༣. མ་ཎི་ཐཱུ་ཎ་ཝི་མཱ་ན་ཝ་ཏྠུ
༡༡༢༦. ‘‘ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནཾ, ས་མ་ནྟ་ཏོ དྭཱ་ད་ས ཡོ་ཛ་ནཱ་ནི;
ཀཱུ་ཊཱ་གཱ་རཱ ས་ཏྟ་ས་ཏཱ ཨུ་ལཱ༹་རཱ, ཝེ་ལུ༹་རི་ཡ་ཐ་མྦྷཱ རུ་ཙ་ཀ་ཏྠ་ཏཱ སུ་བྷཱ.
༡༡༢༧. ‘‘ཏ་ཏྠ་ཙྪ་སི པི་ཝ་སི ཁཱ་ད་སི ཙ, དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ;
དི་བྦཱ ར་སཱ ཀཱ་མ་གུ་ཎེ་ཏྠ པ་ཉྩ, ནཱ་རི་ཡོ ཙ ན་ཙྩ་ནྟི སུ་ཝ་ཎྞ་ཚ་ནྣཱ.
༡༡༢༨. ‘‘ཀེ་ན ཏེ་ཏཱ་དི་སོ ཝ་ཎྞོ…པེ…ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
༡༡༣༠. སོ དེ་ཝ་པུ་ཏྟོ ཨ་ཏྟ་མ་ནོ…པེ…ཡ་སྶ ཀ་མྨ་སྶི་དཾ ཕ་ལཾ.
༡༡༣༡. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, ཝི་ཝ་ནེ པ་ཐེ ས་ངྐ་མ་ནཾ [ཙ་ངྐ་མ་ནཾ (སཱི.), ཙ་ངྐ་མཾ (སྱཱ.), ས་མ་ཀཾ (ཀ. སཱི.)] ཨ་ཀཱ་སིཾ;
ཨཱ་རཱ་མ་རུ་ཀྑཱ་ནི ཙ རོ་པ་ཡི་སྶཾ, པི་ཡཱ ཙ མེ སཱི་ལ་ཝ་ནྟོ ཨ་ཧེ་སུཾ;
ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟོ, ས་ཀྐ་ཙྩ དཱ་ནཾ ཝི་པུ་ལཾ ཨ་དཱ་སིཾ.
༡༡༣༢. ‘‘ཏེ་ན མེ་ཏཱ་དི་སོ ཝ་ཎྞོ…པེ… ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
མ་ཎི་ཐཱུ་ཎ་ཝི་མཱ་ནཾ ཏ་ཏི་ཡཾ.