ་ཎྜི་ཏ་ལ་ཀྑ་ཎཱ་ནི པ་ཎྜི་ཏ་ནི་མི་ཏྟཱ་ནི པ་ཎྜི་ཏཱ་པ་དཱ་ནཱ་ནི. ཀ་ཏ་མཱ་ནི ཏཱི་ཎི? ཨི་དྷ, བྷི་ཀྑ་ཝེ, པ་ཎྜི་ཏོ སུ་ཙི་ནྟི་ཏ་ཙི་ནྟཱི ཙ ཧོ་ཏི སུ་བྷཱ་སི་ཏ་བྷཱ་སཱི ཙ སུ་ཀ་ཏ་ཀ་མྨ་ཀཱ་རཱི ཙ. ནོ ཙེ་ཏཾ, བྷི་ཀྑ་ཝེ, པ་ཎྜི་ཏོ སུ་ཙི་ནྟི་ཏ་ཙི་ནྟཱི ཙ ཨ་བྷ་ཝི་སྶ སུ་བྷཱ་སི་ཏ་བྷཱ་སཱི ཙ སུ་ཀ་ཏ་ཀ་མྨ་ཀཱ་རཱི ཙ, ཀེ་ན ནཾ [ན ཏེ་ན ནཾ (ཀ.), ན ནཾ (?)] པ་ཎྜི་ཏཱ ཛཱ་ནེ་ཡྻུཾ – ‘པ་ཎྜི་ཏོ ཨ་ཡཾ བྷ་ཝཾ ས་པྤུ་རི་སོ’ཏི? ཡ་སྨཱ ཙ ཁོ, བྷི་ཀྑ་ཝེ, པ་ཎྜི་ཏོ སུ་ཙི་ནྟི་ཏ་ཙི་ནྟཱི ཙ ཧོ་ཏི སུ་བྷཱ་སི་ཏ་བྷཱ་སཱི ཙ སུ་ཀ་ཏ་ཀ་མྨ་ཀཱ་རཱི ཙ ཏ་སྨཱ ནཾ པ་ཎྜི་ཏཱ ཛཱ་ན་ནྟི – ‘པ་ཎྜི་ཏོ ཨ་ཡཾ བྷ་ཝཾ ས་པྤུ་རི་སོ’ཏི. ས ཁོ སོ, བྷི་ཀྑ་ཝེ, པ་ཎྜི་ཏོ ཏི་ཝི་དྷཾ དི་ཊྛེ་ཝ དྷ་མྨེ སུ་ཁཾ སོ་མ་ན་སྶཾ པ་ཊི་སཾ་ཝེ་དེ་ཏི. ས་ཙེ, བྷི་ཀྑ་ཝེ, པ་ཎྜི་ཏོ ས་བྷཱ་ཡཾ ཝཱ ནི་སི་ནྣོ ཧོ་ཏི, ར་ཐི་ཀཱ་ཡ ཝཱ ནི་སི་ནྣོ ཧོ་ཏི, སི་ངྒྷཱ་ཊ་ཀེ ཝཱ ནི་སི་ནྣོ ཧོ་ཏི; ཏ་ཏྲ ཙེ ཛ་ནོ ཏ་ཛྫཾ ཏ་སྶཱ་རུ་པྤཾ ཀ་ཐཾ མ་ནྟེ་ཏི. ས་ཙེ, བྷི་ཀྑ་ཝེ, པ་ཎྜི་ཏོ པཱ་ཎཱ་ཏི་པཱ་ཏཱ པ་ཊི་ཝི་ར་ཏོ ཧོ་ཏི, ཨ་དི་ནྣཱ་དཱ་ནཱ པ་ཊི་ཝི་ར་ཏོ ཧོ་ཏི, ཀཱ་མེ་སུ་མི་ཙྪཱ་ཙཱ་རཱ པ་ཊི་ཝི་ར་ཏོ ཧོ་ཏི, མུ་སཱ་ཝཱ་དཱ པ་ཊི་ཝི་ར་ཏོ ཧོ་ཏི, སུ་རཱ་མེ་ར་ཡ་མ་ཛྫ་པྤ་མཱ་ད་ཊྛཱ་ནཱ པ་ཊི་ཝི་ར་ཏོ ཧོ་ཏི; ཏ་ཏྲ, བྷི་ཀྑ་ཝེ, པ་ཎྜི་ཏ་སྶ ཨེ་ཝཾ ཧོ་ཏི – ‘ཡཾ ཁོ ཛ་ནོ ཏ་ཛྫཾ ཏ་སྶཱ་རུ་པྤཾ ཀ་ཐཾ མ་ནྟེ་ཏི; སཾ་ཝི་ཛྫ་ནྟེ་ཝ ཏེ དྷ་མྨཱ མ་ཡི, ཨ་ཧ་ཉྩ ཏེ་སུ དྷ་མྨེ་སུ ས་ནྡི་སྶཱ་མཱི’ཏི. ཨི་དཾ, བྷི་ཀྑ་ཝེ, པ་ཎྜི་ཏོ པ་ཋ་མཾ དི་ཊྛེ་ཝ དྷ་མྨེ སུ་ཁཾ སོ་མ་ན་སྶཾ པ་ཊི་སཾ་ཝེ་དེ་ཏི.

༢༥༤. ‘‘པུ་ན ཙ་པ་རཾ, བྷི་ཀྑ་ཝེ, པ་ཎྜི་ཏོ པ་སྶ་ཏི རཱ་ཛཱ་ནོ ཙོ་རཾ ཨཱ་གུ་ཙཱ་རིཾ ག་ཧེ་ཏྭཱ ཝི་ཝི་དྷཱ ཀ་མྨ་ཀཱ་ར་ཎཱ ཀཱ་རེ་ནྟེ – ཀ་སཱ་ཧི་པི ཏཱ་ལེ༹་ནྟེ ཝེ་ཏྟེ་ཧི་པི ཏཱ་ལེ༹་ནྟེ ཨ་དྡྷ་ད་ཎྜ་ཀེ་ཧི་པི ཏཱ་ལེ༹་ནྟེ ཧ་ཏྠ་མྤི ཚི་ནྡ་ནྟེ པཱ་ད་མྤི ཚི་ནྡ་ནྟེ ཧ་ཏྠ་པཱ་ད་མྤི ཚི་ནྡ་ནྟེ ཀ་ཎྞ་མྤི ཚི་ནྡ་ནྟེ ནཱ་ས་མྤི ཚི་ནྡ་ནྟེ ཀ་ཎྞ་ནཱ་ས་མྤི ཚི་ནྡ་ནྟེ བི་ལ་ངྒ་ཐཱ་ལི་ཀ་མྤི ཀ་རོ་ནྟེ ས་ངྑ་མུ་ཎྜི་ཀ་མྤི ཀ་རོ་ནྟེ རཱ་ཧུ་མུ་ཁ་མྤི ཀ་རོ་ནྟེ ཛོ་ཏི་མཱ་ལི་ཀ་མྤི ཀ་རོ་ནྟེ ཧ་ཏྠ་པ་ཛྫོ་ཏི་ཀ་མྤི ཀ་རོ་ནྟེ ཨེ་ར་ཀ་ཝ་ཏྟི་ཀ་མྤི ཀ་རོ་ནྟེ ཙཱི་ར་ཀ་ཝཱ་སི་ཀ་མྤི ཀ་རོ་ནྟེ ཨེ་ཎེ་ཡྻ་ཀ་མྤི ཀ་རོ་ནྟེ བ་ལི་ས་མཾ་སི་ཀ་མྤི ཀ་རོ་ནྟེ ཀ་ཧཱ་པ་ཎི་ཀ་མྤི ཀ་རོ་ནྟེ ཁཱ་རཱ་པ་ཏ་ཙྪི་ཀ་མྤི ཀ་རོ་ནྟེ པ་ལི་གྷ་པ་རི་ཝ་ཏྟི་ཀ་མྤི ཀ་རོ་ནྟེ པ་ལཱ་ལ་པཱི་ཋ་ཀ་མྤི ཀ་རོ་ནྟེ ཏ་ཏྟེ་ན་པི ཏེ་ལེ་ན ཨོ་སི་ཉྩ་ནྟེ སུ་ན་ཁེ་ཧི་པི ཁཱ་དཱ་པེ་ནྟེ ཛཱི་ཝ་ནྟ་མྤི སཱུ་ལེ ཨུ་ཏྟཱ་སེ་ནྟེ ཨ་སི་ནཱ་པི སཱི་སཾ ཚི་ནྡ་ནྟེ. ཏ་ཏྲ, བྷི་ཀྑ་ཝེ, པ་ཎྜི་ཏ་སྶ ཨེ་ཝཾ ཧོ་ཏི – ‘ཡ་ཐཱ་རཱུ་པཱ་ནཾ ཁོ པཱ་པ་ཀཱ་ནཾ ཀ་མྨཱ་ནཾ ཧེ་ཏུ རཱ་ཛཱ་ནོ ཙོ་རཾ ཨཱ་གུ་ཙཱ་རིཾ ག་ཧེ་ཏྭཱ ཝི་ཝི་དྷཱ ཀ་མྨ་ཀཱ་ར་ཎཱ ཀཱ་རེ་ནྟི ཀ་སཱ་ཧི་པི ཏཱ་ལེ༹་ནྟི, ཝེ་ཏྟེ་ཧི་པི ཏཱ་ལེ༹་ནྟི, ཨ་དྡྷ་ད་ཎྜ་ཀེ་ཧི་པི ཏཱ་ལེ༹་ནྟི, ཧ་ཏྠ་མྤི ཚི་ནྡ་ནྟི, པཱ་ད་མྤི ཚི་ནྡ་ནྟི, ཧ་ཏྠ་པཱ་ད་མྤི ཚི་ནྡ་ནྟི, ཀ་ཎྞ་མྤི ཚི་ནྡ་ནྟི, ནཱ་ས་མྤི ཚི་ནྡ་ནྟི, ཀ་ཎྞ་ནཱ་ས་མྤི ཚི་ནྡ་ནྟི, བི་ལ་ངྒ་ཐཱ་ལི་ཀ་མྤི ཀ་རོ་ནྟི, ས་ངྑ་མུ་ཎྜི་ཀ་མྤི ཀ་རོ་ནྟི, རཱ་ཧུ་མུ་ཁ་མྤི ཀ་རོ་ནྟི, ཛོ་ཏི་མཱ་ལི་ཀ་མྤི ཀ་རོ་ནྟི, ཧ་ཏྠ་པ་ཛྫོ་ཏི་ཀ་མྤི ཀ་རོ་ནྟི, ཨེ་ར་ཀ་ཝ་ཏྟི་ཀ་མྤི ཀ་རོ་ནྟི, ཙཱི་ར་ཀ་ཝཱ་སི་ཀ་མྤི ཀ་རོ་ནྟི, ཨེ་ཎེ་ཡྻ་ཀ་མྤི ཀ་རོ་ནྟི, བ་ལི་ས་མཾ་སི་ཀ་མྤི ཀ་རོ་ནྟི, ཀ་ཧཱ་པ་ཎི་ཀ་མྤི ཀ་རོ་ནྟི, ཁཱ་རཱ་པ་ཏ་ཙྪི་ཀ་མྤི ཀ་རོ་ནྟི, པ་ལི་གྷ་པ་རི་ཝ་ཏྟི་ཀ་མྤི ཀ་རོ་ནྟི, པ་ལཱ་ལ་པཱི་ཋ་ཀ་མྤི ཀ་རོ་ནྟི, ཏ་ཏྟེ་ན་པི ཏེ་ལེ་ན ཨོ་སི་ཉྩ་ནྟི, སུ་ན་ཁེ་ཧི་པི ཁཱ་དཱ་པེ་ནྟི, ཛཱི་ཝ་ནྟ་མྤི སཱུ་ལེ ཨུ་ཏྟཱ་སེ་ནྟི, ཨ་སི་ནཱ་པི སཱི་སཾ ཚི་ནྡ་ནྟི, ན ཏེ དྷ་མྨཱ མ་ཡི སཾ་ཝི་ཛྫ་ནྟི, ཨ་ཧ་ཉྩ ན ཏེ་སུ དྷ་མྨེ་སུ ས་ནྡི་སྶཱ་མཱི’ཏི. ཨི་ད་མྤི, བྷི་ཀྑ་ཝེ, པ་ཎྜི་ཏོ དུ་ཏི་ཡཾ དི་ཊྛེ་ཝ དྷ་མྨེ སུ་ཁཾ སོ་མ་ན་སྶཾ པ་ཊི་སཾ་ཝེ་དེ་ཏི.

༢༥༥. ‘‘པུ་ན ཙ་པ་རཾ, བྷི་ཀྑ་ཝེ, པ་ཎྜི་ཏཾ པཱི་ཋ་ས་མཱ་རཱུ་ལ༹ྷཾ ཝཱ མ་ཉྩ་ས་མཱ་རཱུ་ལ༹ྷཾ ཝཱ ཚ་མཱ་ཡཾ ཝཱ སེ་མཱ་ནཾ, ཡཱ་ནི་སྶ པུ་བྦེ ཀ་ལྱཱ་ཎཱ་ནི ཀ་མྨཱ་ནི ཀ་ཏཱ་ནི ཀཱ་ཡེ་ན སུ་ཙ་རི་ཏཱ་ནི ཝཱ་ཙཱ་ཡ སུ་ཙ་རི་ཏཱ་ནི མ་ན་སཱ སུ་ཙ་རི་ཏཱ་ནི ཏཱ་ནི་སྶ ཏ་མྷི ས་མ་ཡེ ཨོ་ལ་མྦ་ནྟི…པེ… སེ་ཡྻ་ཐཱ་པི, བྷི་ཀྑ་ཝེ, མ་ཧ་ཏཾ པ་བྦ་ཏ་ཀཱུ་ཊཱ་ནཾ ཚཱ་ཡཱ སཱ་ཡ་ནྷ་ས་མ་ཡཾ པ་ཐ་ཝི་ཡཱ ཨོ་ལ་མྦ་ནྟི ཨ་ཛ྄ཛྷོ་ལ་མྦ་ནྟི ཨ་བྷི་པྤ་ལ་མྦ་ནྟི; ཨེ་ཝ་མེ་ཝ ཁོ, བྷི་ཀྑ་ཝེ, པ་ཎྜི་ཏཾ པཱི་ཋ་ས་མཱ་རཱུ་ལ༹ྷཾ ཝཱ མ་ཉྩ་ས་མཱ་རཱུ་ལ༹ྷཾ ཝཱ ཚ་མཱ་ཡཾ ཝཱ སེ་མཱ་ནཾ ཡཱ་ནི་སྶ པུ་བྦེ ཀ་ལྱཱ་ཎཱ་ནི ཀ་མྨཱ་ནི ཀ་ཏཱ་ནི ཀཱ་ཡེ་ན སུ་ཙ་རི་ཏཱ་ནི ཝཱ་ཙཱ་ཡ སུ་ཙ་རི་ཏཱ་ནི མ་ན་སཱ སུ་ཙ་རི་ཏཱ་ནི ཏཱ་ནི་སྶ ཏ་མྷི ས་མ་ཡེ ཨོ་ལ་མྦ་ནྟི ཨ་ཛ྄ཛྷོ་ལ་མྦ་ནྟི ཨ་བྷི་པྤ་ལ་མྦ་ནྟི. ཏ་ཏྲ, བྷི་ཀྑ་ཝེ, པ་ཎྜི་ཏ་སྶ ཨེ་ཝཾ ཧོ་ཏི – ‘ཨ་ཀ་ཏཾ ཝ་ཏ མེ པཱ་པཾ, ཨ་ཀ་ཏཾ ལུ་དྡཾ, ཨ་ཀ་ཏཾ ཀི་བྦི་སཾ; ཀ་ཏཾ ཀ་ལྱཱ་ཎཾ, ཀ་ཏཾ ཀུ་ས་ལཾ, ཀ་ཏཾ བྷཱི་རུ་ཏྟཱ་ཎཾ. ཡཱ་ཝ་ཏཱ, བྷོ, ཨ་ཀ་ཏ་པཱ་པཱ་ནཾ ཨ་ཀ་ཏ་ལུ་དྡཱ་ནཾ ཨ་ཀ་ཏ་ཀི་བྦི་སཱ་ནཾ ཀ་ཏ་ཀ་ལྱཱ་ཎཱ་ནཾ ཀ་ཏ་ཀུ་ས་ལཱ་ནཾ ཀ་ཏ་བྷཱི་རུ་ཏྟཱ་ཎཱ་ནཾ ག་ཏི ཏཾ ག་ཏིཾ པེ་ཙྩ ག་ཙྪཱ་མཱི’ཏི. སོ ན སོ་ཙ་ཏི, ན ཀི་ལ་མ་ཏི, ན པ་རི་དེ་ཝ་ཏི, ན ཨུ་ར་ཏྟཱ་ལི༹ཾ ཀ་ནྡ་ཏི, ན ས་མྨོ་ཧཾ ཨཱ་པ་ཛྫ་ཏི. ཨི་ད་མྤི, བྷི་ཀྑ་ཝེ, པ་ཎྜི་ཏོ ཏ་ཏི་ཡཾ དི་ཊྛེ་ཝ དྷ་མྨེ སུ་ཁཾ སོ་མ་ན་སྶཾ པ་ཊི་སཾ་ཝེ་དེ་ཏི.

‘‘ས ཁོ སོ, བྷི་ཀྑ་ཝེ, པ་ཎྜི་ཏོ ཀཱ་ཡེ་ན སུ་ཙ་རི་ཏཾ ཙ་རི་ཏྭཱ ཝཱ་ཙཱ་ཡ སུ་ཙ་རི་ཏཾ ཙ་རི་ཏྭཱ མ་ན་སཱ སུ་ཙ་རི་ཏཾ ཙ་རི་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ཏི. ཡཾ ཁོ ཏཾ, བྷི་ཀྑ་ཝེ, ས་མྨཱ ཝ་ད་མཱ་ནོ ཝ་དེ་ཡྻ – ‘ཨེ་ཀ་ནྟཾ ཨི་ཊྛཾ ཨེ་ཀ་ནྟཾ ཀ་ནྟཾ ཨེ་ཀ་ནྟཾ མ་ནཱ་པ’ནྟི, ས་གྒ་མེ་ཝ ཏཾ ས་མྨཱ ཝ་ད་མཱ་ནོ ཝ་དེ་ཡྻ – ‘ཨེ་ཀ་ནྟཾ ཨི་ཊྛཾ ཨེ་ཀ་ནྟཾ ཀ་ནྟཾ ཨེ་ཀ་ནྟཾ མ་ནཱ་པ’ནྟི. ཡཱ་ཝ་ཉྩི་དཾ, བྷི་ཀྑ་ཝེ, ཨུ་པ་མཱ་པི ན སུ་ཀ་རཱ ཡཱ་ཝ སུ་ཁཱ ས་གྒཱ’’ཏི.

༢༥༦. ཨེ་ཝཾ ཝུ་ཏྟེ, ཨ་ཉྙ་ཏ་རོ བྷི་ཀྑུ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ས་ཀྐཱ པ་ན, བྷ་ནྟེ, ཨུ་པ་མཾ ཀཱ་ཏུ’’ནྟི? ‘‘ས་ཀྐཱ བྷི་ཀྑཱུ’’ཏི བྷ་ག་ཝཱ ཨ་ཝོ་ཙ. ‘‘སེ་ཡྻ་ཐཱ་པི, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི ས་ཏྟ་ཧི ར་ཏ་ནེ་ཧི ས་མ་ནྣཱ་ག་ཏོ ཙ་ཏཱུ་ཧི ཙ ཨི་དྡྷཱི་ཧི ཏ་ཏོ་ནི་དཱ་ནཾ སུ་ཁཾ སོ་མ་ན་སྶཾ པ་ཊི་སཾ་ཝེ་དེ་ཏི. ཀ་ཏ་མེ་ཧི ས་ཏྟ་ཧི? ཨི་དྷ, བྷི་ཀྑ་ཝེ, ར་ཉྙོ ཁ་ཏྟི་ཡ་སྶ མུ་དྡྷཱ་ཝ་སི་ཏྟ་སྶ ཏ་ད་ཧུ་པོ་ས་ཐེ པ་ནྣ་ར་སེ སཱི་སཾ་ནྷཱ་ཏ་སྶ ཨུ་པོ་ས་ཐི་ཀ་སྶ ཨུ་པ་རི་པཱ་སཱ་ད་ཝ་ར་ག་ཏ་སྶ དི་བྦཾ ཙ་ཀྐ་ར་ཏ་ནཾ པཱ་ཏུ་བྷ་ཝ་ཏི ས་ཧ་སྶཱ་རཾ ས་ནེ་མི་ཀཾ ས་ནཱ་བྷི་ཀཾ ས་བྦཱ་ཀཱ་ར་པ་རི་པཱུ་རཾ. ཏཾ དི་སྭཱ་ན ར་ཉྙོ ཁ་ཏྟི་ཡ་སྶ མུ་དྡྷཱ་ཝ་སི་ཏྟ་སྶ ཨེ་ཝཾ ཧོ་ཏི [ཨེ་ཏ་ད་ཧོ་སི (སྱཱ. ཀཾ. ཀ.)] – ‘སུ་ཏཾ ཁོ པ་ན མེ་ཏཾ ཡ་སྶ ར་ཉྙོ ཁ་ཏྟི་ཡ་སྶ མུ་དྡྷཱ་ཝ་སི་ཏྟ་སྶ ཏ་ད་ཧུ་པོ་ས་ཐེ པ་ནྣ་ར་སེ སཱི་སཾ་ནྷཱ་ཏ་སྶ ཨུ་པོ་ས་ཐི་ཀ་སྶ ཨུ་པ་རི་པཱ་སཱ་ད་ཝ་ར་ག་ཏ་སྶ དི་བྦཾ ཙ་ཀྐ་ར་ཏ་ནཾ པཱ་ཏུ་བྷ་ཝ་ཏི ས་ཧ་སྶཱ་རཾ ས་ནེ་མི་ཀཾ ས་ནཱ་བྷི་ཀཾ ས་བྦཱ་ཀཱ་ར་པ་རི་པཱུ་རཾ, སོ ཧོ་ཏི རཱ་ཛཱ ཙ་ཀྐ་ཝ་ཏྟཱི་ཏི. ཨ་སྶཾ ནུ ཁོ ཨ་ཧཾ རཱ་ཛཱ ཙ་ཀྐ་ཝ་ཏྟཱི’’’ཏི?

‘‘ཨ་ཐ ཁོ, བྷི་ཀྑ་ཝེ, རཱ་ཛཱ ཁ་ཏྟི་ཡོ མུ་དྡྷཱ་ཝ་སི་ཏྟོ ཝཱ་མེ་ན ཧ་ཏྠེ་ན བྷི་ངྐཱ་རཾ ག་ཧེ་ཏྭཱ ད་ཀྑི་ཎེ་ན ཧ་ཏྠེ་ན ཙ་ཀྐ་ར་ཏ་ནཾ ཨ་བྦྷུ་ཀྐི་ར་ཏི – ‘པ་ཝ་ཏྟ་ཏུ བྷ་ཝཾ ཙ་ཀྐ་ར་ཏ་ནཾ, ཨ་བྷི་ཝི་ཛི་ནཱ་ཏུ བྷ་ཝཾ ཙ་ཀྐ་ར་ཏ་ན’ནྟི. ཨ་ཐ ཁོ ཏཾ, བྷི་ཀྑ་ཝེ, ཙ་ཀྐ་ར་ཏ་ནཾ པུ་ར་ཏྠི་མཾ དི་སཾ པ་ཝ་ཏྟ་ཏི. ཨ་ནྭ་དེ་ཝ རཱ་ཛཱ ཙ་ཀྐ་ཝ་ཏྟཱི ས་དྡྷིཾ ཙ་ཏུ་ར་ངྒི་ནི་ཡཱ སེ་ནཱ་ཡ. ཡ་སྨིཾ ཁོ པ་ན, བྷི་ཀྑ་ཝེ, པ་དེ་སེ ཙ་ཀྐ་ར་ཏ་ནཾ པ་ཏི་ཊྛཱ་ཏི ཏ་ཏྠ རཱ་ཛཱ ཙ་ཀྐ་ཝ་ཏྟཱི ཝཱ་སཾ ཨུ་པེ་ཏི ས་དྡྷིཾ ཙ་ཏུ་ར་ངྒི་ནི་ཡཱ སེ་ནཱ་ཡ. ཡེ ཁོ པ་ན, བྷི་ཀྑ་ཝེ, པུ་ར་ཏྠི་མཱ་ཡ དི་སཱ་ཡ པ་ཊི་རཱ་ཛཱ་ནོ ཏེ རཱ་ཛཱ་ནཾ ཙ་ཀྐ་ཝ་ཏྟིཾ ཨུ་པ་ས་ངྐ་མི་ཏྭཱ ཨེ་ཝ་མཱ་ཧཾ་སུ – ‘ཨེ་ཧི ཁོ, མ་ཧཱ་རཱ་ཛ! སྭཱ་ག་ཏཾ ཏེ, མ་ཧཱ་རཱ་ཛ [སྭཱ་ག་ཏཾ མ་ཧཱ་རཱ་ཛ (སཱི. སྱཱ. ཀཾ. པཱི.)]! ས་ཀཾ ཏེ, མ་ཧཱ་རཱ་ཛ! ཨ་ནུ་སཱ་ས, མ་ཧཱ་རཱ་ཛཱ’ཏི. རཱ་ཛཱ ཙ་ཀྐ་ཝ་ཏྟཱི ཨེ་ཝ་མཱ་ཧ – ‘པཱ་ཎོ ན ཧ་ནྟ་བྦོ, ཨ་དི་ནྣཾ ནཱ་དཱ་ཏ་བྦཾ, ཀཱ་མེ་སུ་མི་ཙྪཱ ན ཙ་རི་ཏ་བྦཱ, མུ་སཱ ན བྷཱ་སི་ཏ་བྦཱ, མ་ཛྫཾ ན པཱ་ཏ་བྦཾ, ཡ་ཐཱ་བྷུ་ཏྟ་ཉྩ བྷུ་ཉྫ་ཐཱ’ཏི. ཡེ ཁོ པ་ན, བྷི་ཀྑ་ཝེ, པུ་ར་ཏྠི་མཱ་ཡ དི་སཱ་ཡ པ་ཊི་རཱ་ཛཱ་ནོ ཏེ ར་ཉྙོ ཙ་ཀྐ་ཝ་ཏྟི་སྶ ཨ་ནུ་ཡ་ནྟཱ [ཨ་ནུ་ཡུ་ཏྟཱ (སཱི. སྱཱ. ཀཾ. པཱི.)] བྷ་ཝ་ནྟི [ཨ་ཧེ་སུཾ (སྱཱ. ཀཾ. ཀ.)].

༢༥༧. ‘‘ཨ་ཐ ཁོ ཏཾ, བྷི་ཀྑ་ཝེ, ཙ་ཀྐ་ར་ཏ་ནཾ པུ་ར་ཏྠི་མཾ ས་མུ་དྡཾ ཨ་ཛ྄ཛྷོ་གཱ་ཧེ་ཏྭཱ [ཨ་ཛ྄ཛྷོ་ག་ཧེ་ཏྭཱ (སཱི. སྱཱ. ཀཾ. པཱི.)] པ་ཙྩུ་ཏྟ་རི་ཏྭཱ ད་ཀྑི་ཎཾ དི་སཾ པ་ཝ་ཏྟ་ཏི…པེ… ད་ཀྑི་ཎཾ ས་མུ་དྡཾ ཨ་ཛ྄ཛྷོ་གཱ་ཧེ་ཏྭཱ པ་ཙྩུ་ཏྟ་རི་ཏྭཱ པ་ཙྪི་མཾ དི་སཾ པ་ཝ་ཏྟ་ཏི… པ་ཙྪི་མཾ ས་མུ་དྡཾ ཨ་ཛ྄ཛྷོ་གཱ་ཧེ་ཏྭཱ པ་ཙྩུ་ཏྟ་རི་ཏྭཱ ཨུ་ཏྟ་རཾ དི་སཾ པ་ཝ་ཏྟ་ཏི ཨ་ནྭ་དེ་ཝ རཱ་ཛཱ ཙ་ཀྐ་ཝ་ཏྟཱི ས་དྡྷིཾ ཙ་ཏུ་ར་ངྒི་ནི་ཡཱ སེ་ནཱ་ཡ. ཡ་སྨིཾ ཁོ པ་ན, བྷི་ཀྑ་ཝེ, པ་དེ་སེ ཙ་ཀྐ་ར་ཏ་ནཾ པ་ཏི་ཊྛཱ་ཏི ཏ་ཏྠ རཱ་ཛཱ ཙ་ཀྐ་ཝ་ཏྟཱི ཝཱ་སཾ ཨུ་པེ་ཏི ས་དྡྷིཾ ཙ་ཏུ་ར་ངྒི་ནི་ཡཱ སེ་ནཱ་ཡ.

‘‘ཡེ ཁོ པ་ན, བྷི་ཀྑ་ཝེ, ཨུ་ཏྟ་རཱ་ཡ དི་སཱ་ཡ པ་ཊི་རཱ་ཛཱ་ནོ ཏེ རཱ་ཛཱ་ནཾ ཙ་ཀྐ་ཝ་ཏྟིཾ ཨུ་པ་ས་ངྐ་མི་ཏྭཱ ཨེ་ཝ་མཱ་ཧཾ་སུ – ‘ཨེ་ཧི ཁོ, མ་ཧཱ་རཱ་ཛ! སྭཱ་ག་ཏཾ ཏེ, མ་ཧཱ་རཱ་ཛ! ས་ཀཾ ཏེ, མ་ཧཱ་རཱ་ཛ! ཨ་ནུ་སཱ་ས, མ་ཧཱ་རཱ་ཛཱ’ཏི. རཱ་ཛཱ ཙ་ཀྐ་ཝ་ཏྟཱི ཨེ་ཝ་མཱ་ཧ – ‘པཱ་ཎོ ན ཧ་ནྟ་བྦོ, ཨ་དི་ནྣཾ ནཱ་དཱ་ཏ་བྦཾ, ཀཱ་མེ་སུ་མི་ཙྪཱ ན ཙ་རི་ཏ་བྦཱ, མུ་སཱ ན བྷཱ་སི་ཏ་བྦཱ, མ་ཛྫཾ ན པཱ་ཏ་བྦཾ; ཡ་ཐཱ་བྷུ་ཏྟ་ཉྩ བྷུ་ཉྫ་ཐཱ’ཏི. ཡེ ཁོ པ་ན, བྷི་ཀྑ་ཝེ, ཨུ་ཏྟ་རཱ་ཡ དི་སཱ་ཡ པ་ཊི་རཱ་ཛཱ་ནོ ཏེ ར་ཉྙོ ཙ་ཀྐ་ཝ་ཏྟི་སྶ ཨ་ནུ་ཡ་ནྟཱ བྷ་ཝ་ནྟི.

‘‘ཨ་ཐ ཁོ ཏཾ, བྷི་ཀྑ་ཝེ, ཙ་ཀྐ་ར་ཏ་ནཾ ས་མུ་དྡ་པ་རི་ཡ་ནྟཾ པ་ཐ་ཝིཾ ཨ་བྷི་ཝི་ཛི་ནི་ཏྭཱ ཏ་མེ་ཝ རཱ་ཛ་དྷཱ་ནིཾ པ་ཙྩཱ་ག་ནྟྭཱ ར་ཉྙོ ཙ་ཀྐ་ཝ་ཏྟི་སྶ ཨ་ནྟེ་པུ་ར་དྭཱ་རེ ཨ་ཀྑཱ་ཧ་ཏཾ མ་ཉྙེ ཏི་ཊྛ་ཏི ར་ཉྙོ ཙ་ཀྐ་ཝ་ཏྟི་སྶ ཨ་ནྟེ་པུ་ར་དྭཱ་རཾ ཨུ་པ་སོ་བྷ་ཡ་མཱ་ནཾ. ར་ཉྙོ, བྷི་ཀྑ་ཝེ, ཙ་ཀྐ་ཝ་ཏྟི་སྶ ཨེ་ཝ་རཱུ་པཾ ཙ་ཀྐ་ར་ཏ་ནཾ པཱ་ཏུ་བྷ་ཝ་ཏི.

༢༥༨. ‘‘པུ་ན ཙ་པ་རཾ, བྷི་ཀྑ་ཝེ, ར་ཉྙོ ཙ་ཀྐ་ཝ་ཏྟི་སྶ ཧ་ཏྠི་ར་ཏ་ནཾ པཱ་ཏུ་བྷ་ཝ་ཏི – ས་བྦ་སེ་ཏོ ས་ཏྟ་པྤ་ཏི་ཊྛོ ཨི་དྡྷི་མཱ ཝེ་ཧཱ་ས་ངྒ་མོ ཨུ་པོ་ས་ཐོ ནཱ་མ ནཱ་ག་རཱ་ཛཱ. ཏཾ དི་སྭཱ་ན ར་ཉྙོ ཙ་ཀྐ་ཝ་ཏྟི་སྶ ཙི་ཏྟཾ པ་སཱི་ད་ཏི – ‘བྷ་དྡ་ཀཾ ཝ་ཏ, བྷོ, ཧ་ཏྠི་ཡཱ་ནཾ, ས་ཙེ ད་མ་ཐཾ ཨུ་པེ་ཡྻཱ’ཏི. ཨ་ཐ ཁོ ཏཾ, བྷི་ཀྑ་ཝེ, ཧ་ཏྠི་ར་ཏ་ནཾ སེ་ཡྻ་ཐཱ་པི ནཱ་མ བྷ་དྡོ ཧ་ཏྠཱ་ཛཱ་ནཱི་ཡོ དཱི་གྷ་ར་ཏྟཾ སུ་པ་རི་ད་ནྟོ ཨེ་ཝ་མེ་ཝ ད་མ་ཐཾ ཨུ་པེ་ཏི. བྷཱུ་ཏ་པུ་བྦཾ, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི ཏ་མེ་ཝ ཧ་ཏྠི་ར་ཏ་ནཾ ཝཱི་མཾ་ས་མཱ་ནོ པུ་བྦ་ཎྷ་ས་མ་ཡཾ ཨ་བྷི་རུ་ཧི་ཏྭཱ ས་མུ་དྡ་པ་རི་ཡ་ནྟཾ པ་ཐ་ཝིཾ ཨ་ནུ་སཾ་ཡཱ་ཡི་ཏྭཱ ཏ་མེ་ཝ རཱ་ཛ་དྷཱ་ནིཾ པ་ཙྩཱ་ག་ནྟྭཱ པཱ་ཏ་རཱ་ས་མ་ཀཱ་སི. ར་ཉྙོ, བྷི་ཀྑ་ཝེ, ཙ་ཀྐ་ཝ་ཏྟི་སྶ ཨེ་ཝ་རཱུ་པཾ ཧ་ཏྠི་ར་ཏ་ནཾ པཱ་ཏུ་བྷ་ཝ་ཏི.

‘‘པུ་ན ཙ་པ་རཾ, བྷི་ཀྑ་ཝེ, ར་ཉྙོ ཙ་ཀྐ་ཝ་ཏྟི་སྶ ཨ་སྶ་ར་ཏ་ནཾ པཱ་ཏུ་བྷ་ཝ་ཏི – ས་བྦ་སེ་ཏོ ཀཱ་ལ༹་སཱི་སོ མུ་ཉྫ་ཀེ་སོ ཨི་དྡྷི་མཱ ཝེ་ཧཱ་ས་ངྒ་མོ ཝ་ལཱ་ཧ་ཀོ ནཱ་མ ཨ་སྶ་རཱ་ཛཱ. ཏཾ དི་སྭཱ་ན ར་ཉྙོ ཙ་ཀྐ་ཝ་ཏྟི་སྶ ཙི་ཏྟཾ པ་སཱི་ད་ཏི – ‘བྷ་དྡ་ཀཾ ཝ་ཏ, བྷོ, ཨ་སྶ་ཡཱ་ནཾ, ས་ཙེ ད་མ་ཐཾ ཨུ་པེ་ཡྻཱ’ཏི. ཨ་ཐ ཁོ ཏཾ, བྷི་ཀྑ་ཝེ, ཨ་སྶ་ར་ཏ་ནཾ སེ་ཡྻ་ཐཱ་པི ནཱ་མ བྷ་དྡོ ཨ་སྶཱ་ཛཱ་ནཱི་ཡོ དཱི་གྷ་ར་ཏྟཾ སུ་པ་རི་ད་ནྟོ ཨེ་ཝ་མེ་ཝ ད་མ་ཐཾ ཨུ་པེ་ཏི. བྷཱུ་ཏ་པུ་བྦཾ, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི ཏ་མེ་ཝ ཨ་སྶ་ར་ཏ་ནཾ ཝཱི་མཾ་ས་མཱ་ནོ པུ་བྦ་ཎྷ་ས་མ་ཡཾ ཨ་བྷི་རུ་ཧི་ཏྭཱ ས་མུ་དྡ་པ་རི་ཡ་ནྟཾ པ་ཐ་ཝིཾ ཨ་ནུ་སཾ་ཡཱ་ཡི་ཏྭཱ ཏ་མེ་ཝ རཱ་ཛ་དྷཱ་ནིཾ པ་ཙྩཱ་ག་ནྟྭཱ པཱ་ཏ་རཱ་ས་མ་ཀཱ་སི. ར་ཉྙོ, བྷི་ཀྑ་ཝེ, ཙ་ཀྐ་ཝ་ཏྟི་སྶ ཨེ་ཝ་རཱུ་པཾ ཨ་སྶ་ར་ཏ་ནཾ པཱ་ཏུ་བྷ་ཝ་ཏི.

‘‘པུ་ན ཙ་པ་རཾ, བྷི་ཀྑ་ཝེ, ར་ཉྙོ ཙ་ཀྐ་ཝ་ཏྟི་སྶ མ་ཎི་ར་ཏ་ནཾ པཱ་ཏུ་བྷ་ཝ་ཏི. སོ ཧོ་ཏི མ་ཎི ཝེ་ལུ༹་རི་ཡོ སུ་བྷོ ཛཱ་ཏི་མཱ ཨ་ཊྛཾ་སོ སུ་པ་རི་ཀ་མྨ་ཀ་ཏོ. ཏ་སྶ ཁོ པ་ན, བྷི་ཀྑ་ཝེ, མ་ཎི་ར་ཏ་ན་སྶ ཨཱ་བྷཱ ས་མ་ནྟཱ ཡོ་ཛ་ནཾ ཕུ་ཊཱ ཧོ་ཏི. བྷཱུ་ཏ་པུ་བྦཾ, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི ཏ་མེ་ཝ མ་ཎི་ར་ཏ་ནཾ ཝཱི་མཾ་ས་མཱ་ནོ ཙ་ཏུ་ར་ངྒི་ནིཾ སེ་ནཾ ས་ནྣ་ཡ྄ཧི་ཏྭཱ མ་ཎིཾ དྷ་ཛ་གྒཾ ཨཱ་རོ་པེ་ཏྭཱ ར་ཏྟ་ནྡྷ་ཀཱ་ར་ཏི་མི་སཱ་ཡ པཱ་ཡཱ་སི. ཡེ ཁོ པ་ན, བྷི་ཀྑ་ཝེ, ས་མ་ནྟཱ གཱ་མཱ ཨ་ཧེ་སུཾ ཏེ ཏེ་ནོ་བྷཱ་སེ་ན ཀ་མྨ་ནྟེ པ་ཡོ་ཛེ་སུཾ ‘དི་ཝཱ’ཏི མ་ཉྙ་མཱ་ནཱ. ར་ཉྙོ, བྷི་ཀྑ་ཝེ, ཙ་ཀྐ་ཝ་ཏྟི་སྶ ཨེ་ཝ་རཱུ་པཾ མ་ཎི་ར་ཏ་ནཾ པཱ་ཏུ་བྷ་ཝ་ཏི.

‘‘པུ་ན ཙ་པ་རཾ, བྷི་ཀྑ་ཝེ, ར་ཉྙོ ཙ་ཀྐ་ཝ་ཏྟི་སྶ ཨི་ཏྠི་ར་ཏ་ནཾ པཱ་ཏུ་བྷ་ཝ་ཏི. སཱ ཨ་བྷི་རཱུ་པཱ ད་སྶ་ནཱི་ཡཱ པཱ་སཱ་དི་ཀཱ པ་ར་མཱ་ཡ ཝ་ཎྞ་པོ་ཀྑ་ར་ཏཱ་ཡ ས་མ་ནྣཱ་ག་ཏཱ ནཱ་ཏི་དཱི་གྷཱ ནཱ་ཏི་ར་སྶཱ ནཱ་ཏི་ཀི་སཱ ནཱ་ཏི་ཐཱུ་ལཱ ནཱ་ཏི་ཀཱ་ལི༹་ཀཱ [ནཱ་ཏི་ཀཱ་ལཱི༹ (སཱི. པཱི.)] ནཱ་ཙྩོ་དཱ་ཏཱ, ཨ་ཏི་ཀྐ་ནྟཱ མཱ་ནུ་སཾ ཝ་ཎྞཾ, ཨ་པྤ་ཏྟཱ དི་བྦཾ ཝ་ཎྞཾ. ཏ་སྶ ཁོ པ་ན, བྷི་ཀྑ་ཝེ, ཨི་ཏྠི་ར་ཏ་ན་སྶ ཨེ་ཝ་རཱུ་པོ ཀཱ་ཡ་ས་མྥ་སྶོ ཧོ་ཏི སེ་ཡྻ་ཐཱ་པི ནཱ་མ ཏཱུ་ལ་པི་ཙུ་ནོ ཝཱ ཀ་པྤཱ་ས་པི་ཙུ་ནོ ཝཱ. ཏ་སྶ ཁོ པ་ན, བྷི་ཀྑ་ཝེ, ཨི་ཏྠི་ར་ཏ་ན་སྶ སཱི་ཏེ ཨུ་ཎྷཱ་ནི ག་ཏྟཱ་ནི ཧོ་ནྟི, ཨུ་ཎྷེ སཱི་ཏཱ་ནི ག་ཏྟཱ་ནི ཧོ་ནྟི. ཏ་སྶ ཁོ པ་ན, བྷི་ཀྑ་ཝེ, ཨི་ཏྠི་ར་ཏ་ན་སྶ ཀཱ་ཡ་ཏོ ཙ་ནྡ་ན་ག་ནྡྷོ ཝཱ་ཡ་ཏི, མུ་ཁ་ཏོ ཨུ་པྤ་ལ་ག་ནྡྷོ ཝཱ་ཡ་ཏི. ཏཾ ཁོ པ་ན, བྷི་ཀྑ་ཝེ, ཨི་ཏྠི་ར་ཏ་ནཾ ར་ཉྙོ ཙ་ཀྐ་ཝ་ཏྟི་སྶ པུ་བྦུ་ཊྛཱ་ཡི་ནཱི ཧོ་ཏི པ་ཙྪཱ་ནི་པཱ་ཏི་ནཱི ཀིཾ་ཀཱ་ར་པ་ཊི་སྶཱ་ཝི་ནཱི མ་ནཱ་པ་ཙཱ་རི་ནཱི པི་ཡ་ཝཱ་དི་ནཱི. ཏཾ ཁོ པ་ན, བྷི་ཀྑ་ཝེ, ཨི་ཏྠི་ར་ཏ་ནཾ རཱ་ཛཱ་ནཾ ཙ་ཀྐ་ཝ་ཏྟིཾ མ་ན་སཱ་པི ནོ ཨ་ཏི་ཙ་ར་ཏི, ཀུ་ཏོ པ་ན ཀཱ་ཡེ་ན? ར་ཉྙོ, བྷི་ཀྑ་ཝེ, ཙ་ཀྐ་ཝ་ཏྟི་སྶ ཨེ་ཝ་རཱུ་པཾ ཨི་ཏྠི་ར་ཏ་ནཾ པཱ་ཏུ་བྷ་ཝ་ཏི.

‘‘པུ་ན ཙ་པ་རཾ, བྷི་ཀྑ་ཝེ, ར་ཉྙོ ཙ་ཀྐ་ཝ་ཏྟི་སྶ ག་ཧ་པ་ཏི་ར་ཏ་ནཾ པཱ་ཏུ་བྷ་ཝ་ཏི. ཏ་སྶ ཀ་མྨ་ཝི་པཱ་ཀ་ཛཾ དི་བྦ་ཙ་ཀྑུ པཱ་ཏུ་བྷ་ཝ་ཏི, ཡེ་ན ནི་དྷིཾ པ་སྶ་ཏི ས་སྶཱ་མི་ཀ་མྤི ཨ་སྶཱ་མི་ཀ་མྤི. སོ རཱ་ཛཱ་ནཾ ཙ་ཀྐ་ཝ་ཏྟིཾ ཨུ་པ་ས་ངྐ་མི་ཏྭཱ ཨེ་ཝ་མཱ་ཧ – ‘ཨ་པྤོ་སྶུ་ཀྐོ ཏྭཾ, དེ་ཝ, ཧོ་ཧི. ཨ་ཧཾ ཏེ དྷ་ནེ་ན དྷ་ན་ཀ་ར་ཎཱི་ཡཾ [དྷ་ནེ་ན ཀ་ར་ཎཱི་ཡཾ (ཀ.)] ཀ་རི་སྶཱ་མཱི’ཏི. བྷཱུ་ཏ་པུ་བྦཾ, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི ཏ་མེ་ཝ ག་ཧ་པ་ཏི་ར་ཏ་ནཾ ཝཱི་མཾ་ས་མཱ་ནོ ནཱ་ཝཾ ཨ་བྷི་རུ་ཧི་ཏྭཱ མ་ཛ྄ཛྷེ ག་ངྒཱ་ཡ ན་དི་ཡཱ སོ་ཏཾ ཨོ་གཱ་ཧི་ཏྭཱ [ཨོ་ག་ཧེ་ཏྭཱ (སཱི. པཱི.)] ག་ཧ་པ་ཏི་ར་ཏ་ནཾ ཨེ་ཏ་ད་ཝོ་ཙ – ‘ཨ་ཏྠོ མེ, ག་ཧ་པ་ཏི, ཧི་ར་ཉྙ་སུ་ཝ་ཎྞེ་ནཱ’ཏི. ‘ཏེ་ན ཧི, མ་ཧཱ་རཱ་ཛ, ཨེ་ཀཾ ཏཱི་རཾ ནཱ་ཝཱ ཨུ་པེ་ཏཱུ’ཏི. ‘ཨི་དྷེ་ཝ མེ, ག་ཧ་པ་ཏི, ཨ་ཏྠོ ཧི་ར་ཉྙ་སུ་ཝ་ཎྞེ་ནཱ’ཏི. ཨ་ཐ ཁོ ཏཾ, བྷི་ཀྑ་ཝེ, ག་ཧ་པ་ཏི་ར་ཏ་ནཾ ཨུ་བྷོ་ཧི ཧ་ཏྠེ་ཧི ཨུ་ད་ཀེ ཨོ་མ་སི་ཏྭཱ པཱུ་རཾ ཧི་ར་ཉྙ་སུ་ཝ་ཎྞ་སྶ ཀུ་མྦྷིཾ ཨུ་དྡྷ་རི་ཏྭཱ རཱ་ཛཱ་ནཾ ཙ་ཀྐ་ཝ་ཏྟིཾ ཨེ་ཏ་ད་ཝོ་ཙ – ‘ཨ་ལ་མེ་ཏྟཱ་ཝ་ཏཱ, མ་ཧཱ་རཱ་ཛ! ཀ་ཏ་མེ་ཏྟཱ་ཝ་ཏཱ, མ་ཧཱ་རཱ་ཛ! པཱུ་ཛི་ཏ་མེ་ཏྟཱ་ཝ་ཏཱ, མ་ཧཱ་རཱ་ཛཱ’ཏི. རཱ་ཛཱ ཙ་ཀྐ་ཝ་ཏྟཱི ཨེ་ཝ་མཱ་ཧ – ‘ཨ་ལ་མེ་ཏྟཱ་ཝ་ཏཱ, ག་ཧ་པ་ཏི! ཀ་ཏ་མེ་ཏྟཱ་ཝ་ཏཱ, ག་ཧ་པ་ཏི! པཱུ་ཛི་ཏ་མེ་ཏྟཱ་ཝ་ཏཱ, ག་ཧ་པ་ཏཱི’ཏི. ར་ཉྙོ, བྷི་ཀྑ་ཝེ, ཙ་ཀྐ་ཝ་ཏྟི་སྶ ཨེ་ཝ་རཱུ་པཾ ག་ཧ་པ་ཏི་ར་ཏ་ནཾ པཱ་ཏུ་བྷ་ཝ་ཏི.

‘‘པུ་ན ཙ་པ་རཾ, བྷི་ཀྑ་ཝེ, ར་ཉྙོ ཙ་ཀྐ་ཝ་ཏྟི་སྶ པ་རི་ཎཱ་ཡ་ཀ་ར་ཏ་ནཾ པཱ་ཏུ་བྷ་ཝ་ཏི – པ་ཎྜི་ཏོ བྱ་ཏྟོ མེ་དྷཱ་ཝཱི པ་ཊི་བ་ལོ རཱ་ཛཱ་ནཾ ཙ་ཀྐ་ཝ་ཏྟིཾ ཨུ་པ་ཡཱ་པེ་ཏ་བྦཾ ཨུ་པ་ཡཱ་པེ་ཏུཾ [ཨུ་པ་ཊྛ་པེ་ཏ་བྦཾ ཨུ་པ་ཊྛ་པེ་ཏུཾ (སཱི. སྱཱ. ཀཾ. པཱི.)] ཨ་པ་ཡཱ་པེ་ཏ་བྦཾ ཨ་པ་ཡཱ་པེ་ཏུཾ ཋ་པེ་ཏ་བྦཾ ཋ་པེ་ཏུཾ. སོ རཱ་ཛཱ་ནཾ ཙ་ཀྐ་ཝ་ཏྟིཾ ཨུ་པ་ས་ངྐ་མི་ཏྭཱ ཨེ་ཝ་མཱ་ཧ – ‘ཨ་པྤོ་སྶུ་ཀྐོ ཏྭཾ, དེ་ཝ, ཧོ་ཧི. ཨ་ཧ་མ་ནུ་སཱ་སི་སྶཱ་མཱི’ཏི. ར་ཉྙོ, བྷི་ཀྑ་ཝེ, ཙ་ཀྐ་ཝ་ཏྟི་སྶ ཨེ་ཝ་རཱུ་པཾ པ་རི་ཎཱ་ཡ་ཀ་ར་ཏ་ནཾ པཱ་ཏུ་བྷ་ཝ་ཏི. རཱ་ཛཱ, བྷི་ཀྑ་ཝེ, ཙ་ཀྐ་ཝ་ཏྟཱི ཨི་མེ་ཧི ས་ཏྟ་ཧི ར་ཏ་ནེ་ཧི ས་མ་ནྣཱ་ག་ཏོ ཧོ་ཏི.

༢༥༩. ‘‘ཀ་ཏ་མཱ་ཧི ཙ་ཏཱུ་ཧི ཨི་དྡྷཱི་ཧི? ཨི་དྷ, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི ཨ་བྷི་རཱུ་པོ ཧོ་ཏི ད་སྶ་ནཱི་ཡོ པཱ་སཱ་དི་ཀོ པ་ར་མཱ་ཡ ཝ་ཎྞ་པོ་ཀྑ་ར་ཏཱ་ཡ ས་མ་ནྣཱ་ག་ཏོ ཨ་ཏི་ཝི་ཡ ཨ་ཉྙེ་ཧི མ་ནུ་སྶེ་ཧི. རཱ་ཛཱ, བྷི་ཀྑ་ཝེ, ཙ་ཀྐ་ཝ་ཏྟཱི ཨི་མཱ་ཡ པ་ཋ་མཱ་ཡ ཨི་དྡྷི་ཡཱ ས་མ་ནྣཱ་ག་ཏོ ཧོ་ཏི.

‘‘པུ་ན ཙ་པ་རཾ, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི དཱི་གྷཱ་ཡུ་ཀོ ཧོ་ཏི ཙི་ར་ཊྛི་ཏི་ཀོ ཨ་ཏི་ཝི་ཡ ཨ་ཉྙེ་ཧི མ་ནུ་སྶེ་ཧི. རཱ་ཛཱ, བྷི་ཀྑ་ཝེ, ཙ་ཀྐ་ཝ་ཏྟཱི ཨི་མཱ་ཡ དུ་ཏི་ཡཱ་ཡ ཨི་དྡྷི་ཡཱ ས་མ་ནྣཱ་ག་ཏོ ཧོ་ཏི.

‘‘པུ་ན ཙ་པ་རཾ, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི ཨ་པྤཱ་བཱ་དྷོ ཧོ་ཏི ཨ་པྤཱ་ཏ་ངྐོ ས་མ་ཝེ་པཱ་ཀི་ནི་ཡཱ ག་ཧ་ཎི་ཡཱ ས་མ་ནྣཱ་ག་ཏོ ནཱ་ཏི་སཱི་ཏཱ་ཡ ནཱ་ཙྩུ་ཎྷཱ་ཡ ཨ་ཏི་ཝི་ཡ ཨ་ཉྙེ་ཧི མ་ནུ་སྶེ་ཧི. རཱ་ཛཱ, བྷི་ཀྑ་ཝེ, ཙ་ཀྐ་ཝ་ཏྟཱི ཨི་མཱ་ཡ ཏ་ཏི་ཡཱ་ཡ ཨི་དྡྷི་ཡཱ ས་མ་ནྣཱ་ག་ཏོ ཧོ་ཏི.

‘‘པུ་ན ཙ་པ་རཾ, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི བྲཱ་ཧྨ་ཎ་ག་ཧ་པ་ཏི་ཀཱ་ནཾ པི་ཡོ ཧོ་ཏི མ་ནཱ་པོ. སེ་ཡྻ་ཐཱ་པི, བྷི་ཀྑ་ཝེ, པི་ཏཱ པུ་ཏྟཱ་ནཾ པི་ཡོ ཧོ་ཏི མ་ནཱ་པོ, ཨེ་ཝ་མེ་ཝ ཁོ, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི བྲཱ་ཧྨ་ཎ་ག་ཧ་པ་ཏི་ཀཱ་ནཾ པི་ཡོ ཧོ་ཏི མ་ནཱ་པོ. ར་ཉྙོ་པི, བྷི་ཀྑ་ཝེ, ཙ་ཀྐ་ཝ་ཏྟི་སྶ བྲཱ་ཧྨ་ཎ་ག་ཧ་པ་ཏི་ཀཱ པི་ཡཱ ཧོ་ནྟི མ་ནཱ་པཱ. སེ་ཡྻ་ཐཱ་པི, བྷི་ཀྑ་ཝེ, པི་ཏུ པུ་ཏྟཱ པི་ཡཱ ཧོ་ནྟི མ་ནཱ་པཱ, ཨེ་ཝ་མེ་ཝ ཁོ, བྷི་ཀྑ་ཝེ, ར་ཉྙོ་པི ཙ་ཀྐ་ཝ་ཏྟི་སྶ བྲཱ་ཧྨ་ཎ་ག་ཧ་པ་ཏི་ཀཱ པི་ཡཱ ཧོ་ནྟི མ་ནཱ་པཱ.

‘‘བྷཱུ་ཏ་པུ་བྦཾ, བྷི་ཀྑ་ཝེ, རཱ་ཛཱ ཙ་ཀྐ་ཝ་ཏྟཱི ཙ་ཏུ་ར་ངྒི་ནི་ཡཱ སེ་ནཱ་ཡ ཨུ་ཡྻཱ་ན་བྷཱུ་མིཾ ནི་ཡྻཱ་སི. ཨ་ཐ ཁོ, བྷི་ཀྑ་ཝེ, བྲཱ་ཧྨ་ཎ་ག་ཧ་པ་ཏི་ཀཱ རཱ་ཛཱ་ནཾ ཙ་ཀྐ་ཝ་ཏྟིཾ ཨུ་པ་ས་ངྐ་མི་ཏྭཱ ཨེ་ཝ་མཱ་ཧཾ་སུ – ‘ཨ་ཏ་ར་མཱ་ནོ, དེ་ཝ, ཡཱ་ཧི ཡ་ཐཱ ཏཾ མ་ཡཾ ཙི་ར་ཏ་རཾ པ་སྶེ་ཡྻཱ་མཱ’ཏི. རཱ་ཛཱ་པི, བྷི་ཀྑ་ཝེ, ཙ་ཀྐ་ཝ་ཏྟཱི སཱ་ར་ཐིཾ ཨཱ་མ་ནྟེ་སི – ‘ཨ་ཏ་ར་མཱ་ནོ, སཱ་ར་ཐི, པེ་སེ་ཧི ཡ་ཐཱ མཾ བྲཱ་ཧྨ་ཎ་ག་ཧ་པ་ཏི་ཀཱ ཙི་ར་ཏ་རཾ པ་སྶེ་ཡྻུ’ནྟི. རཱ་ཛཱ, བྷི་ཀྑ་ཝེ, ཙ་ཀྐ་ཝ་ཏྟཱི ཨི་མཱ་ཡ ཙ་ཏུ་ཏྠཱ་ཡ ཨི་དྡྷི་ཡཱ ས་མ་ནྣཱ་ག་ཏོ ཧོ་ཏི. རཱ་ཛཱ, བྷི་ཀྑ་ཝེ, ཙ་ཀྐ་ཝ་ཏྟཱི ཨི་མཱ་ཧི ཙ་ཏཱུ་ཧི ཨི་དྡྷཱི་ཧི ས་མ་ནྣཱ་ག་ཏོ ཧོ་ཏི.

‘‘ཏཾ ཀིཾ མ་ཉྙ་ཐ, བྷི་ཀྑ་ཝེ, ཨ་པི ནུ ཁོ རཱ་ཛཱ ཙ་ཀྐ་ཝ་ཏྟཱི ཨི་མེ་ཧི ས་ཏྟ་ཧི ར་ཏ་ནེ་ཧི ས་མ་ནྣཱ་ག་ཏོ ཨི་མཱ་ཧི ཙ་ཏཱུ་ཧི ཙ ཨི་དྡྷཱི་ཧི ཏ་ཏོ་ནི་དཱ་ནཾ སུ་ཁཾ སོ་མ་ན་སྶཾ པ་ཊི་སཾ་ཝེ་དི་ཡེ་ཐཱ’’ཏི? ‘‘ཨེ་ཀ་མེ་ཀེ་ན་པི, བྷ་ནྟེ, ར་ཏ་ནེ་ན [ཏེ་ན ར་ཏ་ནེ་ན (སཱི.)] ས་མ་ནྣཱ་ག་ཏོ རཱ་ཛཱ ཙ་ཀྐ་ཝ་ཏྟཱི ཏ་ཏོ་ནི་དཱ་ནཾ སུ་ཁཾ སོ་མ་ན་སྶཾ པ་ཊི་སཾ་ཝེ་དི་ཡེ་ཐ, ཀོ པ་ན ཝཱ་དོ ས་ཏྟ་ཧི ར་ཏ་ནེ་ཧི ཙ་ཏཱུ་ཧི ཙ ཨི་དྡྷཱི་ཧཱི’’ཏི?

༢༦༠. ཨ་ཐ ཁོ བྷ་ག་ཝཱ པ་རི་ཏྟཾ པཱ་ཎི་མ་ཏྟཾ པཱ་སཱ་ཎཾ ག་ཧེ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མོ ནུ ཁོ མ་ཧ་ནྟ་ཏ་རོ – ཡོ ཙཱ་ཡཾ མ་ཡཱ པ་རི་ཏྟོ པཱ་ཎི་མ་ཏྟོ པཱ་སཱ་ཎོ ག་ཧི་ཏོ ཡོ ཙ ཧི་མ་ཝཱ པ་བྦ་ཏ་རཱ་ཛཱ’’ཏི? ‘‘ཨ་པྤ་མ་ཏྟ་ཀོ ཨ་ཡཾ, བྷ་ནྟེ, བྷ་ག་ཝ་ཏཱ པ་རི་ཏྟོ པཱ་ཎི་མ་ཏྟོ པཱ་སཱ་ཎོ ག་ཧི་ཏོ; ཧི་མ་ཝ་ནྟཾ པ་བྦ་ཏ་རཱ་ཛཱ་ནཾ ཨུ་པ་ནི་དྷཱ་ཡ ས་ངྑ་མྤི ན ཨུ་པེ་ཏི; ཀ་ལ་བྷཱ་ག་མྤི ན ཨུ་པེ་ཏི; ཨུ་པ་ནི་དྷ་མྤི ན ཨུ་པེ་ཏཱི’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཡཾ རཱ་ཛཱ ཙ་ཀྐ་ཝ་ཏྟཱི ས་ཏྟ་ཧི ར་ཏ་ནེ་ཧི ས་མ་ནྣཱ་ག་ཏོ ཙ་ཏཱུ་ཧི ཙ ཨི་དྡྷཱི་ཧི ཏ་ཏོ་ནི་དཱ་ནཾ སུ་ཁཾ སོ་མ་ན་སྶཾ པ་ཊི་སཾ་ཝེ་དེ་ཏི ཏཾ དི་བྦ་སྶ སུ་ཁ་སྶ ཨུ་པ་ནི་དྷཱ་ཡ ས་ངྑ་མྤི ན ཨུ་པེ་ཏི; ཀ་ལ་བྷཱ་ག་མྤི ན ཨུ་པེ་ཏི; ཨུ་པ་ནི་དྷ་མྤི ན ཨུ་པེ་ཏི’’.

‘‘ས ཁོ སོ, བྷི་ཀྑ་ཝེ, པ་ཎྜི་ཏོ ས་ཙེ ཀ་དཱ་ཙི ཀ་ར་ཧ་ཙི དཱི་གྷ་སྶ ཨ་དྡྷུ་ནོ ཨ་ཙྩ་ཡེ་ན མ་ནུ་སྶ་ཏྟཾ ཨཱ་ག་ཙྪ་ཏི, ཡཱ་ནི ཏཱ་ནི ཨུ་ཙྩཱ་ཀུ་ལཱ་ནི – ཁ་ཏྟི་ཡ་མ་ཧཱ་སཱ་ལ་ཀུ་ལཾ ཝཱ བྲཱ་ཧྨ་ཎ་མ་ཧཱ་སཱ་ལ་ཀུ་ལཾ ཝཱ ག་ཧ་པ་ཏི་མ་ཧཱ་སཱ་ལ་ཀུ་ལཾ ཝཱ ཏ་ཐཱ་རཱུ་པེ ཀུ་ལེ པ་ཙྩཱ་ཛཱ་ཡ་ཏི ཨ་ཌྜྷེ མ་ཧ་དྡྷ་ནེ མ་ཧཱ་བྷོ་གེ པ་ཧཱུ་ཏ་ཛཱ་ཏ་རཱུ་པ་ར་ཛ་ཏེ པ་ཧཱུ་ཏ་ཝི་ཏྟཱུ་པ་ཀ་ར་ཎེ པ་ཧཱུ་ཏ་དྷ་ན་དྷ་ཉྙེ. སོ ཙ ཧོ་ཏི ཨ་བྷི་རཱུ་པོ ད་སྶ་ནཱི་ཡོ པཱ་སཱ་དི་ཀོ པ་ར་མཱ་ཡ ཝ་ཎྞ་པོ་ཀྑ་ར་ཏཱ་ཡ ས་མ་ནྣཱ་ག་ཏོ, ལཱ་བྷཱི ཨ་ནྣ་སྶ པཱ་ན་སྶ ཝ་ཏྠ་སྶ ཡཱ་ན་སྶ མཱ་ལཱ་ག་ནྡྷ་ཝི་ལེ་པ་ན་སྶ སེ་ཡྻཱ་ཝ་ས་ཐ་པ་དཱི་པེ་ཡྻ་སྶ. སོ ཀཱ་ཡེ་ན སུ་ཙ་རི་ཏཾ ཙ་ར་ཏི, ཝཱ་ཙཱ་ཡ སུ་ཙ་རི་ཏཾ ཙ་ར་ཏི, མ་ན་སཱ སུ་ཙ་རི་ཏཾ ཙ་ར་ཏི. སོ ཀཱ་ཡེ་ན སུ་ཙ་རི་ཏཾ ཙ་རི་ཏྭཱ, ཝཱ་ཙཱ་ཡ སུ་ཙ་རི་ཏཾ ཙ་རི་ཏྭཱ, མ་ན་སཱ སུ་ཙ་རི་ཏཾ ཙ་རི་ཏྭཱ, ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ཏི. སེ་ཡྻ་ཐཱ་པི, བྷི་ཀྑ་ཝེ, ཨ་ཀྑ་དྷུ་ཏྟོ པ་ཋ་མེ་ནེ་ཝ ཀ་ཊ་གྒ་ཧེ་ན མ་ཧ་ནྟཾ བྷོ་ག་ཀྑ་ནྡྷཾ ཨ་དྷི་ག་ཙྪེ་ཡྻ; ཨ་པྤ་མ་ཏྟ་ཀོ སོ, བྷི་ཀྑ་ཝེ, ཀ་ཊ་གྒ་ཧོ ཡཾ སོ ཨ་ཀྑ་དྷུ་ཏྟོ པ་ཋ་མེ་ནེ་ཝ ཀ་ཊ་གྒ་ཧེ་ན མ་ཧ་ནྟཾ བྷོ་ག་ཀྑ་ནྡྷཾ ཨ་དྷི་ག་ཙྪེ་ཡྻ. ཨ་ཐ ཁོ ཨ་ཡ་མེ་ཝ ཏ་ཏོ མ་ཧ་ནྟ་ཏ་རོ ཀ་ཊ་གྒ་ཧོ ཡཾ སོ པ་ཎྜི་ཏོ ཀཱ་ཡེ་ན སུ་ཙ་རི་ཏཾ ཙ་རི་ཏྭཱ, ཝཱ་ཙཱ་ཡ སུ་ཙ་རི་ཏཾ ཙ་རི་ཏྭཱ, མ་ན་སཱ སུ་ཙ་རི་ཏཾ ཙ་རི་ཏྭཱ ཀཱ་ཡ་སྶ བྷེ་དཱ པ་རཾ མ་ར་ཎཱ སུ་ག་ཏིཾ ས་གྒཾ ལོ་ཀཾ ཨུ་པ་པ་ཛྫ་ཏི. ཨ་ཡཾ, བྷི་ཀྑ་ཝེ, ཀེ་ཝ་ལཱ པ་རི་པཱུ་རཱ པ་ཎྜི་ཏ་བྷཱུ་མཱི’’ཏི.

ཨི་ད་མ་ཝོ་ཙ བྷ་ག་ཝཱ. ཨ་ཏྟ་མ་ནཱ ཏེ བྷི་ཀྑཱུ བྷ་ག་ཝ་ཏོ བྷཱ་སི་ཏཾ ཨ་བྷི་ན་ནྡུ་ནྟི.

བཱ་ལ་པ་ཎྜི་ཏ་སུ་ཏྟཾ ནི་ཊྛི་ཏཾ ན་ཝ་མཾ.