༥. དྭཱ་ར་པཱ་ལ་ཝི་མཱ་ན་ཝ་ཏྠུ
༩༡༨. ‘‘ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནཾ, ས་མ་ནྟ་ཏོ དྭཱ་ད་ས ཡོ་ཛ་ནཱ་ནི;
ཀཱུ་ཊཱ་གཱ་རཱ ས་ཏྟ་ས་ཏཱ ཨུ་ལཱ༹་རཱ, ཝེ་ལུ༹་རི་ཡ་ཐ་མྦྷཱ རུ་ཙ་ཀ་ཏྠ་ཏཱ སུ་བྷཱ.
༩༡༩. ‘‘ཏ་ཏྠ་ཙྪ་སི པི་ཝ་སི ཁཱ་ད་སི ཙ, དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ;
དི་བྦཱ ར་སཱ ཀཱ་མ་གུ་ཎེ་ཏྠ པ་ཉྩ, ནཱ་རི་ཡོ ཙ ན་ཙྩ་ནྟི སུ་ཝ་ཎྞ་ཚ་ནྣཱ.
༩༢༠. ‘‘ཀེ་ན ཏེ་ཏཱ་དི་སོ ཝ་ཎྞོ…པེ… ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
༩༢༢. སོ དེ་ཝ་པུ་ཏྟོ ཨ་ཏྟ་མ་ནོ, མོ་གྒ་ལླཱ་ནེ་ན པུ་ཙྪི་ཏོ;
པ་ཉྷཾ པུ་ཊྛོ ཝི་ཡཱ་ཀཱ་སི, ཡ་སྶ ཀ་མྨ་སྶི་དཾ ཕ་ལཾ.
༩༢༣. ‘‘དི་བྦཾ མ་མཾ ཝ་སྶ་ས་ཧ་སྶ་མཱ་ཡུ, ཝཱ་ཙཱ་བྷི་གཱི་ཏཾ མ་ན་སཱ པ་ཝ་ཏྟི་ཏཾ;
ཨེ་ཏྟཱ་ཝ་ཏཱ ཋ་སྶ་ཏི པུ་ཉྙ་ཀ་མྨོ, དི་བྦེ་ཧི ཀཱ་མེ་ཧི ས་མ་ངྒི་བྷཱུ་ཏོ.
༩༢༤. ‘‘ཏེ་ན མེ་ཏཱ་དི་སོ ཝ་ཎྞོ…པེ…ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
དྭཱ་ར་པཱ་ལ་ཝི་མཱ་ནཾ པ་ཉྩ་མཾ.