༩. ས་དྷཱ་ཡ་མཱ་ན་སུ་ཏྟཾ

༤༩. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ ཀོ་ས་ལེ་སུ ཙཱ་རི་ཀཾ ཙ་ར་ཏི མ་ཧ་ཏཱ བྷི་ཀྑུ་ས་ངྒྷེ་ན ས་དྡྷིཾ. ཏེ་ན ཁོ པ་ན ས་མ་ཡེ་ན ས་མྦ་ཧུ་ལཱ མཱ་ཎ་ཝ་ཀཱ བྷ་ག་ཝ་ཏོ ཨ་ཝི་དཱུ་རེ ས་དྷཱ་ཡ་མཱ་ན་རཱུ་པཱ [ས་དྡཱ་ཡ་མཱ་ན་རཱུ་པཱ (སྱཱ. པཱི. ཨ་ཊྛ་ཀ་ཐཱ་ཡཾ པཱ་ཋ་ནྟ་རཾ), པ་ཐཱ་ཡ་མཱ་ན་རཱུ་པཱ (ཀ.), ཝ་དྷཱ་ཡ་མཱ་ན་རཱུ་པཱ (ཀ. སཱི., ཀ. ཨ་ཊྛ.), ས་དྡྷཱ་ཡ་མཱ་ན་རཱུ་པཱ (?), ས་དྡྷུ་དྷཱ་ཏུ་ཡཱ ས་དྷུ་དྷཱ་ཏུ་ཡཱ ཝཱ སི་དྡྷ་མི་ད་ནྟི ཝེ་དི་ཏ་བྦཾ] ཨ་ཏི་ཀྐ་མ་ནྟི. ཨ་དྡ་སཱ ཁོ བྷ་ག་ཝཱ ས་མྦ་ཧུ་ལེ མཱ་ཎ་ཝ་ཀེ ཨ་ཝི་དཱུ་རེ ས་དྷཱ་ཡ་མཱ་ན་རཱུ་པེ ཨ་ཏི་ཀྐ་ནྟེ.

ཨ་ཐ ཁོ བྷ་ག་ཝཱ ཨེ་ཏ་མ་ཏྠཾ ཝི་དི་ཏྭཱ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘པ་རི་མུ་ཊྛཱ པ་ཎྜི་ཏཱ་བྷཱ་སཱ, ཝཱ་ཙཱ་གོ་ཙ་ར་བྷཱ་ཎི་ནོ;

ཡཱ་ཝི་ཙྪ་ནྟི མུ་ཁཱ་ཡཱ་མཾ, ཡེ་ན ནཱི་ཏཱ ན ཏཾ ཝི་དཱུ’’ཏི. ན་ཝ་མཾ;