༧. སུ་བྷཱུ་ཏི་སུ་ཏྟཾ

༥༧. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཨཱ་ཡ་སྨཱ སུ་བྷཱུ་ཏི བྷ་ག་ཝ་ཏོ ཨ་ཝི་དཱུ་རེ ནི་སི་ནྣོ ཧོ་ཏི པ་ལླ་ངྐཾ ཨཱ་བྷུ་ཛི་ཏྭཱ ཨུ་ཛུཾ ཀཱ་ཡཾ པ་ཎི་དྷཱ་ཡ ཨ་ཝི་ཏ་ཀྐཾ ས་མཱ་དྷིཾ ས་མཱ་པ་ཛྫི་ཏྭཱ.

ཨ་དྡ་སཱ ཁོ བྷ་ག་ཝཱ ཨཱ་ཡ་སྨ་ནྟཾ སུ་བྷཱུ་ཏིཾ ཨ་ཝི་དཱུ་རེ ནི་སི་ནྣཾ པ་ལླ་ངྐཾ ཨཱ་བྷུ་ཛི་ཏྭཱ ཨུ་ཛུཾ ཀཱ་ཡཾ པ་ཎི་དྷཱ་ཡ ཨ་ཝི་ཏ་ཀྐཾ ས་མཱ་དྷིཾ ས་མཱ་པ་ནྣཾ.

ཨ་ཐ ཁོ བྷ་ག་ཝཱ ཨེ་ཏ་མ་ཏྠཾ ཝི་དི་ཏྭཱ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘ཡ་སྶ ཝི་ཏ་ཀྐཱ ཝི་དྷཱུ་པི་ཏཱ,

ཨ་ཛ྄ཛྷ་ཏྟཾ སུ་ཝི་ཀ་པྤི་ཏཱ ཨ་སེ་སཱ;

ཏཾ ས་ངྒ་མ་ཏི་ཙྩ ཨ་རཱུ་པ་ས་ཉྙཱི,

ཙ་ཏུ་ཡོ་གཱ་ཏི་ག་ཏོ ན ཛཱ་ཏུ མེ་ཏཱི’’ཏི [ན ཛཱ་ཏི་མེ་ཏཱི་ཏི (སྱཱ. པཱི. ཨ་ཊྛ. པཱ་ཋ་ནྟ་རཾ)]. ས་ཏྟ་མཾ;