༤. དུ་ཏི་ཡ་ས་ཏྟ་སུ་ཏྟཾ

༦༤. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན སཱ་ཝ་ཏྠི་ཡཱ མ་ནུ་སྶཱ ཡེ་བྷུ་ཡྻེ་ན ཀཱ་མེ་སུ ས་ཏྟཱ ( ) [(ཧོ་ནྟི) (བ་ཧཱུ་སུ) ཨ་ཊྛ་ཀ་ཐཱ་ཡ སཾ་ས་ནྡེ་ཏ་བྦཾ] ར་ཏྟཱ གི་དྡྷཱ ག་དྷི་ཏཱ མུ་ཙྪི་ཏཱ ཨ་ཛ྄ཛྷོ་པ་ནྣཱ ཨ་ནྡྷཱི་ཀ་ཏཱ ས་མྨ་ཏྟ་ཀ་ཛཱ་ཏཱ ཀཱ་མེ་སུ ཝི་ཧ་ར་ནྟི.

ཨ་ཐ ཁོ བྷ་ག་ཝཱ པུ་བྦ་ཎྷ་ས་མ་ཡཾ ནི་ཝཱ་སེ་ཏྭཱ པ་ཏྟ་ཙཱི་ཝ་ར་མཱ་དཱ་ཡ སཱ་ཝ་ཏྠིཾ པི་ཎྜཱ་ཡ པཱ་ཝི་སི. ཨ་དྡ་སཱ ཁོ བྷ་ག་ཝཱ སཱ་ཝ་ཏྠི་ཡཱ ཏེ མ་ནུ་སྶེ ཡེ་བྷུ་ཡྻེ་ན ཀཱ་མེ་སུ ས་ཏྟེ ར་ཏྟེ གི་དྡྷེ ག་དྷི་ཏེ མུ་ཙྪི་ཏེ ཨ་ཛ྄ཛྷོ་པ་ནྣེ ཨ་ནྡྷཱི་ཀ་ཏེ ས་མྨ་ཏྟ་ཀ་ཛཱ་ཏེ ཀཱ་མེ་སུ ཝི་ཧ་ར་ནྟེ.

ཨ་ཐ ཁོ བྷ་ག་ཝཱ ཨེ་ཏ་མ་ཏྠཾ ཝི་དི་ཏྭཱ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘ཀཱ་མ་ནྡྷཱ ཛཱ་ལ་ས་ཉྪ་ནྣཱ, ཏ་ཎྷཱ་ཚ་ད་ན་ཚཱ་དི་ཏཱ;

པ་མ་ཏྟ་བ་ནྡྷུ་ནཱ བ་དྡྷཱ, མ་ཙྪཱ་ཝ ཀུ་མི་ནཱ་མུ་ཁེ;

ཛ་རཱ་མ་ར་ཎ་མ་ནྭེ་ནྟི [ཛ་རཱ་མ་ར་ཎཾ ག་ཙྪ་ནྟི (སཱི. སྱཱ.)], ཝ་ཙྪོ ཁཱི་ར་པ་ཀོ་ཝ མཱ་ཏ་ར’’ནྟི. ཙ་ཏུ་ཏྠཾ;