༤. ཀ་ཀྐ་ཊ་ཀ་ར་ས་དཱ་ཡ་ཀ་ཝི་མཱ་ན་ཝ་ཏྠུ

༩༡༠. ‘‘ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནཾ, ས་མ་ནྟ་ཏོ དྭཱ་ད་ས ཡོ་ཛ་ནཱ་ནི;

ཀཱུ་ཊཱ་གཱ་རཱ ས་ཏྟ་ས་ཏཱ ཨུ་ལཱ༹་རཱ, ཝེ་ལུ༹་རི་ཡ་ཐ་མྦྷཱ རུ་ཙ་ཀ་ཏྠ་ཏཱ [རུ་ཙི་ར་ཏྠ་ཏཱ (སྱཱ. ཀ.) ༦༤༦ གཱ་ཐཱ་ཡཾ ‘‘རུ་ཙ་ཀུ་པ་ཀི་ཎྞཾ’’ཏི པ་ད་སྶ སཾ་ཝ་ཎྞ་ནཱ པ་སྶི་ཏ་བྦཱ] སུ་བྷཱ.

༩༡༡. ‘‘ཏ་ཏྠ་ཙྪ་སི པི་ཝ་སི ཁཱ་ད་སི ཙ, དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ [ཝ་གྒུ (སཱི. ཀ.), ཝ་གྒཱུ (སྱཱ.)];

དི་བྦཱ ར་སཱ ཀཱ་མ་གུ་ཎེ་ཏྠ པ་ཉྩ, ནཱ་རི་ཡོ ཙ ན་ཙྩ་ནྟི སུ་ཝ་ཎྞ་ཚ་ནྣཱ.

༩༡༢. ‘‘ཀེ་ན ཏེ་ཏཱ་དི་སོ ཝ་ཎྞོ, ཀེ་ན ཏེ ཨི་དྷ མི་ཛ྄ཛྷ་ཏི;

ཨུ་པྤ་ཛྫ་ནྟི ཙ ཏེ བྷོ་གཱ, ཡེ ཀེ་ཙི མ་ན་སོ པི་ཡཱ.

༩༡༣. ‘‘པུ་ཙྪཱ་མི ཏཾ དེ་ཝ མ་ཧཱ་ནུ་བྷཱ་ཝ, མ་ནུ་སྶ་བྷཱུ་ཏོ ཀི་མ་ཀཱ་སི པུ་ཉྙཾ;

ཀེ་ནཱ་སི ཨེ་ཝཾ ཛ་ལི་ཏཱ་ནུ་བྷཱ་ཝོ, ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.

༩༡༤. སོ དེ་ཝ་པུ་ཏྟོ ཨ་ཏྟ་མ་ནོ, མོ་གྒ་ལླཱ་ནེ་ན པུ་ཙྪི་ཏོ;

པ་ཉྷཾ པུ་ཊྛོ ཝི་ཡཱ་ཀཱ་སི, ཡ་སྶ ཀ་མྨ་སྶི་དཾ ཕ་ལཾ.

༩༡༥. ‘‘ས་ཏི་ས་མུ་པྤཱ་ད་ཀ་རོ, དྭཱ་རེ ཀ་ཀྐ་ཊ་ཀོ ཋི་ཏོ;

ནི་ཊྛི་ཏོ ཛཱ་ཏ་རཱུ་པ་སྶ, སོ་བྷ་ཏི ད་ས་པཱ་ད་ཀོ.

༩༡༦. ‘‘ཏེ་ན མེ་ཏཱ་དི་སོ ཝ་ཎྞོ, ཏེ་ན མེ ཨི་དྷ མི་ཛ྄ཛྷ་ཏི;

ཨུ་པྤ་ཛྫ་ནྟི ཙ མེ བྷོ་གཱ, ཡེ ཀེ་ཙི མ་ན་སོ པི་ཡཱ.

༩༡༧. ‘‘ཨ་ཀྑཱ་མི ཏེ བྷི་ཀྑུ མ་ཧཱ་ནུ་བྷཱ་ཝ, མ་ནུ་སྶ་བྷཱུ་ཏོ ཡ་མ་ཀཱ་སི པུ་ཉྙཾ;

ཏེ་ན་མྷི ཨེ་ཝཾ ཛ་ལི་ཏཱ་ནུ་བྷཱ་ཝོ, ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.

ཀ་ཀྐ་ཊ་ཀ་ར་ས་དཱ་ཡ་ཀ་ཝི་མཱ་ནཾ ཙ་ཏུ་ཏྠཾ.

(ཨ་ན་ནྟ་རཾ པ་ཉྩ་ཝི་མཱ་ནཾ ཡ་ཐཱ ཀ་ཀྐ་ཊ་ཀ་ར་ས་དཱ་ཡ་ཀ་ཝི་མཱ་ནཾ ཏ་ཐཱ ཝི་ཏྠཱ་རེ་ཏ་བྦཾ)