༢. ཨུ་དྡྷ་ཏ་སུ་ཏྟཾ

༣༢. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ ཀུ་སི་ནཱ་རཱ་ཡཾ ཝི་ཧ་ར་ཏི ཨུ་པ་ཝ་ཏྟ་ནེ མ་ལླཱ་ནཾ སཱ་ལ་ཝ་ནེ. ཏེ་ན ཁོ པ་ན ས་མ་ཡེ་ན ས་མྦ་ཧུ་ལཱ བྷི་ཀྑཱུ བྷ་ག་ཝ་ཏོ ཨ་ཝི་དཱུ་རེ ཨ་ར་ཉྙ་ཀུ་ཊི་ཀཱ་ཡཾ ཝི་ཧ་ར་ནྟི ཨུ་དྡྷ་ཏཱ ཨུ་ནྣ་ལཱ༹ ཙ་པ་ལཱ མུ་ཁ་རཱ ཝི་ཀི་ཎྞ་ཝཱ་ཙཱ མུ་ཊྛ་སྶ་ཏི་ནོ ཨ་ས་མྤ་ཛཱ་ནཱ ཨ་ས་མཱ་ཧི་ཏཱ ཝི་བྦྷ་ནྟ་ཙི་ཏྟཱ པཱ་ཀ་ཏི་ནྡྲི་ཡཱ.

ཨ་དྡ་སཱ ཁོ བྷ་ག་ཝཱ ཏེ ས་མྦ་ཧུ་ལེ བྷི་ཀྑཱུ ཨ་ཝི་དཱུ་རེ ཨ་ར་ཉྙ་ཀུ་ཊི་ཀཱ་ཡཾ ཝི་ཧ་ར་ནྟེ ཨུ་དྡྷ་ཏེ ཨུ་ནྣ་ལེ༹ ཙ་པ་ལེ མུ་ཁ་རེ ཝི་ཀི་ཎྞ་ཝཱ་ཙེ མུ་ཊྛ་སྶ་ཏི་ནོ ཨ་ས་མྤ་ཛཱ་ནེ ཨ་ས་མཱ་ཧི་ཏེ ཝི་བྦྷ་ནྟ་ཙི་ཏྟེ པཱ་ཀ་ཏི་ནྡྲི་ཡེ.

ཨ་ཐ ཁོ བྷ་ག་ཝཱ ཨེ་ཏ་མ་ཏྠཾ ཝི་དི་ཏྭཱ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘ཨ་ར་ཀྑི་ཏེ་ན ཀཱ་ཡེ་ན [ཙི་ཏྟེ་ན (ནེ་ཏྟི་ཡཾ)], མི་ཙྪཱ་དི་ཊྛི་ཧ་ཏེ་ན [མི་ཙྪཱ་དི་ཊྛི་ག་ཏེ་ན (བ་ཧཱུ་སུ)] ཙ;

ཐི་ན་མི་དྡྷཱ [ཐཱི་ན་མི་དྡྷཱ (སཱི. སྱཱ. ཀཾ. པཱི.)] བྷི་བྷཱུ་ཏེ་ན, ཝ་སཾ མཱ་ར་སྶ ག་ཙྪ་ཏི.

‘‘ཏ་སྨཱ ར་ཀྑི་ཏ་ཙི་ཏྟ་སྶ, ས་མྨཱ་ས་ངྐ་པྤ་གོ་ཙ་རོ;

ས་མྨཱ་དི་ཊྛི་པུ་རེ་ཀྑཱ་རོ, ཉ་ཏྭཱ་ན ཨུ་ད་ཡ་བྦ་ཡཾ;

ཐཱི་ན་མི་དྡྷཱ་བྷི་བྷཱུ བྷི་ཀྑུ, ས་བྦཱ དུ་གྒ་ཏི་ཡོ ཛ་ཧེ’’ཏི. དུ་ཏི་ཡཾ;