༧. ཀ་ངྑཱ་རེ་ཝ་ཏ་སུ་ཏྟཾ

༤༧. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཨཱ་ཡ་སྨཱ ཀ་ངྑཱ་རེ་ཝ་ཏོ བྷ་ག་ཝ་ཏོ ཨ་ཝི་དཱུ་རེ ནི་སི་ནྣོ ཧོ་ཏི པ་ལླ་ངྐཾ ཨཱ་བྷུ་ཛི་ཏྭཱ ཨུ་ཛུཾ ཀཱ་ཡཾ པ་ཎི་དྷཱ་ཡ ཨ་ཏྟ་ནོ ཀ་ངྑཱ་ཝི་ཏ་ར་ཎ་ཝི་སུ་དྡྷིཾ པ་ཙྩ་ཝེ་ཀྑ་མཱ་ནོ.

ཨ་དྡ་སཱ ཁོ བྷ་ག་ཝཱ ཨཱ་ཡ་སྨ་ནྟཾ ཀ་ངྑཱ་རེ་ཝ་ཏཾ ཨ་ཝི་དཱུ་རེ ནི་སི་ནྣཾ པ་ལླ་ངྐཾ ཨཱ་བྷུ་ཛི་ཏྭཱ ཨུ་ཛུཾ ཀཱ་ཡཾ པ་ཎི་དྷཱ་ཡ ཨ་ཏྟ་ནོ ཀ་ངྑཱ་ཝི་ཏ་ར་ཎ་ཝི་སུ་དྡྷིཾ པ་ཙྩ་ཝེ་ཀྑ་མཱ་ནཾ.

ཨ་ཐ ཁོ བྷ་ག་ཝཱ ཨེ་ཏ་མ་ཏྠཾ ཝི་དི་ཏྭཱ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘ཡཱ ཀཱ་ཙི ཀ་ངྑཱ ཨི་དྷ ཝཱ ཧུ་རཾ ཝཱ,

ས་ཀ་ཝེ་དི་ཡཱ ཝཱ པ་ར་ཝེ་དི་ཡཱ ཝཱ;

ཡེ ཛྷཱ་ཡི་ནོ ཏཱ པ་ཛ་ཧ་ནྟི ས་བྦཱ,

ཨཱ་ཏཱ་པི་ནོ བྲ་ཧྨ་ཙ་རི་ཡཾ ཙ་ར་ནྟཱ’’ཏི. ས་ཏྟ་མཾ;