༤. ཁ་ཏྟི་ཡཱ་ཝ་གྒོ
༡. ཡ་ས་ཝ་ཏཱི་པ་མུ་ཁ་ཨ་ཊྛཱ་ར་ས་བྷི་ཀྑུ་ནཱི་ས་ཧ་སྶ་ཨ་པ་དཱ་ནཾ
༡. ‘‘བྷ་ཝཱ ས་བྦེ པ་རི་ཀྑཱི་ཎཱ, བྷ་ཝཱ ས་ནྟི ཝི་མོ་ཙི་ཏཱ;
ས་བྦཱ་ས་ཝཱ ཙ ནོ ན་ཏྠི, ཨཱ་རོ་ཙེ་མ མ་ཧཱ་མུ་ནེ.
༢. ‘‘པུ་རི་མཾ ཀུ་ས་ལཾ ཀ་མྨཾ [པ་རི་ཀ་མྨ་ཉྩ ཀུ་ས་ལཾ (སྱཱ.)], ཡཾ ཀི་ཉྩི སཱ་དྷུ་པ་ཏྠི་ཏཾ;
པ་རི་བྷོ་ག་མ་ཡཾ དི་ནྣཾ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ.
༣. ‘‘བུ་དྡྷ་པ་ཙྩེ་ཀ་བུ་དྡྷཱ་ནཾ, སཱ་ཝ་ཀཱ་ན་ཉྩ པ་ཏྠི་ཏཾ [བུ་དྡྷཱ་ནཾ སཱ་ཝ་ཀཱ་ན་ཉྩ (སཱི. ཀ.)];
པ་རི་བྷོ་ག་མ་ཡཾ དི་ནྣཾ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ.
༤. ‘‘ཨུ་ཙྩ་ནཱི་ཙ་མ་ཡཾ ཀ་མྨཾ, བྷི་ཀྑཱུ་ནཾ སཱ་དྷུ་པ་ཏྠི་ཏཾ;
ཨུ་ཙྩཱ་ཀུ་ལ་པ་རི་ཀ་མྨཾ, ཀ་ཏ་མེ་ཏཾ མ་ཧཱ་མུ་ནེ [ཀ་ཏ་མྷེ་ཧི མ་ཧཱ་མུ་ནེ (སྱཱ. པཱི.)].
༥. ‘‘ཏེ་ནེ་ཝ སུ་ཀྐ་མཱུ་ལེ་ན, ཙོ་དི་ཏཱ ཀ་མྨ་ས་མྤ་དཱ;
མཱ་ནུ་སི་ཀ་མ་ཏི་ཀྐ་ནྟཱ, ཛཱ་ཡིཾ་སུ ཁ་ཏྟི་ཡེ ཀུ་ལེ.
༦. ‘‘ཨུ་པྤ་ཏྟེ ཙ ཀ་ཏེ ཀ་མྨེ, ཛཱ་ཏི་ཡཱ ཝཱ་པི ཨེ་ཀ་ཏོ;
པ་ཙྪི་མེ ཨེ་ཀ་ཏོ ཛཱ་ཏཱ, ཁ་ཏྟི་ཡཱ ཀུ་ལ་ས་མྦྷ་ཝཱ.
༧. ‘‘རཱུ་པ་ཝ་ཏཱི བྷོ་ག་ཝ་ཏཱི, ལཱ་བྷ་ས་ཀྐཱ་ར་པཱུ་ཛི་ཏཱ;
ཨ་ནྟེ་པུ་རེ མ་ཧཱ་ཝཱི་ར, དེ་ཝཱ་ནཾ ཝི་ཡ ན་ནྡ་ནེ.
༨. ‘‘ནི་བྦི་ནྡི་ཏྭཱ ཨ་གཱ་ར་མྷཱ, པ་བྦ་ཛི་མྷ་ན་གཱ་རི་ཡཾ;
ཀ་ཏི་པཱ་ཧཾ ཨུ་པཱ་དཱ་ཡ, ས་བྦཱ པ་ཏྟཱ་མྷ ནི་བྦུ་ཏིཾ.
༩. ‘‘ཙཱི་ཝ་རཾ པི་ཎྜ་པཱ་ཏ་ཉྩ, པ་ཙྩ་ཡཾ ས་ཡ་ནཱ་ས་ནཾ;
ཨུ་པ་ནེ་ནྟི བ་ཧཱུ ཨ་མྷེ, ས་དཱ ས་ཀྐ་ཏ་པཱུ་ཛི་ཏཱ.
༡༠. ‘‘ཀི་ལེ་སཱ ཛྷཱ་པི་ཏཱ ཨ་མྷཾ, བྷ་ཝཱ ས་བྦེ ས་མཱུ་ཧ་ཏཱ;
ནཱ་གཱི་ཝ བ་ནྡྷ་ནཾ ཚེ་ཏྭཱ, ཝི་ཧ་རཱ་མ ཨ་ནཱ་ས་ཝཱ.
༡༡. ‘‘སྭཱ་ག་ཏཾ ཝ་ཏ ནོ ཨཱ་སི, མ་མ བུ་དྡྷ་སྶ ས་ནྟི་ཀེ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༡༢. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཡ་ས་ཝ་ཏཱི་པ་མུ་ཁཱ་ནི ཁ་ཏྟི་ཡ་ཀ་ཉྙཱ་བྷི་ཀྑུ་ནི་ཡོ ཨ་ཊྛཱ་ར་ས་ས་ཧ་སྶཱ་ནི བྷ་ག་ཝ་ཏོ ས་མྨུ་ཁཱ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཡ་ས་ཝ་ཏཱི་པ་མུ་ཁ་ཨ་ཊྛཱ་ར་ས་བྷི་ཀྑུ་ནཱི་ས་ཧ་སྶཱ་པ་དཱ་ནཾ པ་ཋ་མཾ.
༢. ཙ་ཏུ་རཱ་སཱི་ཏི་བྷི་ཀྑུ་ནཱི་ས་ཧ་སྶ་ཨ་པ་དཱ་ནཾ
༡༣. ‘‘ཙུ་ལླཱ་སཱི་ཏི་ས་ཧ་སྶཱ་ནི, བྲཱ་ཧྨ་ཉྙ་ཀུ་ལ་ས་མྦྷ་ཝཱ [བྲཱ་ཧྨ་ཎ་ཀུ་ལ་ས་མྦྷ་ཝཱ (སྱཱ. ཀ.)];
སུ་ཁུ་མཱ་ལ་ཧ་ཏྠ་པཱ་དཱ, པུ་རེ ཏུ་ཡ྄ཧཾ མ་ཧཱ་མུ་ནེ.
༡༤. ‘‘ཝེ་སྶ་སུ་དྡ་ཀུ་ལེ ཛཱ་ཏཱ, དེ་ཝཱ ནཱ་གཱ ཙ ཀི་ནྣ་རཱ;
ཙཱ་ཏུ་དྡཱི་པཱ བ་ཧཱུ ཀ་ཉྙཱ, པུ་རེ ཏུ་ཡ྄ཧཾ མ་ཧཱ་མུ་ནེ.
༡༥. ‘‘ཀཱ་ཙི པ་བྦ་ཛི་ཏཱ ཨ་ཏྠི, ས་བྦ་ད་སྶཱ་ཝི་ནོ [ས་ཙྩ་ད་སྶཱ་ཝི་ནོ (སཱི. པཱི.)] ཧཱུ;
དེ་ཝཱ ཙ ཀི་ནྣ་རཱ ནཱ་གཱ, ཕུ་སི་སྶ་ནྟི ཨ་ནཱ་ག་ཏེ.
༡༦. ‘‘ཨ་ནུ་བྷོ་ཏྭཱ ཡ་སཾ ས་བྦཾ, པ་ཏྭཱ་ན ས་བྦ་ས་མྤ་དཱ;
ཏུ་མྷཾ [ཏྭ་ཡི (སཱི. པཱི.)] པ་སཱ་དཾ པ་ཊི་ལ་དྡྷཱ, བུ་ཛ྄ཛྷི་སྶ་ནྟི ཨ་ནཱ་ག་ཏེ.
༡༧. ‘‘ཨ་མྷེ བྲཱ་ཧྨ་ཎ་དྷཱི་ཏཱ ཏུ, བྲཱ་ཧྨ་ཉྙ་ཀུ་ལ་ས་མྦྷ་ཝཱ;
པེ་ཀྑ་ཏོ ནོ [ལ་ཀྑ་ཎཱ ཙ (སྱཱ.)] མ་ཧཱ་ཝཱི་ར, པཱ་དེ ཝ་ནྡཱ་མ ཙ་ཀྑུ་མ.
༡༨. ‘‘ཨུ་པ་ཧ་ཏཱ བྷ་ཝཱ ས་བྦེ, མཱུ་ལ་ཏ་ཎྷཱ ས་མཱུ་ཧ་ཏཱ;
ས་མུ་ཙྪི་ནྣཱ ཨ་ནུ་ས་ཡཱ, པུ་ཉྙ་ས་ངྑཱ་ར་དཱ་ལི་ཏཱ.
༡༩. ‘‘ས་མཱ་དྷི་གོ་ཙ་རཱ ས་བྦཱ, ས་མཱ་པ་ཏྟི་ཝ་སཱི ཀ་ཏཱ;
ཛྷཱ་ནེ་ན དྷ་མྨ་ར་ཏི་ཡཱ, ཝི་ཧ་རི་སྶཱ་མ ནོ ས་དཱ.
༢༠. ‘‘བྷ་ཝ་ནེ་ཏྟི ཨ་ཝི་ཛྫཱ ཙ, ས་ངྑཱ་རཱ་པི ཙ ཁེ་པི་ཏཱ;
སུ་དུ་དྡ་སཾ པ་དཾ ག་ནྟྭཱ, ཨ་ནུ་ཛཱ་ནཱ་ཐ [ཨ་ནུ་ཛཱ་ནི་མྷ (སྱཱ. པཱི. ཀ.)] ནཱ་ཡ་ཀ.
༢༡. ‘‘ཨུ་པ་ཀཱ་རཱ མ་མཾ ཏུ་མྷེ, དཱི་གྷ་ར་ཏྟཾ ཀ་ཏཱ་ཝི་ནོ;
ཙ་ཏུ་ནྣཾ སཾ་ས་ཡཾ ཚེ་ཏྭཱ, ས་བྦཱ ག་ཙྪ་ནྟུ ནི་བྦུ་ཏིཾ.
༢༢. ‘‘ཝ་ནྡི་ཏྭཱ མུ་ནི་ནོ པཱ་དེ, ཀ་ཏྭཱ ཨི་དྡྷི་ཝི་ཀུ་བྦ་ནཾ;
ཀཱ་ཙི ད་སྶེ་ནྟི ཨཱ་ལོ་ཀཾ, ཨ་ནྡྷ་ཀཱ་ར་མ་ཐཱ་པ་རཱ.
༢༣. ‘‘ད་སྶེ་ནྟི ཙ་ནྡ་སཱུ་རི་ཡེ, སཱ་ག་ར་ཉྩ ས་མ་ཙྪ་ཀཾ;
སི་ནེ་རུཾ པ་རི་བྷ་ཎྜ་ཉྩ, ད་སྶེ་ནྟི པཱ་རི་ཚ་ཏྟ་ཀཾ.
༢༤. ‘‘ཏཱ་ཝ་ཏིཾ་ས་ཉྩ བྷ་ཝ་ནཾ, ཡཱ་མཾ ད་སྶེ་ནྟི ཨི་དྡྷི་ཡཱ;
ཏུ་སི་ཏཾ ནི་མྨི་ཏེ དེ་ཝེ, ཝ་ས་ཝ་ཏྟཱི མ་ཧི་སྶ་རེ.
༢༥. ‘‘བྲ་ཧྨཱ་ནོ ཀཱ་ཙི ད་སྶེ་ནྟི, ཙ་ངྐ་མ་ཉྩ མ་ཧཱ་ར་ཧཾ;
བྲ་ཧྨ་ཝ་ཎྞ་ཉྩ མཱ་པེ་ཏྭཱ, དྷ་མྨཾ དེ་སེ་ནྟི སུ་ཉྙ་ཏཾ.
༢༦. ‘‘ནཱ་ནཱ་ཝི་ཀུ་བྦ་ནཾ ཀ་ཏྭཱ, ཨི་དྡྷིཾ ད་སྶི་ཡ ས་ཏྠུ་ནོ;
ད་སྶ་ཡིཾ་སུ བ་ལཾ ས་བྦཱ, པཱ་དེ ཝ་ནྡིཾ་སུ ས་ཏྠུ་ནོ.
༢༧. ‘‘ཨི་དྡྷཱི་སུ ཙ ཝ་སཱི ཧོ་མ, དི་བྦཱ་ཡ སོ་ཏ་དྷཱ་ཏུ་ཡཱ;
ཙེ་ཏོ་པ་རི་ཡ་ཉཱ་ཎ་སྶ, ཝ་སཱི ཧོ་མ མ་ཧཱ་མུ་ནེ.
༢༨. ‘‘པུ་བྦེ་ནི་ཝཱ་སཾ ཛཱ་ནཱ་མ, དི་བྦ་ཙ་ཀྑུ ཝི་སོ་དྷི་ཏཾ;
ས་བྦཱ་ས་ཝ་པ་རི་ཀྑཱི་ཎཱ, ན་ཏྠི དཱ་ནི པུ་ན་བྦྷ་ཝོ.
༢༩. ‘‘ཨ་ཏྠ་དྷ་མྨ་ནི་རུ་ཏྟཱི་སུ, པ་ཊི་བྷཱ་ནེ ཏ་ཐེ་ཝ ཙ;
ཉཱ་ཎཾ ཨ་མྷཾ མ་ཧཱ་ཝཱི་ར, ཨུ་པྤ་ནྣཾ ཏ་ཝ ས་ནྟི་ཀེ.
༣༠. ‘‘པུ་བྦཱ་ནཾ ལོ་ཀ་ནཱ་ཐཱ་ནཾ, ས་ངྒ་མཾ ནོ ནི་ད་སྶི་ཏཾ;
ཨ་དྷི་ཀཱ་རཾ བ་ཧུཾ ཨ་མྷཾ, ཏུ་ཡ྄ཧ་ཏྠཱ་ཡ མ་ཧཱ་མུ་ནེ.
༣༡. ‘‘ཡཾ ཨ་མྷེ་ཧི ཀ་ཏཾ ཀ་མྨཾ, ཀུ་ས་ལཾ ས་ར ཏཾ མུ་ནེ;
ཏུ་ཡ྄ཧ་ཏྠཱ་ཡ མ་ཧཱ་ཝཱི་ར, པུ་ཉྙཱ་ནུ་པ་ཙི་ཏཱ་ནི ནོ.
༣༢. ‘‘ས་ཏ་ས་ཧ་སྶི་ཏོ ཀ་པྤེ, པ་དུ་མུ་ཏྟ་རོ མ་ཧཱ་མུ་ནི;
པུ་རཾ ཧཾ་ས་ཝ་ཏཱི ནཱ་མ, ས་མྦུ་དྡྷ་སྶ ཀུ་ལཱ་ས་ཡཾ.
༣༣. ‘‘དྭཱ་རེ་ན ཧཾ་ས་ཝ་ཏི་ཡཱ, ག་ངྒཱ ས་ནྡ་ཏི ས་བྦ་དཱ;
ཨུ་བྦ་ལ༹ྷཱ ན་དི་ཡཱ བྷི་ཀྑཱུ, ག་མ་ནཾ ན ལ་བྷ་ནྟི ཏེ.
༣༤. ‘‘དི་ཝ་སཾ དྭེ ཏ་ཡོ ཙེ་ཝ, ས་ཏྟཱ་ཧཾ མཱ་སི་ཀཾ ཏ་ཏོ;
ཙ་ཏུ་མཱ་ས་མྤི ས་མྤུ་ཎྞཾ, ག་མ་ནཾ ན ལ་བྷ་ནྟི ཏེ.
༣༥. ‘‘ཏ་དཱ ཨ་ཧུ ས་ཏྟ་སཱ་རོ, ཛ་ཊི་ལོ ནཱ་མ ར་ཊྛི་ཀོ;
ཨོ་རུ་དྡྷེ [ཨོ་ར་ཏཱི་རེ (སྱཱ.)] བྷི་ཀྑ་ཝོ དི་སྭཱ, སེ་ཏུཾ ག་ངྒཱ་ཡ ཀཱ་ར་ཡི.
༣༦. ‘‘ཏ་དཱ ས་ཏ་ས་ཧ་སྶེ་ཧི, སེ་ཏུཾ ག་ངྒཱ་ཡ ཀཱ་ར་ཡི;
ས་ངྒྷ་སྶ ཨོ་རི་མེ ཏཱི་རེ, ཝི་ཧཱ་ར་ཉྩ ཨ་ཀཱ་ར་ཡི.
༣༧. ‘‘ཨི་ཏྠི་ཡོ པུ་རི་སཱ ཙེ་ཝ, ཨུ་ཙྩ་ནཱི་ཙ་ཀུ་ལཱ་ནི ཙ;
ཏ་སྶ སེ་ཏུཾ ཝི་ཧཱ་ར་ཉྩ [ཏེ་སུ སེ་ཏུ་ཝི་ཧཱ་རེ་སུ (སཱི.), ཏ་སྶ སེ་ཏཱུ ཝི་ཧཱ་རེ ཙ (པཱི.)], ས་མ་བྷཱ་གཾ ཨ་ཀཾ་སུ ཏེ.
༣༨. ‘‘ཨ་མྷེ ཨ་ཉྙེ ཙ མཱ་ནུ་ཛཱ, ཝི་པྤ་ས་ནྣེ་ན ཙེ་ཏ་སཱ;
ཏ་སྶ དྷ་མྨེ་སུ དཱ་ཡཱ་དཱ, ན་ག་རེ ཛ་ན་པ་དེ་སུ ཙ.
༣༩. ‘‘ཨི་ཏྠཱི པུ་མཱ ཀུ་མཱ་རཱ ཙ, བ་ཧཱུ ཙེ་ཝ ཀུ་མཱ་རི་ཀཱ;
སེ་ཏུ་ནོ ཙ ཝི་ཧཱ་ར་སྶ, ཝཱ་ལུ་ཀཱ ཨཱ་ཀི་རིཾ་སུ ཏེ.
༤༠. ‘‘ཝཱི་ཐིཾ ས་མྨ་ཛྫ་ནཾ ཀ་ཏྭཱ, ཀ་ད་ལཱི་པུ་ཎྞ་གྷ་ཊེ དྷ་ཛེ;
དྷཱུ་པཾ ཙུ་ཎྞ་ཉྩ མཱ་ལ་ཉྩ, ཀཱ་རཾ ཀ་ཏྭཱ་ན ས་ཏྠུ་ནོ.
༤༡. ‘‘སེ་ཏུ་ཝི་ཧཱ་རེ ཀཱ་རེ་ཏྭཱ, ནི་མ་ནྟེ་ཏྭཱ ཝི་ནཱ་ཡ་ཀཾ;
མ་ཧཱ་དཱ་ནཾ ད་དི་ཏྭཱ་ན, ས་མྦོ་དྷིཾ ཨ་བྷི་པ་ཏྠ་ཡིཾ.
༤༢. ‘‘པ་དུ་མུ་ཏྟ་རོ མ་ཧཱ་ཝཱི་རོ, ཏཱ་ར་ཀོ ས་བྦ་པཱ་ཎི་ནཾ;
ཨ་ནུ་མོ་ད་ནཱི་ཡཾ་ཀཱ་སི, ཛ་ཊི་ལ་སྶ མ་ཧཱ་མུ་ནི [ཀ་ཏྭཱ, ཝི་ཡཱ་ཀཱ་སི མ་ཧཱ་མུ་ནི (སྱཱ.)].
༤༣. ‘‘‘ས་ཏ་ས་ཧ་སྶཱ་ཏི་ཀྐ་ནྟེ, ཀ་པྤོ ཧེ་སྶ་ཏི བྷ་དྡ་ཀོ;
བྷ་ཝཱ་བྷ་ཝེ་ནུ་བྷོ་ཏྭཱ་ན, པཱ་པུ་ཎི་སྶ་ཏི བོ་དྷི་ཡཾ.
༤༤. ‘‘‘ཀཱ་ཙི ཧ་ཏྠ་པ་རི་ཀ་མྨཾ, ཀ་ཏཱ་ཝཱི ན་ར་ནཱ་རི་ཡོ;
ཨ་ནཱ་ག་ཏ་མྷི ཨ་དྡྷཱ་ནེ, ས་བྦཱ ཧེ་སྶ་ནྟི ས་མྨུ་ཁཱ’.
༤༥. ‘‘ཏེ་ན ཀ་མྨ་ཝི་པཱ་ཀེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཨུ་པྤ་ནྣཱ དེ་ཝ་བྷ་ཝ་ནཾ, ཏུ་ཡ྄ཧཾ ཏཱ པ་རི་ཙཱ་རི་ཀཱ.
༤༦. ‘‘དི་བྦ་སུ་ཁཾ ཨ་ས་ངྑི་ཡཾ, མཱ་ནུ་ས་ཉྩ ཨ་ས་ངྑི་ཡཾ;
ཏུ་ཡ྄ཧཾ ཏེ པ་རི་ཙཱ་རེ་མ, སཾ་ས་རི་མྷ བྷ་ཝཱ་བྷ་ཝེ.
༤༧. ‘‘ས་ཏ་ས་ཧ་སྶི་ཏོ ཀ་པྤེ, སུ་ཀ་ཏཾ ཀ་མྨ་ས་མྤ་དཾ;
སུ་ཁུ་མཱ་ལཱི མ་ནུ་སྶཱ་ནཾ, ཨ་ཐོ དེ་ཝ་པུ་རེ ཝ་རེ.
༤༨. ‘‘རཱུ་པ་བྷོ་ག་ཡ་སེ ཙེ་ཝ, ཨ་ཐོ ཀི་ཏྟི་ཉྩ ས་ཀྐ་ཏཾ [ཀི་ཏྟི་སུ་ཁཾ པི་ཡཾ (སྱཱ.)];
ལ་བྷཱ་མ ས་ཏ་ཏཾ ས་བྦཾ, སུ་ཀ་ཏཾ ཀ་མྨ་ས་མྤ་དཾ.
༤༩. ‘‘པ་ཙྪི་མེ བྷ་ཝེ ས་མྤ་ཏྟེ, ཛཱ་ཏཱ་མྷ བྲཱ་ཧྨ་ཎེ ཀུ་ལེ;
སུ་ཁུ་མཱ་ལ་ཧ་ཏྠ་པཱ་དཱ, ས་ཀྱ་པུ་ཏྟ་ནི་ཝེ་ས་ནེ.
༥༠. ‘‘ས་བྦ་ཀཱ་ལ་མྤི པ་ཐ་ཝིཾ, ན པ་སྶཱ་མ ན ལ་ངྐ་ཏཾ;
ཙི་ཀྑ་ལླ་བྷཱུ་མི་མ་སུ་ཙིཾ [ཙི་ཀྑ་ལླཾ བྷཱུ་མིཾ ག་མ་ནཾ (སྱཱ.)], ན པ་སྶཱ་མ མ་ཧཱ་མུ་ནེ.
༥༡. ‘‘ཨ་གཱ་རཾ ཝ་ས་ནྟེ ཨ་མྷེ, ས་ཀྐཱ་རཾ ས་བྦ་ཀཱ་ལི་ཀཾ;
ཨུ་པ་ནེ་ནྟི ས་དཱ ས་བྦཾ, པུ་བྦ་ཀ་མྨ་ཕ་ལེ་ན ནོ [པུ་བྦ་ཀ་མྨ་ཕ་ལཾ ཏ་ཏོ (སཱི. པཱི.)].
༥༢. ‘‘ཨ་གཱ་རཾ པ་ཛ་ཧི་ཏྭཱ་ན, པ་བྦ་ཛི་ཏྭཱ་ན་གཱ་རི་ཡཾ;
སཾ་སཱ་ར་པ་ཐ་ནི་ཏྠི་ཎྞཱ, ཝཱི་ཏ་རཱ་གཱ བྷ་ཝཱ་མ་སེ [ན་ཏྠི དཱ་ནི པུ་ན་བྦྷ་ཝོ (སཱི. སྱཱ. པཱི.)].
༥༣. ‘‘ཙཱི་ཝ་རཾ པི་ཎྜ་པཱ་ཏ་ཉྩ, པ་ཙྩ་ཡཾ ས་ཡ་ནཱ་ས་ནཾ;
ཨུ་པ་ནེ་ནྟི ས་དཱ ཨ་མྷེ, ས་ཧ་སྶཱ་ནི ཏ་ཏོ ཏ་ཏོ.
༥༤. ‘‘ཀི་ལེ་སཱ ཛྷཱ་པི་ཏཱ ཨ་མྷཾ…པེ… ཝི་ཧ་རཱ་མ ཨ་ནཱ་ས་ཝཱ.
༥༥. ‘‘སྭཱ་ག་ཏཾ ཝ་ཏ ནོ ཨཱ་སི…པེ… ཀ་ཏཾ བུ་དྡྷ་སྶ སཱ་ས་ནཾ.
༥༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཙ་ཏུ་རཱ་སཱི་ཏི་བྲཱ་ཧྨ་ཎ་ཀ་ཉྙཱ་བྷི་ཀྑུ་ནཱི་ས་ཧ་སྶཱ་ནི བྷ་ག་ཝ་ཏོ ས་མྨུ་ཁཱ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཙ་ཏུ་རཱ་སཱི་ཏི་བྷི་ཀྑུ་ནཱི་ས་ཧ་སྶཱ་པ་དཱ་ནཾ དུ་ཏི་ཡཾ.
༣. ཨུ་པྤ་ལ་དཱ་ཡི་ཀཱ་ཐེ་རཱི་ཨ་པ་དཱ་ནཾ
༥༧. ‘‘ན་ག་རེ ཨ་རུ་ཎ་ཝ་ཏི་ཡཱ, ཨ་རུ་ཎོ ནཱ་མ ཁ་ཏྟི་ཡོ;
ཏ་སྶ ར་ཉྙོ ཨ་ཧུཾ བྷ་རི་ཡཱ, ཨེ་ཀ་ཛ྄ཛྷཾ ཙཱ་ར་ཡཱ་མ་ཧཾ.
༥༨. ‘‘ར་ཧོ་ག་ཏཱ ནི་སཱི་དི་ཏྭཱ, ཨེ་ཝཾ ཙི་ནྟེ་ས་ཧཾ ཏ་དཱ;
‘ཀུ་ས་ལཾ མེ ཀ་ཏཾ ན་ཏྠི, ཨཱ་དཱ་ཡ ག་མི་ཡཾ མ་མ.
༥༩. ‘‘‘མ་ཧཱ་བྷི་ཏཱ་པཾ ཀ་ཊུ་ཀཾ, གྷོ་ར་རཱུ་པཾ སུ་དཱ་རུ་ཎཾ;
ནི་ར་ཡཾ ནཱུ་ན ག་ཙྪཱ་མི, ཨེ་ཏྠ མེ ན་ཏྠི སཾ་ས་ཡོ’.
༦༠. ‘‘ཨེ་ཝཱ་ཧཾ ཙི་ནྟ་ཡི་ཏྭཱ་ན, པ་ཧཾ་སེ་ཏྭཱ་ན མཱ་ན་སཾ;
རཱ་ཛཱ་ནཾ ཨུ་པ་ག་ནྟྭཱ་ན, ཨི་དཾ ཝ་ཙ་ན་མ་བྲ་ཝིཾ.
༦༡. ‘‘‘ཨི་ཏྠཱི ནཱ་མ མ་ཡཾ དེ་ཝ, པུ་རི་སཱ་ནི་ཏྟ་རཱ ཨ་ཧུ [པུ་རི་སཱ་ནུ་ག་ཏཱ ས་དཱ (སཱི.), པུ་རི་སཱ ན བྷ་ཝཱ་མ ནོ (སྱཱ.), པུ་རི་སཱ་ནཾ བྷ་རཱ མ་ཡཾ (པཱི.)];
ཨེ་ཀཾ མེ ས་མ་ཎཾ དེ་ཧི, བྷོ་ཛ་ཡི་སྶཱ་མི ཁ་ཏྟི་ཡ’.
༦༢. ‘‘ཨ་དཱ་སི མེ ཏ་དཱ རཱ་ཛཱ, ས་མ་ཎཾ བྷཱ་ཝི་ཏི་ནྡྲི་ཡཾ;
ཏ་སྶ པ་ཏྟཾ ག་ཧེ་ཏྭཱ་ན, པ་ར་མ་ནྣེ་ན པཱུ་ར་ཡིཾ.
༦༣. ‘‘པཱུ་རེ་ཏྭཱ པ་ར་མཾ ཨ་ནྣཾ, ས་ཧ སུ་ག་ནྡྷ་ལེ་པ་ནཾ;
མ་ཧཱ་ཙེ་ལེ་ན ཚཱ་དི་ཏྭཱ, ཨ་དཱ་སིཾ ཏུ་ཊྛ་མཱ་ན་སཱ.
༦༤. ‘‘ཏེ་ན ཀ་མྨེ་ན སུ་ཀ་ཏེ་ན, ཙེ་ཏ་ནཱ་པ་ཎི་དྷཱི་ཧི ཙ;
ཛ་ཧི་ཏྭཱ མཱ་ནུ་སཾ དེ་ཧཾ, ཏཱ་ཝ་ཏིཾ་ས་མ་ག་ཙྪ་ཧཾ.
༦༥. ‘‘ས་ཧ་སྶ་དེ་ཝ་རཱ་ཛཱུ་ནཾ, མ་ཧེ་སི་ཏྟ་མ་ཀཱ་ར་ཡིཾ;
ས་ཧ་སྶ་ཙ་ཀྐ་ཝ་ཏྟཱི་ནཾ, མ་ཧེ་སི་ཏྟ་མ་ཀཱ་ར་ཡིཾ.
༦༦. ‘‘པ་དེ་ས་ར་ཛྫཾ ཝི་པུ་ལཾ, ག་ཎ་ནཱ་ཏོ ཨ་ས་ངྑི་ཡཾ;
ནཱ་ནཱ་ཝི་དྷཾ བ་ཧུཾ ཨ་ཉྙཾ, ཏ་སྶ ཀ་མྨ་ཕ་ལཾ ཏ་ཏོ.
༦༧. ‘‘ཨུ་པྤ་ལ་སྶེ་ཝ མེ ཝ་ཎྞོ, ཨ་བྷི་རཱུ་པཱ སུ་ད་སྶ་ནཱ;
ཨི་ཏྠི་ས་བྦ་ངྒ་ས་མྤ་ནྣཱ, ཨ་བྷི་ཛཱ་ཏཱ ཛུ་ཏི་ནྡྷ་རཱ.
༦༨. ‘‘པ་ཙྪི་མེ བྷ་ཝེ ས་མྤ་ཏྟེ, ཨ་ཛཱ་ཡིཾ སཱ་ཀི་ཡེ ཀུ་ལེ;
ནཱ་རཱི་ས་ཧ་སྶ་པཱ་མོ་ཀྑཱ, སུ་དྡྷོ་ད་ན་སུ་ཏ་སྶ་ཧཾ.
༦༩. ‘‘ནི་བྦི་ནྡི་ཏྭཱ ཨ་གཱ་རེ་ཧཾ, པ་བྦ་ཛིཾ ཨ་ན་གཱ་རི་ཡཾ;
ས་ཏྟ་མཱི་ར་ཏྟི་ས་མྤ་ཏྟཱ [ས་ཏྟ་མིཾ་ར་ཏྟི་མ་པ་ཏྟཱ (སཱི. སྱཱ. པཱི.)], ཙ་ཏུ་ས་ཙྩ་མ་པཱ་པུ་ཎིཾ.
༧༠. ‘‘ཙཱི་ཝ་རཾ པི་ཎྜ་པཱ་ཏ་ཉྩ, པ་ཙྩ་ཡཾ ས་ཡ་ནཱ་ས་ནཾ;
པ་རི་མེ་ཏུཾ ན ས་ཀྐོ་མི, པི་ཎྜ་པཱ་ཏ་སྶི་དཾ ཕ་ལཾ.
༧༡. ‘‘ཡཾ མ་ཡ྄ཧཾ པཱུ་རི་ཏཾ ཀ་མྨཾ, ཀུ་ས་ལཾ ས་ར་སེ མུ་ནི;
ཏུ་ཡ྄ཧ་ཏྠཱ་ཡ མ་ཧཱ་ཝཱི་ར, པ་རི་ཙ་ཏྟཾ བ་ཧུཾ མ་ཡཱ.
༧༢. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པི་ཎྜ་པཱ་ཏ་སྶི་དཾ ཕ་ལཾ.
༧༣. ‘‘དྭེ ག་ཏི་ཡོ པ་ཛཱ་ནཱ་མི, དེ་ཝ་ཏྟཾ ཨ་ཐ མཱ་ནུ་སཾ;