༩. ཨ་མྦ་པཱ་ལི་ཐེ་རཱི་ཨ་པ་དཱ་ནཾ
༢༠༤. ‘‘ཡོ རཾ་སི་ཕུ་སི་ཏཱ་ཝེ་ལོ༹, ཕུ་སྶོ ནཱ་མ མ་ཧཱ་མུ་ནི;
ཏ་སྶཱ་ཧཾ བྷ་གི་ནཱི ཨཱ་སིཾ, ཨ་ཛཱ་ཡིཾ ཁ་ཏྟི་ཡེ ཀུ་ལེ.
༢༠༥. ‘‘ཏ་སྶ དྷ་མྨཾ སུ་ཎི་ཏྭཱ་ཧཾ, ཝི་པྤ་ས་ནྣེ་ན ཙེ་ཏ་སཱ;
མ་ཧཱ་དཱ་ནཾ ད་དི་ཏྭཱ་ན, པ་ཏྠ་ཡིཾ རཱུ་པ་ས་མྤ་དཾ.
༢༠༦. ‘‘ཨེ་ཀ་ཏིཾ་སེ ཨི་ཏོ ཀ་པྤེ, སི་ཁཱི ལོ་ཀ་གྒ་ནཱ་ཡ་ཀོ;
ཨུ་པྤ་ནྣོ ལོ་ཀ་པ་ཛྫོ་ཏོ, ཏི་ལོ་ཀ་ས་ར་ཎོ ཛི་ནོ.
༢༠༧. ‘‘ཏ་དཱ་རུ་ཎ་པུ་རེ ར་མྨེ, བྲཱ་ཧྨ་ཉྙ་ཀུ་ལ་ས་མྦྷ་ཝཱ;
ཝི་མུ་ཏྟ་ཙི་ཏྟཾ ཀུ་པི་ཏཱ, བྷི་ཀྑུ་ནིཾ ཨ་བྷི་སཱ་པ་ཡིཾ.
༢༠༨. ‘‘ཝེ་སི་ཀཱ་ཝ ཨ་ནཱ་ཙཱ་རཱ, ཛི་ན་སཱ་ས་ན་དཱུ་སི་ཀཱ;
ཨེ་ཝཾ ཨ་ཀྐོ་ས་ཡི་ཏྭཱ་ན, ཏེ་ན པཱ་པེ་ན ཀ་མྨུ་ནཱ.
༢༠༩. ‘‘དཱ་རུ་ཎཾ ནི་ར་ཡཾ ག་ནྟྭཱ, མ་ཧཱ་དུ་ཀྑ་ས་མ་པྤི་ཏཱ;
ཏ་ཏོ ཙུ་ཏཱ མ་ནུ་སྶེ་སུ, ཨུ་པ་པ་ནྣཱ ཏ་པ་སྶི་ནཱི.
༢༡༠. ‘‘ད་ས་ཛཱ་ཏི་ས་ཧ་སྶཱ་ནི, ག་ཎི་ཀ་ཏྟ་མ་ཀཱ་ར་ཡིཾ;
ཏ་མྷཱ པཱ་པཱ ན མུ་ཙྩི་སྶཾ, བྷུ་ཏྭཱ དུ་ཊྛ་ཝི་སཾ ཡ་ཐཱ.
༢༡༡. ‘‘བྲ་ཧྨ་ཙ་རི་ཡ་མ་སེ་ཝི་སྶཾ [བྲ་ཧྨ་ཝེ་ས་མ་སེ་ཝི་སྶཾ (སྱཱ.), བྲ་ཧྨ་ཙེ་ར་མ་སེ་ཝི་སྶཾ (པཱི.)], ཀ་སྶ་པེ ཛི་ན་སཱ་ས་ནེ;
ཏེ་ན ཀ་མྨ་ཝི་པཱ་ཀེ་ན, ཨ་ཛཱ་ཡིཾ ཏི་ད་སེ པུ་རེ.
༢༡༢. ‘‘པ་ཙྪི་མེ བྷ་ཝེ ས་མྤ་ཏྟེ, ཨ་ཧོ་སིཾ ཨོ་པ་པཱ་ཏི་ཀཱ;
ཨ་མྦ་སཱ་ཁ་ནྟ་རེ ཛཱ་ཏཱ, ཨ་མྦ་པཱ་ལཱི་ཏི ཏེ་ན་ཧཾ.
༢༡༣. ‘‘པ་རི་ཝུ་ཏཱ པཱ་ཎ་ཀོ་ཊཱི་ཧི, པ་བྦ་ཛིཾ ཛི་ན་སཱ་ས་ནེ;
པ་ཏྟཱ་ཧཾ ཨ་ཙ་ལཾ ཋཱ་ནཾ, དྷཱི་ཏཱ བུ་དྡྷ་སྶ ཨོ་ར་སཱ.
༢༡༤. ‘‘ཨི་དྡྷཱི་སུ ཙ ཝ་སཱི ཧོ་མི, སོ་ཏ་དྷཱ་ཏུ་ཝི་སུ་དྡྷི་ཡཱ;
ཙེ་ཏོ་པ་རི་ཡ་ཉཱ་ཎ་སྶ, ཝ་སཱི ཧོ་མི མ་ཧཱ་མུ་ནེ.
༢༡༥. ‘‘པུ་བྦེ་ནི་ཝཱ་སཾ ཛཱ་ནཱ་མི, དི་བྦ་ཙ་ཀྑུ ཝི་སོ་དྷི་ཏཾ;
ས་བྦཱ་ས་ཝ་པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༢༡༦. ‘‘ཨ་ཏྠ་དྷ་མྨ་ནི་རུ་ཏྟཱི་སུ, པ་ཊི་བྷཱ་ནེ ཏ་ཐེ་ཝ ཙ;
ཉཱ་ཎཾ མེ ཝི་མ་ལཾ སུ་དྡྷཾ, བུ་དྡྷ་སེ་ཊྛ་སྶ ཝཱ་ཧ་སཱ.
༢༡༧. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ…པེ… ཝི་ཧ་རཱ་མི ཨ་ནཱ་ས་ཝཱ.
༢༡༨. ‘‘སྭཱ་ག་ཏཾ ཝ་ཏ མེ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༢༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨ་མྦ་པཱ་ལི བྷི་ཀྑུ་ནཱི ཨི་མཱ གཱ་ཐཱ་ཡོ
ཨ་བྷཱ་སི་ཏྠཱ་ཏི.
ཨ་མྦ་པཱ་ལི་ཐེ་རི་ཡཱ་པ་དཱ་ནཾ ན་ཝ་མཾ.