༢. དུ་ཏི་ཡ་ལ་ཀུ་ཎྜ་ཀ་བྷ་དྡི་ཡ་སུ་ཏྟཾ

༦༢. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཨཱ་ཡ་སྨཱ སཱ་རི་པུ་ཏྟོ ཨཱ་ཡ་སྨ་ནྟཾ ལ་ཀུ་ཎྜ་ཀ་བྷ་དྡི་ཡཾ སེ་ཁཾ [སེ་ཀྑོ་ཏི (སྱཱ.), སེ་ཁོ་ཏི (པཱི.)] མ་ཉྙ་མཱ་ནོ བྷི་ཡྻོ་སོ་མ་ཏྟཱ་ཡ ཨ་ནེ་ཀ་པ་རི་ཡཱ་ཡེ་ན དྷ་མྨི་ཡཱ ཀ་ཐཱ་ཡ ས་ནྡ་སྶེ་ཏི ས་མཱ་ད་པེ་ཏི ས་མུ་ཏྟེ་ཛེ་ཏི ས་མྤ་ཧཾ་སེ་ཏི.

ཨ་དྡ་སཱ ཁོ བྷ་ག་ཝཱ ཨཱ་ཡ་སྨ་ནྟཾ སཱ་རི་པུ་ཏྟཾ ཨཱ་ཡ་སྨ་ནྟཾ ལ་ཀུ་ཎྜ་ཀ་བྷ་དྡི་ཡཾ སེ་ཁཾ མ་ཉྙ་མཱ་ནཾ བྷི་ཡྻོ་སོ་མ་ཏྟཱ་ཡ ཨ་ནེ་ཀ་པ་རི་ཡཱ་ཡེ་ན དྷ་མྨི་ཡཱ ཀ་ཐཱ་ཡ ས་ནྡ་སྶེ་ནྟཾ ས་མཱ་ད་པེ་ནྟཾ ས་མུ་ཏྟེ་ཛེ་ནྟཾ ས་མྤ་ཧཾ་སེ་ནྟཾ.

ཨ་ཐ ཁོ བྷ་ག་ཝཱ ཨེ་ཏ་མ་ཏྠཾ ཝི་དི་ཏྭཱ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘ཨ་ཙྪེ་ཙྪི [ཨ་ཙྪེ་ཛྫི (ཀ. སཱི.), ཨ་ཙྪི་ཛྫི (ཀ. སཱི. སྱཱ.), ཨ་ཚི་ཛྫི (ཀ.)] ཝ་ཊྚཾ བྱ་གཱ ནི་རཱ་སཾ, ཝི་སུ་ཀྑཱ ས་རི་ཏཱ ན ས་ནྡ་ཏི;

ཚི་ནྣཾ ཝ་ཊྚཾ ན ཝ་ཏྟ་ཏི, ཨེ་སེ་ཝ་ནྟོ དུ་ཀྑ་སྶཱ’’ཏི. དུ་ཏི་ཡཾ;