༩. ཛ་ཊི་ལ་སུ་ཏྟཾ

༩. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ ག་ཡཱ་ཡཾ ཝི་ཧ་ར་ཏི ག་ཡཱ་སཱི་སེ. ཏེ་ན ཁོ པ་ན ས་མ་ཡེ་ན ས་མྦ་ཧུ་ལཱ ཛ་ཊི་ལཱ སཱི་ཏཱ་སུ ཧེ་མ་ནྟི་ཀཱ་སུ ར་ཏྟཱི་སུ ཨ་ནྟ་ར་ཊྛ་ཀེ ཧི་མ་པཱ་ཏ་ས་མ་ཡེ ག་ཡཱ་ཡཾ ཨུ་མྨུ་ཛྫ་ནྟི་པི ནི་མུ་ཛྫ་ནྟི་པི, ཨུ་མྨུ་ཛྫ་ནི་མུ་ཛྫ་མྤི ཀ་རོ་ནྟི ཨོ་སི་ཉྩ་ནྟི་པི, ཨ་གྒི་མྤི ཛུ་ཧ་ནྟི – ‘‘ཨི་མི་ནཱ སུ་དྡྷཱི’’ཏི.

ཨ་དྡ་སཱ ཁོ བྷ་ག་ཝཱ ཏེ ས་མྦ་ཧུ་ལེ ཛ་ཊི་ལེ སཱི་ཏཱ་སུ ཧེ་མ་ནྟི་ཀཱ་སུ ར་ཏྟཱི་སུ ཨ་ནྟ་ར་ཊྛ་ཀེ ཧི་མ་པཱ་ཏ་ས་མ་ཡེ ག་ཡཱ་ཡཾ ཨུ་མྨུ་ཛྫ་ནྟེ་པི ནི་མུ་ཛྫ་ནྟེ་པི ཨུ་མྨུ་ཛྫ་ནི་མུ་ཛྫ་མྤི ཀ་རོ་ནྟེ [ཨུ་མྨུ་ཛྫ་ནི་མུ་ཛྫཾ ཀ་རོ་ནྟེ་པི (སཱི. པཱི. ཀ.)] ཨོ་སི་ཉྩ་ནྟེ་པི ཨ་གྒི་མྤི ཛུ་ཧ་ནྟེ – ‘‘ཨི་མི་ནཱ སུ་དྡྷཱི’’ཏི.

ཨ་ཐ ཁོ བྷ་ག་ཝཱ ཨེ་ཏ་མ་ཏྠཾ ཝི་དི་ཏྭཱ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘ན ཨུ་ད་ཀེ་ན སུ་ཙཱི ཧོ་ཏཱི, བ་ཧྭེ་ཏྠ ནྷཱ་ཡ་ཏཱི [ན་ཧཱ་ཡ་ཏཱི (སཱི.)] ཛ་ནོ;

ཡ་མྷི ས་ཙྩ་ཉྩ དྷ་མྨོ ཙ, སོ སུ་ཙཱི སོ ཙ བྲཱ་ཧྨ་ཎོ’’ཏི. ན་ཝ་མཾ;